欢迎关注我的微信公众号“我要学广东话”
Hello，你今日点啊？
琴日我先知道原来《唔好话俾佢听》嘅女主角罗咗金球奖嘅影后。佢真系好犀利啊，佢冇主流社会嘅嗰种美，但系佢身上有一种唔一样嘅美，系一种历经苦难之后沉淀出来嘅美。我对美有好强嘅包容性，我都好中意佢身上嘅呢种美丽。
下面我会写低今日感受到嘅温暖：
经过几日，我终于同我嘅新发型磨合成功！虽然学生话我剪短咗头发好可惜，但系我仲系觉得自己最啱短头发，其实乜野事都系最紧要系自己中意啊嘛；
我好中意自己新买嘅耳钉啊，呢对耳钉系我第一次买俾自己嘅耳钉；
我中意自己画画嘅时间，可以将时间浪费喺自己中意嘅事上面，其实都系一种幸福；
我偶然听到咗一首好中意嘅歌，呢种感觉好好啊。就好似有一个人讲出咗自己内心所有嘅话咁样。
做完运动之后觉得好舒服啊。以前上课嗰时，我同学生讨论过乜嘢可以令人幸福，我哋都同意做运动系一种可以令人开心嘅嘢。
唔知你今日过得点呢？欢迎喺留言同我分享喔，我哋听日再见，拜拜！
用户评论