欢迎关注我的微信公众号“我要学广东话”
Hello，你好。
前几日我听咗一个录音，喺呢个录音，作者话我哋成日谂自己想成为点样嘅人，取得点样嘅成就。其实成就同痛苦系正相关嘅，你想取得嘅成就越大，要承受嘅痛苦就越多。与其谂自己想取得乜嘢成就，不如谂下自己愿意承受点样嘅苦难。例如如果你想讲一口流利嘅英文，咁你就要每日记单词，经常练口语。如果你想有腹肌，咁你就要承受每日做俯卧撑嘅痛苦。如果你想做一样嘢，咁你就应该谂下要做呢件事，要经历乜嘢痛苦，你到底愿唔愿意去承受呢啲痛苦，如果你觉得自己就顶唔顺，咁就算啦，换一个目标，揾到你自己痛苦承受嘅极限，咁样你实现呢个目标嘅可能性就会好大。
以下系我琴日想感恩嘅嘢：
我琴日煮咗好好食嘅餸，食得好开心啊；
做完运动之后放松嘅过程好舒服啊；
好开心可以同一家人开心咁食饭；
听到中意嘅歌，煮饭嗰时都忍唔住跳舞；
唔知你琴日过得点呢？欢迎喺留言同我分享，我哋听日再见啦，拜拜！
岑有羽
这一期似乎有一种平常，似乎有一点不开心。😂