欢迎关注我的微信公众号“我要学广东话”
hello,你好。
今日我听咗得到App嘅一条音频,呢条音频讲咗点样先可以令自己幸福。
答案系感恩。感恩生活,感恩一切,感恩一直努力嘅自己。
呢个音频仲提供咗令自己感恩嘅方法,每日写低一啲幸福嘅事,令自己嘅注意力转移到生活中美好嘅事上面。只需要你持续三个月咗呢件事,你嘅幸福感就会大大提高。其实我只系做咗呢件事唔到一个月,我已经感受到自己嘅幸福感提高紧。我好开心自己有屋企人,好开心自己可以做自己中意做嘅嘢。呢种感觉好真实,并唔系一种催眠,佢发自内心。我强烈建议你都开始做呢件事。
另外佢仲讲到延长幸福嘅感觉,例如如果你食紧你最中意食嘅嘢,咁你可以尝试慢慢品尝佢,你先认真观察吓佢,然后慢慢品味。
下面我会写低我感受到嘅幸福:
我最近有一个智利嘅学生,佢同我约咗两次课,但系佢都上唔到课,因为佢嘅城市因为有抗议,所以电力公司唔可以正常供电,呢种情况已经持续咗几个月。因为我等咗佢一节课,都冇见到佢,所以我有啲嬲。但系当我知道咗原因之后,我忽然之间好感慨。稳定嘅电力供应我早就已经习以为常,只有当我屋企停电嗰时,我先会感受到有电系几咁嘅幸福。我依然记得以前停电之后有翻电嗰时,我系几咁嘅开心。习以为常嘅嘢通常会好容易被忽略,例如干净嘅空气,干净嘅水,稳定嘅电,呢啲嘢都好平,都好常见,但系其实佢哋好宝贵。好好珍惜呢啲睇起身好普通,但系其实宝贵嘅嘢。
我睇咗一部好好睇嘅电影《疯狂嘅有钱亚洲人》。呢部电影系美国嘅,不过演员全部都系亚洲人,咁样嘅电影喺美国好少见,因为亚洲人喺美国系少数族裔。我嘅学生强烈建议我睇下呢部电影,佢话我会中意。我睇完之后真系好中意。呢部电影系一个好似灰姑娘咁嘅故事,不过我最感动嘅唔系灰姑娘最终嫁咗俾王子。而系灰姑娘明白爱一个人,系令一个人幸福,如果爱一个人唔可以令佢幸福,咁就放手啦。做人必须要自尊自爱,冇嘢俾做自己成就自己更加重要。呢个灰姑娘自强自爱,我觉得呢个就系我中意佢嘅原因。我真系好中意呢部呢部电影,估计我会反复睇好多好多次。
唔知你仲记唔记得我之前讲过嘅一个一部电影《唔好话俾佢听》,嗰个女主角喺呢部电影做咗灰姑娘嘅好闺蜜,佢嘅表演真系出色。
我好想睇电影,但系唔想买会员,跟住我细佬俾咗个会员我,好开心啊;
做咗一日嘢,条颈就快断,跟住终于做完晒所有嘅嘢,好开心,训落床就训着咗。
同屋企人一齐有讲有笑咁食一餐饭。
今日我先讲到呢度,听日再见,拜拜!
用户评论