乙：侬各种地方戏唱得比较好，蛮好趁迭个机会唱一段。
甲：迭个是我喜爱，唱得好谈勿上，勿过欢喜唱迭种曲调。
乙：搿么好个，今朝为大家唱一段。
甲：好个。
乙：大家欢迎欢迎。
甲：唱一段《白蛇传》。
乙：《白蛇传》好个，传统戏，请啊。
甲：请啊。一见许郎心头恨，不由我心中。
乙：慢慢慢，谢谢侬调一段好�？
甲：调一段《秦香莲》。
乙：《秦香莲》好个，包公怒斩陈世美，传统戏，请啊。
甲：请啊。望保读书求功名，你要到。
乙：慢慢慢，谢谢侬再调一段。
甲：好个。《宝玉哭灵》。
乙：《宝玉哭灵》好个，九曲回肠，感人肺腑，请啊。
甲：请啊。想当初，我的林妹妹初到我的家里来，我搭你。
乙：刹车刹车。
甲：喂，侬啥体了？
乙：我也弄勿懂，侬啥体了，我叫侬唱各种地方戏曲，侬也没个呀，勿是唱淮剧就是唱扬剧，勿是唱扬剧就是唱淮剧，一道来辣海，兜来兜去辣辣苏北窟里向。
甲：说明我对扬剧淮剧有深厚的感情。
乙：搿能讲起来莫非方艳华阁下就是苏北人了？
甲：难道你也听勿出来吗？
乙：真的？
甲：那是真的。
乙：果然？
甲：不错。
乙：哎呦喂，我的妈妈呀。
甲：喂，叫㑚姆妈做啥了？
乙：我脱侬搭档了介许多日脚，还没晓得堂堂个著名滑稽女演员方艳华同志竟然是个苏北人啊。
甲：哎呦喂，没搭命了。
乙：啥体？
甲：我从来没有想到过，我的搭档郭明敏同志，接受社会主义思想教育多年，活了整整四十七年，一米七十六的男子，竟然看勿起苏北人啊。，我为你感到心里难过，脸皮发红。
乙：㑚听听，㑚苏北公民讲个啥个闲话？
甲：什么话，它不是中国话，它是法国话，它是英国话，它是美国话？
乙：㑚听听看，蛮好个美国话，摆辣侬嘴巴里美国话。
甲：迭个侬勿晓得了，迭个就是苏北闲话个优点。
乙：苏北闲话有啥优点呢？
甲：苏北闲话一有搭科学性，二有搭音乐性。
乙：侬倒讲讲看啥叫科学性？
甲：请问上海闲话这儿叫什么？
乙：叫此地。
甲：那儿呢？
乙：叫伊面。
甲：请问啥个解释？
乙：啥个解释。
甲：此地，此地一块地皮，伊面，到伊拉克去买切面啊？
乙：没搿种解释法。
甲：苏北闲话讲出来侪有出发点个。
乙：哪能？
甲：这儿叫这块，那儿叫辣块，现在里弄里条条块块侪是根据苏北人搿搭学习搭去个。
乙：就是这块辣块。
甲：诶。
乙：有道理有道理。啥个叫音乐性呢？
甲：举两个简单个例子讲畀侬听，面粉做成功馓子形摆辣油里氽个，㑚叫啥个物事？
乙：叫麻油馓子。
甲：多少难听啊，麻油馓子，阿拉苏北闲话就好听了，麻油馓子。
乙：麻油馓子。
甲：四分之两个节拍，下占两拍，右占一拍，三转角占一拍，听上去有阳有阳起伏，麻油馓子，清爽�？
乙：清爽。
甲：再问侬，比油蘸子多一眼眼个，㑚叫啥物事？
乙：叫绞链棒。
甲：绞链棒，木熏熏勿啦，阿拉苏北闲话就好听了。
乙：哪能？
甲：脆麻花。
乙：脆麻花。
甲：三拍子，三个字各占一拍，听上去没闲话了，脆麻花，脆麻花，蹦擦擦，脆麻花。
乙：脆麻花。
甲：脆麻花。
乙：脆麻花，脆麻花，脆麻花。
甲：喂，哪能跳交谊舞了？
乙：凡是音乐个物事侪好跳舞蹈个。
甲：侬讲对�？
乙：对个对个。
甲：苏北闲话有啥勿好听呢？
乙：无啥勿好听。
甲：阿是有搭科学性？
乙：有科学性。
甲：有音乐性？
乙：有音乐性。我了勿是对苏北闲话有搭看法，只要对苏北迭个地。
甲：地方有搭看法，搿有啥看法呢，苏北也是九百六十万平方公里个一个部分，伊个风光秀丽，景色优美，还有一只赞美苏北个歌侬听见�？
乙：啥个歌侬倒唱唱看呢？
甲：一座座青山紧相连，一朵朵白云绕山间。
乙：蛮熟悉个吗。
甲：一片片庄家一层层绿，一阵阵歌声随风传。哎，谁不说俺家乡好，得儿哟，得儿哟。
乙：好，勿要得儿哟，得儿哟，迭个是电影《红日》插曲，赞美沂蒙山区个。
甲：哦，搿能个，假使我用苏北闲话来唱，可以赞扬苏北个家乡�？
乙：赞扬可以赞扬个，㑚苏北没民歌个啦？
甲：苏北没民歌，苏北小调好听得来没闲话了。
乙：搿唱唱看哪。
甲：请啊。
乙：请啊。
甲：苏北本是有名响，风景秀丽没名扬，中华民族五千年，它也谱写新篇章。
乙：嗒嗒等，嗒嗒等，嗒嗒等，嗒嗒等。
甲：刹车，有毛病啊，一碰着音乐就要跳个。
乙：有音乐细胞。
甲：搿倒是个。
乙：闲话讲转来，㑚苏北地方再好没我伲上海好。
甲：㑚上海好个地方阿拉苏北侪有。
乙：真个？
甲：当然。
乙：阿拉上海城隍庙豫园里有个小刀会发源地点春堂，㑚堂有�？
甲：扬州蜀冈山中峰大明寺有座平山堂 ，北宋诗人欧阳修曾赋诗赞美。
乙：哪能赞美？
甲：平山栏槛倚晴空 ，山色有无中。手种堂前垂柳，别来几度春风。
乙：蛮雅个。搿么上海有搭淀山湖。
甲：扬州有搭瘦西湖。
乙：阿拉上海有搭龙华塔。
甲：苏北个塔数也书勿清，苏北有个文明顶顶，顶顶文明，赫赫有名，有吗赫赫，齐天大圣孙悟空个家乡水帘洞，你们上海有没有啊？
乙：上海洞吗没个，要么乖乖隆地洞。
甲：仅仅畀侬弄一点点洞啊。
乙：我再畀侬侬点点洞，上海还有搭玉佛寺。
甲：苏北有个大明寺 ，大唐鉴真和尚辣辣东渡日本之前辣大明寺里住持。
乙：搿么阿拉上海还有中国共产党一大会址个发源地。
甲：中国共产党领导下个青少年旅行团就辣苏北诞生。
乙：上海还有城隍庙奶油五香豆。
甲：苏北还有风味小吃大饼油条。
乙：要命了，大饼油条我顶顶欢喜吃了。勿是了，我勿是对苏北迭地方有搭看法，只要对苏北迭个。
甲：人有搭看法。对苏北人有看法有搭两种，一种是无知，一种是对平民百姓个歧视搭仔偏见苏北人也是炎黄子孙，伊辣五千年个历史上出过出色的作用，涌现出许多杰出个人物。
乙：哦，苏北也与杰出个人物啊？
甲：啥人规定苏北没有杰出个人物啊？
乙：搿么侬介绍介绍看呢。
甲：侬讲。
乙：女个当中有�？
甲：击鼓梁战金山个梁红玉。
乙：击鼓梁战金山个梁红玉.
甲：伊是江苏滁州人属于苏北人�？
乙：当然属于苏北人，搿么是女个，男个呢？
甲：好一个聪明小韩信。
乙：韩信。
甲：江苏淮安人，属于苏北人�？
乙：当然属于苏北人了，搿个是古代辰光，现代辰光伟大人物没了。
甲：周总理啊我啊好总理。
乙：搿大家侪晓得个，周恩来同志江苏淮安人，当然属于苏北人了。我欢喜看书个，作者当中有�？
甲：妖怪妖怪，你往哪里逃。
乙：《三打白骨精•西游记》。
甲：《西游记》作者吴承恩，江苏淮安人，属于苏北人�？
乙：当然属于苏北人了。作曲家中有�？
甲：明朝作曲家柳敬亭，伊是江苏南通人。
乙：当然属于苏北人个了，表演艺术家当中呢？
甲：筱文艳同志。
乙：慢慢慢，唱淮剧，唱扬剧，大部分侪是苏北人。阿拉勿要唱淮剧、唱扬剧个。
甲：京剧表演艺术家梅兰芳是江苏泰州人，属于苏北人�？
乙：当然属于苏北人个了，阿拉勿要唱京剧，上海土产，唱沪剧，著名演员当中总没人了。
甲：著名演员筱爱琴同志，江苏扬州人，属于苏北人�？
乙：当然属于苏北人了。
甲：我方艳华虽然勿是苏北人，但是吃过苏北个水，爬过苏北个山，我辣苏北演出个辰光受到相亲们个热情的接待，我觉得有迭眼苏北观众感到无上光荣，无上幸福，无上骄傲。
乙：迭能讲起来苏北真是人杰地灵。
甲：苏北山好，水好，风景好，苏北也出梅兰芳。
乙：啥人？
甲：扬剧高秀英，人称扬剧梅兰芳。
乙：搿能用高腔来歌颂歌颂，请啊。
甲：要我唱，我就唱，越唱越想唱，唱得心情真激动，激动之余我紧紧想，苏北同胞同属炎黄，发展致富，献出疆场，现身革命，做出榜样，满头苦干，闷头勿想，我们勿像有人撞腔，一提起苏北，说什么是法国侨民，半江全江，人身攻击，恶意中伤，影响团结，真不像话，请你们头脑清晰，理直气壮，部分男女老少，民族宗教，职业行当，团结一致，把祖国建设繁荣更富强。
乙：听了你的一番话，不由我心里难隐藏，我有个秘密要告诉你。
甲：啥秘密？
乙：我也是个苏北人。
用户评论