死港女 - 016

咁新屋入伙, 当然会招呼下朋友黎玩架啦,,,,果时已经同阿may分左手一年有多, 佢有佢既男朋友, 中间知佢已经换过两三个男朋友. 我有阿june, 当时阿may都有跟埋(跟着)一大班人黎玩...大家都已经无再提以前既事....

直到有一晚....阿may icq(像QQ之类的聊天软件)我........

其实果时我係买左九龙塘既屋...阿may搵我既原因, 原来係佢家姐而家大左肚(怀孕了), 准备结婚,
佢家姐想个仔将来可以係九龙塘读书, 所以就想早d借我个地址一用....
(注：九龙塘是名校林立的区，是家长们的梦想)

咁当时我觉得无咩损失, 咪答应左, 但我唔肯将水,电, 煤其中一张单转佢家姐个名, 只肯答应帮佢家姐收下信, 咁佢最终话家姐同佢未来姐夫会将佢其中一张信用卡既月结单, 转去我个地址度, 如果有机会见到佢既时候, 就将d信比返佢就得...

咁之后係icq都讲多几句, 都係閒话家常, 知道佢呢年几裡面, 换左几个男朋友......

隔左段时间, 我地一大班fd去玩船P(游艇派对), 阿may同june都有去...差唔多有30人.....

当时我係医院有个实习医生同我好fd既, 我见个医生仔平日都好毒下既, 佢虽然都有d女护士睇中佢,但佢自已又唔太中意搵返同行既人拍拖, 佢话自已返shift(轮班工作), 唔想搵一个同佢一样既女仔喎, 呢度就叫佢做peter啦

但以peter既外表, (164cm, 25岁就髮线向后移)又真係好难係外面沟到女,  因为船P越多人越好玩, 所以就带埋佢去

咁我地一行三人搭车去到西贡码头, 差唔多时间, d人都到齐, 当日阿may带左条仔黎, 睇个样应该30岁到啦, 180cm高, 大大隻隻, 外表算叫做几型棍(很有型) 大家都未见过呢个人既, 介绍下...知佢叫mark

之前有fd生日, 都有时会见到阿may, 佢差唔多每次都会带男伴出席既, 不过就每次都唔同人...所以今次阿mark既出现, 我地都见怪不怪...

其实平日见到阿may, 都只係限于卡拉ok房之内, 大家都係坐係间房裡面饮下酒, 唱下K, 而佢带黎既男伴, 都睇得出对佢好好......不过你知啦. K房裡面, 大家都係自忙各架啦, 我根本就无留意过佢d男友係点既

但呢个阿mark呢, 我自已虽然做过厹(狗公), 都觉得佢好厹....阿may个袋佢又帮佢”咩”埋(背着), 手上又拎住两支水...咁去得船P既, 大家都只係带d方便既cheap cheap大袋架喇...偏偏阿may就拎个LV黎...

上到船...大家就好自然咁样将d袋是但(随便)噼埋(扔到)一堆, 阿mark亦将自己同埋阿may个袋放埋去(放过去), 但当阿mark放紧既时候, 阿may就好大声咁喝住佢 : 你将我个袋放咁出(放到那麽外面), 等阵整湿(待会儿弄湿)左你赔返比我呀? 放去最入果度(最裡面那裡)啦.....

我地听到都觉得有少少惊讶, 点解会咁样喝个男朋友既呢? 不过心谂...佢份人要威....由得佢啦....

有人都忍唔住讲: 哗....你男朋友都几好脾气架喎.....阿may反而答: sorry喎...佢唔係我男友喎...fd黎架咋...得个壳...无鬼用既..... (大而无当乎？)

个男仔好肯定听到佢咁讲....不过又无反应喎....

咁船开啦....大家玩下纸牌..打下麻雀咁啦.....我同阿june, peter, Ann, 阿明, 丰..仲有几个fd上左去船顶吹风同吹水.....