粤读时光 18 ： 不要揠苗助长

粤读时光，看见生命中嘅光。

最近钢琴老师同我讲咗一句话，

我觉得佢讲得好啱。

有啲细路学钢琴学到喊，

同老师有好大嘅关系，

如果老师可以循序渐进咁教学生，

学生就可以慢慢进步，

如果老师唔按照学生嘅水平设置课程，

学生就会跟唔上，

因为跟唔上所以就会觉得难，

如果系都要拔苗助长，

学生肯定学唔识，

学到喊其实一啲都唔奇怪。

我好理解细路学钢琴学到喊嘅感觉，

因为我自己都经历过嗰个阶段，

睇住五线谱，

成个头都系小问号，

完全睇唔明，

但系仲系要继续弹落去，

所以学得好艰难。 

我真系好理解细路学到想喊嘅感觉。

因为我自己做语言老师，

我已经教咗好几年，

喺教学嘅过程中我慢慢明白咗一个道理，

因材施教系最好嘅方法，

拔苗助长只系会打击学生嘅自信。

对住唔同嘅学生要用唔同嘅方法，

仲要及时调整教学材料嘅难度。

唯有教学材料嘅难度同学生嘅水平匹配咗，

学生先可以学识。

科学研究表明，

学习嘅成功感可以提高人嘅多巴胺水平。

多巴胺系一种可以令人开心嘅嘢。

如果一个人可以喺学习之中获得快乐，

佢就会更加努力咁样学习，

形成一个良性循环。

相反，

如果一个人喺学习过程中遇到好多困难，

佢嘅自信就受到打击，

慢慢就会厌恶学习，

甚至放弃学习。

喺老师嘅教育入面应该一直都强调因材施教嘅重要性，

但系其实唔系所有老师都可以做到呢样嘢。

因材施教，

话难唔难，

话易唔易。

要做到因材施教其实考验老师嘅观察同分析能力。

因材施教嘅实施步骤系，

首先知道学生嘅水平，

跟住提供符合学生水平嘅材料。

例如语言老师要知道学生嘅水平，

就要根据同学生简单沟通几句话之后，

对学生嘅发音、语法、词汇量作出一个判断，

点样先算判断到位呢？

我认为系知道学生乜嘢知识知道，

对乜嘢知识唔够熟练，

仲需要学习乜嘢知识，

而且知道学生应该按点样嘅阶梯去学习呢啲知识。

一旦充分了解咗学生嘅水平之后，

就可以进入第二个步骤，

帮学生准备适合嘅学习材料。

因为知道学生识乜嘢，

唔识乜嘢，

所以揾材料会更加有针对性。

揾材料最大嘅问题应该就系花费好多精力。

如果老师只系有几个学生，

揾材料唔会系好大嘅问题，

但系如果学生太多，

老师其实冇办法兼顾到。

呢个就系点解喺学校，

老师成日强调学生要跟住老师嘅步伐嘅原因。

实在唔系因为老师唔知道因材施教，

而系因为老师冇咁多精力。

点解话因材施教难？

因为判断学生嘅水平，

需要老师有良好嘅判断力，

而呢种判断力，

我认为除咗个别特别优秀嘅老师，

大部分老师要获得良好嘅判断力，

需要积累经验以及勤于思考分析。

呢个就系难点。

点解话因材施教容易？

因为一旦你知道学生嘅水平，

就知道咗点样调动学生嘅积极性，

知道咗学生嘅兴奋点喺边度，

所以可以将难嘅学习问题拆解成循序渐进嘅学习任务。

而且学生仲可以乐在其中。

如果你唔系老师，

你可以从中得到乜嘢启发？

我觉得系学习要循序渐进，

千其唔好心急，

唔好一开始就学难嘅嘢，

觉得咁样会快啲，

其实事实上唔系，

如果你一开始就学远远高于自己水平嘅嘢，

咁喺学习过程中就会遇到好多难以解决嘅困难，

而呢啲困难系因为你跳过咗一啲学习过程造成嘅。

如果你开始学一样嘢，

应该根据自己嘅水平，

选择合适自己水平嘅材料，

一步一个脚印，

咁样你就唔会即刻遇到一啲超出你能力范围嘅问题，

将学习材料嘅难度控制喺自己嘅水平上面一啲啲嘅范围之内。

呢个系学习嘅舒适区，

唔系令自己觉得太难想放弃，

亦都唔会令你觉得太无聊。 

其实判断学习水平，

我最近听讲电脑其实做得比人更加好，

电脑可以根据人嘅学习情况同行为进行判断。

喺未来，

老师好可能可以利用电脑对学生嘅学习水平进行判断，

甚至可以利用电脑为学生自动准备合适嘅材料。

未来值得期待。 

希望以上嘅谂法对你有所启发啦。

粤读时光，看见生活中嘅光。