粤读时光，看见生命中嘅光。
最近我一直关注紧一个叫小船嘅Youtuber,
小船嘅频道系介绍嘅系利用网络赚钱嘅方法。
宜家系网络时代，
网络唔单止系学习、娱乐嘅好工具，
网络仲为赚钱提供咗以前从未有过嘅方式。
例如在线教育，
就系因为利用咗网络技术，
令远程教程变得可能。
虽然好多人都知道可以利用网络赚钱，
但是大多数人其实都唔清楚具体嘅做法系点样嘅。
其实喺我睇小船嘅视频之前，
我都唔知道具体应该点样做。
听讲写作可以帮助人整理思路，
所以我决定将我理解咗嘅嘢写低，
帮同我一样嘅小白普及一下网络赚钱。
如果你已经做紧呢件事或者你已经了解过，
你可以直接跳出去啦，
因为我下面讲嘅嘢真系好小白。
根据小船嘅讲法，
宜家有两种网络赚钱嘅方法，
第一种系电商，
例如喺淘宝卖嘢，
第二种系自媒体，
例如写公众号、做抖音视频。
做电商我自己唔系好感兴趣，
我对做自媒体感兴趣啲，
所以我好认真咁听佢讲咗自媒体嘅嘢。
宜家喺中国最常见嘅自媒体，
就系微信公众号、抖音、B站。
应该还有其他嘅自媒体平台，
但系我暂时知道嘅就系呢三个。
而喺国外最出名嘅自媒体平台，
肯定系YouTube。
我自己做咗微信公众号，
所以知道一啲啲关于微信公众号赚钱嘅方法。
微信公众号系点样赚钱嘅？
据我所知，
有两种方法，
第一种系自己喺微信公众号上面卖嘢，
第二种系靠帮其他商家写广告赚广告费。
其实仲有第三种微不足道嘅赚钱方法，
就系靠微信分俾公众号嘅少少广告费。
微信为咗鼓励创作者创作，
只要创作者将广告放喺文章入面，
就会分一啲广告费俾创作者。
上面提到嘅三种方法，
想要赚到钱，
都有一个大前提，
就系一定要有足够多嘅粉丝。
具体要几多粉丝我都唔知，
不过我估计应该按万嚟计算。
我估可能要有几十万粉丝先可以赚到足够嘅钱。
小船比较推荐嘅平台系YouTube，
佢觉得虽然YouTube已经做咗比较耐，
不过仲系有赚钱嘅空间。
YouTube系点样赚钱嘅？
一般都系两种方法，
第一种系卖产品，
第二种系赚广告费。
YouTube同微信一样，
为咗鼓励创作者创作，
会将一部分嘅广告收入分俾创作者。
网红李子柒喺YouTube上面有一千一百几万粉丝，
听讲每个月嘅收入有成几十万。
我之前都睇过一个YouTuber分享过自己嘅收入，
佢当时大概有二十五万粉丝，
收入系七八千人民币一个月。
利用YouTube卖产品，
可以自己做产品，
李子柒就系用呢种方式，
一路拍视频，
一路卖自己品牌嘅产品。
或者可以同商家合作，
将商家嘅产品链接放喺视频下面，
有啲人就会通过呢个链接去卖嘢，
佢哋买咗嘢之后你就会收到提成。
不过无论系做电商，
定系做自媒体，
你首先要考虑嘅都系自己嘅兴趣问题，
你到底中唔中意写文章、
拍视频，
如果你唔中意就唔好开始，
盏徙时间。
点解？
因为无论喺做公众号，
定系做YouTube，
都必须要坚持，
定时更新，
如果你唔中意呢件事，
你肯定坚持唔到落去。
如果你对呢件事感兴趣，
我推荐你自己睇下小船嘅视频，
毕竟我知道我自己真系总结得好水皮，
链接放喺呢度，
有兴趣可以自己翻墙去睇。
https://www.youtube.com/watch?v=YAW5v_MTxvs
咁今日就先讲到呢度啦，
我真系好想写好呢篇文章，
但系我时间唔系好够。
等我下次准备充分啲，
再嚟好好讲下呢个话题。
粤读时光，看见生命中嘅光。
用户评论