慢速粤语听力：蒙田-存而不论

最近我听音频嗰时听到咗一个有意思嘅人，

佢嘅名叫蒙田，

佢系一个十六世纪嘅法国文人。

佢唔中意讲政治、宗教呢啲嘢。

佢最关注嘅系生活嘅本身。

佢写咗一篇文章，

文章嘅标题系，

依靠我哋自己嘅能力嚟判断是非简直系癫咗。

蒙田非常怀疑人对呢个世界嘅判断能力，

佢有一种感觉，我哋对呢个世界一无所知。

但咁并唔系因为佢真系一无所知，

而系佢对下判断呢件事非常谨慎，

理性认识世界嘅能力实在系太难得到。

古希腊有一句名言叫“存而不论”。

意思系，我睇到咗事实，

我亦都深入考察过呢啲事实，

我知道嗰啲互相冲突嘅观点系乜嘢，

我亦都知道佢哋两者同样合理，

换个觉度嚟睇亦都唔合理，

但系就算系咁，

我都唔可以、亦都唔敢轻易表态。

呢个就系“存而不论”嘅态度。

当你面对一个历史事件，

如果你可以即刻讲出忠奸善恶、是非对错，

咁你肯定冇睇明白，

如果你可以了解到所有当事人都有当时情境下嘅不得己，

你对所有当事人都可以有同情嘅理解，

然后开始叹息，

呢个时候你先真正开始明白呢件事。

一个正确嘅道理嘅反面通常亦都系一个正确嘅道理。

咁我哋要做乜嘢判断呢？

就好似蒙田讲嘅咁样，

依靠我哋自己嘅能力嚟判断是非简直系癫咗。

蒙田觉得将自己嘅生活经营好就系自己嘅使命，

佢最出名嘅一句话就系，

“我哋最豪迈、最光荣嘅事业，就系生活得惬意。”

佢呢种生活嘅态度，真系好罕见。

如果你中意睇美剧，

咁你肯定听过咁样一句话，

don't judge .

唔好评价。

以前我只系知道佢嘅中文意思，

识咗蒙田之后，

我先真正明白呢句话嘅意思。

如果你中意我嘅文章，欢迎关注我嘅微信公众号“我要学广东话”。