广播特辑 上海话900句(33) 朋友

广播特辑 上海话900句(33)朋友

上海话：阿拉有老多共同爱好,辣盖一道白相老有意思个。  
普通话：我们有很多共同的爱好，在一起玩很有意思的。

上海话：伊拉搭我一样，侪欢喜大自然，阿拉常庄一道出去旅游。  
普通话：他们和我一样，都喜欢大自然，我们常常一起出去旅游。

上海话：阿拉欢喜拍照片，欢喜登山，比过呒没想过去登喜马拉雅山，想也勿敢想。  
普通话：我们爱好摄影，喜欢登山，不过没有想过去登喜马拉雅山，想也不敢想。

上海话：哦哟，侬去过个地方老多个嘛，侬非洲去过伐？  
普通话：哦哟，你去过的地方非常多的嘛，你非洲去过吗？

上海话：非洲呒没去过，必过有迭个打算，我对古代埃及文化来得了感兴趣，想去看看。
上海话：非洲没有去过，不过有这个打算，我对古代埃及文化非常感兴趣，想去看看。

上海话：有句言话讲了好，财富勿是一辈子个朋友，朋友侪是一辈子个财富。
普通话：有句话说的好，财富不是一辈子的朋友，朋友都是一辈子的财富。

上海话：侬好，侬个微信内容我看了，觉着思路老怪个，勿晓得侬到底要讲啥。  
普通话：你好，你的微信内容我看了，觉得思路非常奇怪，不知道你到底要说什么。

上海话：我个意思老清爽个，现在社会阿扎里多来兮个，要侬覅憨吼吼个样式样人侪相信。  
普通话：我的意思非常明白，现在社会骗子很多，要你别傻呼呼的什么人都去相信。

上海话：搿个勿需要侬提醒，再讲迭个社会毕竟好人比坏人多，勿需要自家吓自家。  
普通话：这个不需要你提醒，再说这个社会毕竟好人比坏人多，不需要自己吓自己。

上海话：我也是好心，呒没其他意思，侬就当我呒没讲。  
普通话：我也是好心，没有其他意思，你就当我没有说。

上海话：搿腔几个朋友常庄辣辣一道茄山胡，大家小人侪大了，葛唠侪自由了，可以出来白相了。 
普通话：最近几个朋友常常在一起聊天，大家小人都大了，所以都自由了，可以出来玩了。

上海话：阿拉大家发觉身体好邪气重要，大家侪去办了健身卡。  
普通话：我们大家发觉身体好非常重要，大家都去办了健身卡。

上海话：阿拉还轮流坐庄，每个礼拜到一家人家屋里去吃老酒。  
普通话：我们还轮流坐庄，每个星期到一家人家家里去吃老酒。

上海话：必过我发觉混得好个人侪勿大来一道白相个，要么当老板真个老忙个，要么是官大个怕影响勿好。还是阿拉小叭辣子好，呒没介多讲究。  
普通话：不过我觉得混得好的人都不常来一道玩的，要么当老板真的非常忙，要么是官大的怕影响不好。还是我们小民百姓好，没有这么多讲究。

上海话：侬是阿德哥是伐？我是阿庆个朋友，伊呒没空过来，要我过来搭侬碰头，拿该做个事体搭侬交代交代。
普通话：你是阿德哥是吗？我是阿庆的朋友，他没有空过来，要我过来和你碰头，吧该做的事情和你交代交代。

上海话：介绍女朋友个事体，侬勿需要征求阿德哥意见个，伊是叫花子吃死蟹，只只鲜，多问脱个。
普通话：介绍女朋友的事情，你不需要征求阿德哥意见的，他是只要是女的就好，多问掉的。

上海话：侬是阿德哥啊，怪勿得，有眼面熟陌生个，毕竟三十年呒没见面了。
普通话：你是阿德哥啊，怪不得，有点面熟又不知道再哪里见过，毕竟三十年没有见面了。

上海话：阿拉老同学约好下趟每半年碰一趟头。
普通话：我们老同学约好以后每半年碰一次头。