画蛇添足
甚以早,楚国,有一份大人家。渠�屋里,有门客养起。
有一日,主人掇出一埕陳年嗰好酒,匄下转嗰门客呷。
几個门客商量爻以后,沃认为,一埕酒,大家人分分爻,是断厘儿名堂喝牢嗰,最多,也就是口舌头儿打打滥。若是匄一個人呷?個还差不险。
大家人就决定比赛,何乜人比赢,匄何乜人呷。
比何乜呢?
比画蛇,眙何乜人画快俫,算何乜人赢。
其中有一個眼快手紧嗰,三下两下,就画出了一头蛇。渠逮酒掇拉起,笑咪咪,渳一口。
“哇塞,主人藏嗰酒就是好,味道冇讲道,嘎嘎叫嗰!”
個儿哪,快活起,人也飘起,個支手逮酒掇牢渳,许支手还晓不得歇,真真是红缨帽挈手里走走起,姓何乜也监不牢罢。
渠肚里想:“反正俫慢镜头,颓腾恁,还未险画好,我逮脚也画起道。”
可惜,人算不如天算,渠脚还未画好,第二個人蛇画好罢。
许個人马上马就逮酒夺拉去,还笑渠,讲:“憨牌三,蛇冇脚嗰哪!”说罢,個人就逮酒掇拉起,唧哩咕噜,唧哩咕噜,沃��拉底爻。
個儿,空快活,捉個田螺壳,眼光光恁,眙酒匄别人呷呷底爻,一厘儿办法也冇。
用户评论