欢迎关注我的微信公众号“我要学广东话”
早晨，你好。
我想你分享一条格言，弗兰克兰话，“我未曾见过一个早起、勤奋、谨慎、诚实嘅人抱怨命运唔好”。
其实命运喺我哋嘅手入面，你要勇敢追求自己中意嘅嘢，千奇唔好抱怨生活。可能你会失败，可能得唔到自己想要嘅嘢。但系咁又有乜嘢乜嘢问题呢？
我好中意呢句话，“我从来都唔会失败，因为我只会成功或者从中学习，然后重新尝试。”
（I never fail, either I succeed or I learn.）
尝试系呢个世界最美好嘅嘢，因为喺尝试嘅过程之中你会撞到好多你中意嘅嘢。如果你好想去做一件事，咁就去做啦，最坏嘅情况，亦都只不过系暂时唔成功，我哋总系可以重头再来。
下面我会写低我琴日感受到嘅小幸福：
我咬咗一啖苹果，发现呢个苹果入面有糖心啊！呢个苹果好甜！
我去咗一个新嘅面包店买咗一只包，一蚊鸡，本身对佢冇乜嘢期待，咬咗一啖之后，发现呢个面包好松软，虽然系普通嘅菜馅，但系好食过我平时买嘅面包啊。一定要多啲尝试，咁样先可以发现自己中意嘅面包！
今日上瑜伽课，我发现自己完全适应咗空中瑜伽，一啲都唔惊吊喺半空啦！自由嘅感觉真系好。
有一种幸福系可以食到妈妈亲手整嘅头菜，仲有妈妈亲手种嘅番茄。原来自己种同自己整嘅嘢真系好好食㗎。呢种味道买唔到。
我发现自己控制时间嘅能力越嚟越好啦！呢种感觉好好啊！
如果你觉得生活平淡，我建议你每日做一啲你平时唔做嘅嘢，例如你可以去一间新开嘅铺头睇吓，或者行一条你平时唔行嘅路，话唔定你就发现咗了你生活嘅激情啦。
唔知你琴日过得点呢？欢迎喺留言同我分享，祝你今日有好嘅心情，我哋听日再见，拜拜！
用户评论