粤读时光 6 ：接纳自己的感受

粤读时光，看见生命中嘅光。

我琴日睇到逻辑思维嘅一篇推送，入面有一句话我觉得好有道理，“你点爱自己，就系教紧人哋点样爱你。”我觉得呢句话讲得好啱。其实你自己对待自己嘅方式，系会影响其他人对待你嘅方法嘅。如果你唔尊重自己，咁其他人都唔会尊重你，如果你唔爱自己，咁人哋都好难爱你。

我之前听咗一个理论，话人大致可以分成两类，鹰派同鸽派，

鹰派嘅人强硬，而鸽派嘅人温和。

我觉得我自己更加偏向鸽派，所以我更加理解鸽派嘅感受。

鸽派嘅人喺遇到问题嗰时，更加愿意妥协，愿意牺牲自己嘅一啲利益，去换取和谐。但系有时候，妥协同牺牲其实系会令自己唔开心嘅。如果一直用妥协同牺牲嘅姿态面对问题，鹰派的人就会将你嘅牺牲当成理所当然。 

我细个嗰时一直都唔识处理呢个问题，长大之后，尤其系工作之后，我终于明白，我需要接纳自己嘅感受，如果自己觉得唔舒服，咁就应该拒绝。拒绝可能对于鹰派嘅人嚟讲，系一件好简单嘅事，但系其实对于鸽派嘅人嚟讲，呢件事系好唔容易嘅。

鸽派就好似生活中嘅老好人，佢哋总系愿意牺牲自己嘅利益，总系扮演宽容大量嘅角色。但系其实有时候并唔系佢哋愿意接受，只系佢哋嘅性格令佢哋好难拒绝。就好似鹰派嘅性格令佢哋好难牺牲自己嘅利益，会显得鹰派嘅人自私咁样。对于鸽派嘅人嚟讲损害其他人嘅利益会令佢哋觉得难受，所以佢哋宁愿牺牲自己嘅利益。

但系我觉得呢种心态系唔健康嘅。我哋应该可以喺牺牲自己嘅利益同他人嘅利益之间，从合作同双赢嘅角度去思考，揾到更加好嘅方法，而唔系一味妥协同牺牲。

对于鸽派嚟讲，学识尊重自己嘅感受，学识勇敢拒绝系一件好重要嘅事。冇必要接受自己唔中意嘅嘢，冇必要委屈自己，牺牲自己，但凡内心有一个小声音同你讲，你唔愿意，你就应该拒绝。拒绝唔系错误，拒绝只系话俾人哋听你唔同意呢种解决方法，

只系表示你希望可以有新嘅解决方法。 

我哋都应该正视自己嘅内心，接纳自己嘅感受。因为你对待自己嘅态度，会影响其他对待你嘅方式。如果你想自己俾其他人尊重，你就应该尊重自己嘅感受。

有一种心理问题叫做“缺爱”，其实“缺爱”，讲到底，其实系我哋自己仲唔够好。你爱自己，尊重自己，人哋先会爱你，尊重你。 

粤读时光，看见生命中嘅光。