慢速粤语听力：为什么习惯比目标更重要？

一眨眼就到咗八月底，夏天 不知不觉就过去咗，秋天无声无息就到咗，唔知道你年头订落嘅目标，宜家完成得点呢？

我年初订咗好多目标，宜家仲有好多都冇达成。

我无意中睇到自己年初写低嘅文章，忽然之间又觉得充满希望。

呢篇文章系关于达成目标嘅，如果你有兴趣，咁就继续听落去啦。

*********我是华丽丽的分割线*********

每到新嘅一年，我哋都会制定新嘅目标，但系，好多时候，呢啲目标都好难达成，或者好容易中途放弃。研究人员认为，养成良好嘅习惯比订立目标更加重要。

目标需要外在动机驱动，但系习惯可以自我驱动。目标同习惯之间嘅区别好大，佢哋需要唔同嘅行动方式。例如，想要学一种新语言，你可以设定一个目标，例如，喺六个月之内学识流利用新语言对话，你亦都可以努力培养一个习惯，每日保证投入三十分钟练习新语言。又例如，如果你想花更多时间同家人一齐，你可以设定一个目标，每个星期用7个钟同屋企人相处，亦都可以培养一个习惯，每日夜晚陪屋企人食晚饭。

目标有几个缺点。

第一个缺点系目标有终点，呢个就系点解好多人喺目标达成之后就会回复到以前嘅状态。例如，有人减肥成功，就用暴饮暴食嚟庆祝。

第二个缺点系目标实现嘅过程不可控。因为实现目标的过程中会遇到各种不可控嘅嘢。例如，意外受伤，可能会影响你锻炼嘅目标。

第三个缺点系目标容易令人自满。因为研究表明，人嘅大脑会混淆目标同成就，尤其当一个人向其他人宣布自己嘅目标嗰时，佢哋会觉得自己已经达成咗目标，变成咗自己嘅成就。

相对于目标，习惯可以令事情嘅达成变得简单。习惯一旦培养成功，佢就会自动运行，会令到攻克艰难任务变得容易好多。精心设计嘅习惯，能够保证我哋循序渐进咁达成目标。

除此之外，习惯仲由两个明显嘅好处。

首先，习惯可能会令你喺不知不觉中超越目标。例如，如果你嘅目标系写小说。跟住你养成咗每日写200字嘅习惯，咁就算写完一部小说需要250日，你都唔会觉得压力太大。甚至有时候你有灵感，可能一下就写咗1000字，有可能会提早完成任务。但系如果你订一个目标：4个月写完一本书，呢个目标好可能会令你觉得好有压力。

其次，习惯会带嚟嘅改变远远超过我哋嘅想象，习惯会令大脑不顾一切，甚至违背常识。一旦养成咗习惯，大脑就会俾习惯影响。而养成习惯嘅目的，系令行动变得简单，从而最终实现目标。

在微信搜索我要学广东话，就可以找到我的微信公众号了，最新的音频会先在微信更新哦。