乙：透鲜个黄鱼�么�来，一千洋钿买一条了，黄鱼要吃透鲜个，一千个洋钿买一条了，老板娘来大老板来，一千洋钿�么�来。
甲：来买黄鱼啊。
乙：先生，买黄鱼是�，好个。
甲：迭个黄鱼新鲜�？
乙：喔唷，交关新鲜，侬看呢，搿外头边浪血还嗒嗒滴呢。
甲：迭个黄鱼啥价钿啊？
乙：一千洋钿一条卖出价钿。
甲：一千块一条，我买一条。
乙：好，老板要买黄鱼了，一条黄鱼绳子脱侬扎一扎来。
甲：迭个边浪带鱼啥人啊？
乙：带鱼也是阿拉个。
甲：啥价钿啊？
乙：一样价钿，也是一千洋钿。
甲：也是一千块。
乙：唉。
甲：歌是吃带鱼格算了。
乙：啊呀，黄鱼黄鱼味道，带鱼带鱼味道。
甲：带鱼又是长了又是大了，适意了。
乙：讲多了，讲多了，先生，侬一千洋钿垃圾侬房间里装勿牢了。
甲：我欢喜呀，黄鱼勿要了。
乙：黄鱼勿要了。
甲：脱侬调一调带鱼。
乙：好个。
甲：调一调也是一样价钿？
乙：一样价钿。
甲：别样铜钿勿要个。
乙：勿要个。
甲：搿么我买带鱼了。
乙：好个，带鱼一条锃锃亮来，绳子脱侬扎一扎来，带鱼夺去。
甲：带鱼我拿转走了，再会。
乙：再会，再会。
甲：再会。
乙：下趟请过来，喂，喂，慢慢叫，侬哪能跑了。
甲：啥体啊？
乙：啥事体啊，侬忘记性介大了，来来来，铜钿付一付。
甲：铜钿，啥铜钿啊？
乙：咦，黄鱼铜钿啊。
甲：黄鱼我没买呀。
乙：哦，黄鱼没买呀。
甲：没买药铜钿啊？
乙：哦， 哦。搿么侬手里个带鱼夺盖了。
甲：侬要讲带鱼铜钿啊。
乙：对个，带鱼铜钿付一付。
甲：带鱼也勿对个呀，我是黄鱼脱侬调个呀，调一调一样价钿啊？
乙：一样价钿。
甲：另外铜钿要勿了？
乙：铜钿勿要。
甲：搿么啥铜钿呢？
乙：勿对呀，侬黄鱼铜钿没付。
甲：我手里黄鱼铜钿拿勿了，我手里带鱼啊。
乙：搿么侬带鱼铜钿付一付。
甲：啊呀，带鱼是黄鱼脱侬调个调了，搿小鬼哪能搞勿清爽了。
乙：勿对呀，侬铜钿没付呀。
甲：没付，要付啥个铜钿了。
乙：黄鱼铜钿。
甲：没拿呀。
乙：带鱼铜钿。
甲：带鱼我黄鱼脱侬调个呀，哪能碰得着个侬迭个人，阿是敲竹杠是�？
乙：阿爸，阿爸。
丙：来了。
乙：阿爸，来来来来来，阿爸。
丙：小鬼啥事体了，我辣吃老酒了。
乙：阿爸，勿对，勿对。
丙：咋话？
乙：勿放伊跑，夺铜钿。
丙：夺铜钿，有数了。先生，铜钿付一付。
甲：老油条。
丙：咋话？
甲：问我要啥铜钿？
丙：对勿住啊，小鬼，呕我夺啥铜钿了？
乙：黄鱼铜钿。
丙：哦，黄鱼铜钿，讲清爽。黄鱼铜钿请侬。
甲：哪能侬眯起眼是�，啊，黄鱼，我是手里拿啥物事？
丙：搿我认得带鱼啊。
甲：带鱼，问我拿黄鱼铜钿做啥事体？
丙：对勿住，对勿住。
甲：寻死啊
乙：哎呦哇，哎呦哇。
丙：人家手里夺带鱼去问要黄鱼铜钿。
乙：搿么侬问伊讨带鱼铜钿啊。
丙：带鱼铜钿啊，搿侬讲清爽啊，死开。侬错了，我是问侬要搿个带鱼铜钿。
甲：带鱼铜钿。
丙：对个，对个。
甲：搿么要是讲清爽啊，带鱼是我拿黄鱼脱侬调个。
丙：咋话？
甲：调一调铜钿要勿了？
丙：调一调勿铜钿。
甲：搿么跑上来老茄茄带鱼铜钿。
丙：哦，侬是黄鱼来调带鱼个，黄鱼是侬个，对勿住，对勿住。
乙：哎呦哇，嘿嘿。
丙：人家带鱼是黄鱼调个，调一调勿要铜钿个。
乙：侬问伊要铜钿，勿打我了，快点问伊要铜钿，黄鱼铜钿。
丙：黄鱼，人家没夺。
乙：带鱼铜钿。
丙：带鱼，人家黄鱼调个。
乙：啊呦，嘿嘿。
甲：迭个是侬儿子啊，侬哪能养得出啊，勿是爷娘养出来个，下作胚，去抢，去偷。
丙：勿好做个，小戆大。
甲：小戆大，伊拉爷老戆大，好个，好个，看侬苦恼。
丙：对勿住啊，再会，再会，下趟有，空请过来。
乙：阿爸，侬哪能放伊跑了，侬哪能还要打我，伊黄鱼铜钿没付呀。
丙：黄鱼，人家没夺呀。
乙：黄鱼也是阿拉个，带鱼也是阿拉个，黄鱼铜钿没付，带鱼铜钿也没付，一样也没付，夺仔带鱼跑了。
丙：啊！黄鱼铜钿也没付过，带鱼铜钿也没付过！要讲清爽个呀。
乙：嘿嘿。
丙：喔唷，我称着了。
乙：哎呦喂。
丙：小鬼，侬年纪轻勿晓得，我老鬼了，搿种坏人市面浪交关多，外加同党蛮多个。
乙：晓得个。
丙：搿么介，等歇我仍旧去吃老酒。
乙：好个好个。
丙：侬辣外头看摊头。
乙：好个好个。
丙：要是跑得来买黄鱼，买好黄鱼调带鱼，侬呕我。
乙：晓得了。
丙：我好好叫呕伊吃顿生活。
乙：好个好个。
丙：一定要看好摊头哦。
乙：晓得。
丙：我去吃老酒。
乙：啊呦，迭个家伙实在是坏，我晓得伊勿是好物事，头上戴顶绿帽子。透鲜个黄鱼�么�来，一千个洋钿哎呦哇来，哎呦哇来哎呦哇。
甲：喂喂，侬辣卖啥物事，哎呦哇，哪能道理，生意勿做了？
乙：生意做个。
甲：搿黄鱼啥人个？
乙：黄鱼是阿拉个。
甲：黄鱼啥价钿？
乙：一千洋钿一条。
甲：买条黄鱼。
乙：哦哦哦。
甲：一千块，是�？
乙：一千块。
甲：一千块钞票拿去。
乙：哪能旧得一塌糊涂。
甲：勿去管伊，侬勿拉开来，拉开来畀风吹脱了，一样用个。
乙：我有数了，黄鱼……
甲：边浪个带鱼啥人个？
乙：带鱼也是阿拉个。
甲：我情愿吃带鱼格算了，带鱼又是大又是长，我黄鱼勿要了，预备脱侬调带鱼。
乙：带鱼了。
甲：调一调一样价钿了，另外铜钿勿要了。
乙：好极了。
甲：咦，啥体啥体，我吃带鱼带鱼。
乙：黄鱼勿要了。
甲：啥体？
乙：黄鱼调带鱼。
甲：哪能打人个了？
乙：我问侬，刚刚是侬娘舅是�？
甲：我没娘舅个。
乙：是㑚爷叔？
甲：我也没个。
乙：刚刚迭个人脱侬面孔一式一样。
甲：搿么面孔一样总归有个。
乙：刚刚带顶绿帽子，侬不过现在绿帽子没带。阿爸，黄鱼调钓鱼，绿帽子来了。
丙：来了，脱我括。
甲：喔唷，喔唷，喂喂喂喂，㑚慢慢叫打好了，让我闲话讲好仔打。
丙：侬讲。
甲：我来买条黄鱼个。
丙：对个。
甲：我买仔黄鱼铜钿付畀伊了。
丙：未错个。
甲：畀仔伊以后我黄鱼勿要了。
丙：唉。
甲：现在调带鱼了。
丙：勿要了。
甲：调一调搿哪能打我了。
乙：阿爸，来来来来来，打错了，打错了。
丙：哪能打错了？
乙：伊铜钿已经付畀我了，伊预先畀我了再调带鱼个。
丙：小鬼。
乙：哎呦哇。
丙：黄鱼铜钿畀过了？
乙：畀我了。
丙：要死，打错了，打错了，先生，打错了。
乙：对勿起，对勿起。
甲：好好勿要烦了。
丙：侬铜钿畀过了。
甲：㑚搿能样子打得我算啥名堂呢？
丙：搿么勿要烦了，我身边有张伤膏药侬夺去。
甲：我畀㑚括一顿就拿张伤膏药。
乙：搿么老板，再加侬一张，两张。
甲：我现在畀㑚两家头八张伤膏药，㑚畀我括一顿。
丙：老板，搿相貌个比如侬小辰光畀㑚阿爸吃生活了。
甲：好极了，还讨便宜，没关系，没关系，来走。
丙：啥地方去？
甲：到警察局去。
乙：勿去个。
丙；勿去个，一去我摊头货记才从公个。
甲：搿么㑚摆去闲话过来。
丙：闲话嘛谢谢侬了。
甲：㑚钢刀有�，每人头上括三记。
乙：勿来事个。
甲：榔头有�？
乙：杠头开花，勿来个。
甲：搿么哪能，哪能话头？
乙：讲那。
甲：我看㑚苦恼，现在搿能样子，我现在要住医院。
乙：对个。
甲：医药费、营养费，还有两个号头工钿，一道算算我要六百万钞票，多一钿勿是生意经。
丙：铜钿啥地方来了，阿拉做小生意，先生，搿相貌好�，我今朝生意做落来只捡五十万，侬夺去。
甲：五十万，五十万是好买点大饼油条吃吃。
丙：搿么我没了，没了呀。
甲：金圆券勿值铜钿，没到警察局去。
乙：阿拉阿爸铜钿还有个。
丙：小鬼，没了。
乙：有个。
丙：勿响。
乙：昨日侬勿是摇着一只会吗，两百万吗，我去夺，我去夺，先生，两百万畀了侬。
甲：勿够，勿够，两百万勿够，来来来。
乙：统统畀侬。
甲：想想看再有�？
乙：没了，我样样没了，搿么搿能样子，钞票是差勿多了，是没了，昨日侬手浪买只西马手表，迭只手表有两百万了，脱落来，脱落来。
丙：笨爹奔娘养出来。
乙：脱落来。
丙：小鬼，我碰着侬算过碰着天数了。
甲：好个，现在还勿够，还勿够。
乙：差勿多了。
甲：金戒指有�，金戒指。
丙：我金器没个了。
甲：没个？
丙：金戒指一只都没个。
乙：搿到对个，金戒指没个，阿爸有只金牙齿，搿只金牙齿蛮大个。
丙：勿要讲出来。
乙：里向一只盘牙。
甲：来来，榔头凿子脱我拿来。
丙：吃勿消个。
甲：嘴巴张开来，咳嗽，下来哉。
丙：哦哇，搿着犯规了。
甲：金牙齿也好个，摊头浪向一筐带鱼，还有一筐黄鱼一道叫部三轮车，三轮车。
乙：来了，来了。
甲：相帮搬搬。
乙：阿爸，来，我夺黄鱼，侬夺带鱼。
丙：先生，我认得侬。
甲：还有一样物事没看，寻勿着，㑚脱我寻寻看。
乙：侬又没带搿样物事，没个。
甲：一顶帽子。
乙：没看见。
甲：一顶帽子，辣辣哉，一顶帽子辣我袋袋里，一顶绿帽子，再会。
乙：啊，阿爸，畀伊逃走了，绿帽子。
丙：就是伊啊？
乙：就是伊。
丙：前头后头是伊一家头做个。
乙：是呀。
丙：小鬼啊，搿着犯规了，阿拉货记冲家了，侬袋袋里一千块洋钿夺出来，卖黄鱼铜钿畀我。
乙：来来来来，侬去看。
丙：咋会皱了一塌糊涂？
乙：一样好用个。
丙：让我放开来看看呢，喔唷。
乙：啥物事？
丙：要死快了，搿勿是钞票了。
乙：啥物事了？
丙：搨瘌痢头个说明书了。西方路浪两盏灯。
乙：一盏清来一盏浑。
丙：我养着侬搿种儿子一生一世认得侬。
乙：我捡着侬迭个阿爸要发神经病。
乙&丙：唉。
1892842xppr
姚慕雙自傳