甲：作为一名曲艺演员样啥物事都要学一点。
乙：对个。
甲：要会得唱，要会得讲，见我辣辣向上海芭蕾舞团沈小岑同志学一支歌。
乙：啥个歌？
甲：叫《请到天涯海角来》。
乙：灵个灵个灵个，忒好啦忒好了。
甲：今朝我晓得，我早晚点回去等会要心肌梗塞个。
乙：啥体了？
甲：侬啥体介激动啊？
乙：迭只歌我顶喜欢听了。
甲：侬欢喜听讲好了呀，弄得来骷榔头像有弹簧一样个。
乙：激动激动呀。
甲：侬喜欢听迭支歌，我就唱两声畀侬听，请到天涯海角来。
乙：恩恩。
甲：迭个啥个声音了？
乙：吉他。
甲：吉他。
乙：Yes。
甲：弄句外国话给我搭搭了，哪能吉他声音像辣辣咸菜瓮里出来一样？
乙：回潮。
甲：喂，谢谢侬，迭个音麻烦弄校校准好�？我想哪能音出来有点勿二勿三个。
乙：去去去。
甲：侬算辣辣校音啊，侬像猫辣辣啃鱼骨头。
乙：请。
甲：你到天涯海角来。
乙：嗯嗯。
甲：这里四季春常在，海南岛上春光暖，好花叫你喜心怀，三月来了花正红，五月来了花正开，八月来了花正香，十月来了花不败，啦呀啦呀啦呀，啦呀啦呀，啦呀啦。
乙：一个也不来呀。
甲：人家看戏来啥呀？
乙：好听好听，侬这只爽子真甜呀，唱个比沈小岑同志好听，侬像南京路浪沈大成。
甲：沈大成是糕团店呀，预备吃脱我呀。
乙：糯呀糯呀。
甲：勿是我唱的糯呀，主要是迭首歌曲子写得好。
乙：诶。
甲：勿仅曲子写的好，而且词写得美。
乙：对。
甲：几化热情啊，欢迎祖国各地人民到海南岛去观赏自然风景，无聊啥辰光去，三月，五月，八月，十月，一年四季春常在，花勿谢，灵个。在我你各行各业辣辣开展文明经商礼貌服务，侪用迭首歌来接待顾客，哦呦，顾客来的个欢迎。
乙：也唱迭首歌？百货商店呢？
甲：也可以唱额。请到百货商店来，百货商店为侬开，花色品种交交关，尽侬挑选由侬捡。三块四角热水袋，五块六角毛巾毯，七块八角拉斯被，九角一件羊毛衫。
乙：慢，买六件，哈哈，同志们九角一件羊毛衫便宜个。
甲：大块头戆是戆，挞便宜货门额槛蛮精额。
乙：我候了半日天了。
甲：羊毛衫也没有六件一买个，穿辣辣身上侬也吃勿消个。
乙：阿拉屋里向人多。
甲：侬织勿牢个，小号个。
乙：好给儿子着勿了？
甲：㑚儿子也着勿牢个，一脱塌刮子只有迭能大。
乙：啥人着个？
甲：人家洋囡囡穿个呀。
乙：洋囡囡。
甲：侬屋里洋囡囡六只一买个？
乙：（动）摇头。没介许多个，食品商店呢？
甲：食品商店也可以唱个，请到食品商店来，食品商店为侬开，甜酸苦辣在里面，价格便宜味道赞，甜桂花八宝饭，咸额九至咸橄榄，酸几几杏仁梅，辣蓬蓬额咖喱菜，啦呀啦呀啦呀，啦呀啦呀，啦呀啦。
乙：我馋吐水侪要滴滴答答流下来。灵个灵个灵，照侬迭能一讲，各行各业侪好唱个啦？
甲：做任何工作侪勿能生搬硬套。
乙：哦。
甲：有种行业侬勿能过分热情额。
乙：哦。
甲：侬过分的热情顾客对侬要有意见额。
乙：迭个算啥闲话啊，现在开展五讲四美，侬越是热情阿拉越是欢迎。
甲：侬侪欢迎啊？
乙：欢迎。
甲：请到火葬场里了，火葬大门为侬开，不管啥人车进来，同样规格勿亏待，科学操作先进设备，勿痛勿痒勿会喊，只要侬上铁板，马上拿侬烧成灰，啦呀啦呀啦呀，啦呀啦呀，啦呀啦，同志。
乙：诶。
甲：啦呀啦。
乙：勿来勿来。
甲：啦呀啦，请到火葬场以来，此地空气新鲜环境美，清静幽雅真乐惠，住个是红木小套间，睏个是不锈钢硬铁板，冷天勿用生火炉，热天勿用孵冷气间，电灯勿用开，伙仓勿用开，只有侬自己愿意来，我们满腔热情来接待，来呀来呀。
乙：我勿能来呀，我来了一家门要急煞脱了。
甲：㑚一家门急煞更加赞，集体火葬可以八折来有待。
乙：去。
用户评论