声音简介
作者:王建运
沪语改写、讲述:知足常乐
审核指导:丁迪蒙
编辑:王乙其
呒没几化日脚,杨浦区公所又开展了选举“国大代表”活动,杨浦拨当局指定为CC系勒上海主要人员潘公展个基本选区。据陈先生回忆,国民党最高当局曾有指示:必须确保潘公展当选为“上海市国大代表”。葛咾,各级人员全力以赴参与搿个活动。临选举辰光,勒划分选区里向,雇佣人员拨大家小恩小惠,假冒民意轮流前来投票;或暗中拿事先圈好“潘公展”个选票,先投入票箱后封箱……各种各样弄虚作假方法层出不穷。
陈先生回忆讲,当年潘公展为酬谢杨浦区公所个工作人员,包括本区个一眼选民,勿惜花费巨款勒八埭头等闹市个酒楼,设筵席宴请各方。无独有偶,与此同时,杨浦三青团系统有一个叫曹俊个人,也想谋获“国大代表”个席位,伊纠集了一帮三青团个亲信,为伊助选大造声势,也用请客送礼、请吃请喝等方式来拉拢区民代表。结果,双方勒杨浦搿块选区里向暗中较劲使手段,互相诋毁倾轧来回大战,闹猛得勿得了,让几十万杨浦市民目睹了一场所谓还政于民、选举“国大代表”个闹剧。当然,最终结果是靠山强硬个潘公展胜出个。
临解放做了替罪羊
陈先生讲,上述两场选举风波之后,上海解放个炮声已经日趋临近了,尤其是人民解放军百万雄师跨过长江之后,时局明朗化了。国民党杨浦正副区长王国屏、张政两个人,眼看局势对伊拉越来越勿妙,“三十六计走为上”先后逃到台湾去了。临走之前,伊拉想寻个人来挡门面,就拿大学生出身个陈华生,以杨浦区公所总干事名义拉过来代理区长。
历史就搿能搭陈先生开了一个玩笑,一个普通大学生、行政小职员,勒旧政权就要灭亡个辰光,毫无选择地拨拉出来做了一名政要,实质浪就是一个替罪羊。
好在陈先生有自知之明,伊勒回忆文章里讲:
我勒国民党政府反动统治时期,自愧有负于人民,但出于一个中国人个良知,翻然悔悟,勿甘心再搭反动派卖命效忠。勒上海即将解放,局势动荡个时刻,我坚守工作岗位,搭全体工作人员就地待命,迎接解放。期间,尽自家所能,协助工人纠察队维护地方秩序,保护杨浦区公所房屋财产搭一切文件档案勿遭损毁,最终,勒上海解放中共派员接管辰光,完整负责个办理了移交。
当中共接管专员苏峰告其他工作人员,从陈华生手里接收了旧政府全部权力搭财产之后,根据人民政府宽大为怀、既往不咎个政策,宣布拨伊慰勉并继续留用,陈先生讲,直到迭个辰光伊再长长个松了一口气……
音频列表
- 3天前
- 19天前
- 20天前
- 21天前
- 29天前
- 2024-04
- 2024-04
- 2024-04
- 2024-04
- 2024-04
查看更多
用户评论