够勍……原来係咁！

广府字词，研推不易，
希望大家，多多支持！

左边一个北京嘅”京”，右边加上力量嘅”力”，普通话读“qing”，粤语读“keng”。本意系：强而有力。《春秋·左传》里面有一句“勍敌之人”，呢个“勍”字喺广韵里边发“geng”音。宋代柳永嘅词亦都有一句“敢共我勍敌”。宋代文天祥有“守护一不谨，乘间敌益勍”。

“勍”字相当之形象，其构字方法:“来自于京城嘅力量”!有咩办法唔强大呢？！有咩办法唔劲呢？!好多时候粤语里嘅使用，好多时候会咁讲：“喂，呢杯酒好勍啵，好难饮喔！”“啲辣椒酱够勍啊，味道非常之浓郁啊，非常之正啊！”如果我哋食过鱼生，食过日本寿司，就知道有一只芥辣酱，叫做瓦萨比（wasabi ），“辣辣寿司食唔食，你唔食，我唔食！”呢个劲辣嘅wasabi真系勍到~送入口之后一条气从咽喉直冲上脑门，跟住就个脑伐伐声，真係勍到痹啊!