马斯克、特斯拉和全球变暖

有好多人话，马斯克系继乔布斯之后，全球最具创新力嘅领导者。马斯克嘅创业领域跨度好大，从电动车特斯拉到航空业嘅Space X，再到脑机互联嘅Neuralink。

马斯克系一个成功嘅企业家，亦都系一个伟大嘅梦想家。

你最近有冇发现地球越来越热？世界气象组织同英美等国嘅气象相关机构同时发布报告，报告话2015年到2018年系过去100几年嚟最热嘅四年，而且2019年至2023年可能会更加热。

而喺十几年前，马斯克就已经意识到全球变暖会系全人类面临嘅一个巨大挑战，喺嗰时，佢就有一个梦想，因为全球变暖嘅其中一个罪魁祸首就系汽车排放嘅尾气，所以佢希望通过用电动车替代传统汽车，减少尾气排放，从而解决全球变暖嘅问题。

但系嗰时，冇人相信佢可以成功。首先整车系一个门槛好高嘅行业，而马斯克系一个硅谷人，佢嘅第一家公司系支付公司paypal，所以马斯克完全系一个汽车行业嘅门外汉。佢一啲整车嘅经验都冇，但系宜家要挑战福特、通用、奥迪、宝马、奔驰等等呢啲汽车巨头，的确系好难令人相信。其次喺嗰时，电动汽车同传统汽油车相比，唔单止好贵，而且仲有好多技术嘅问题，要普及电动车可以话系难过登天。

但系宜家，讲起电动车，我哋都会觉得特斯拉就系标杆，就系巨头。而且特斯拉宜家已经推出咗最便嘅电动车，折合人民币二十二万，虽然同汽油车相比，价格仲系冇好大嘅优势，但系普通人确实已经可以买得起。再睇下汽车市场，好多品牌都推出咗混合动力汽车，而且愿意买呢种汽车嘅人亦都越嚟越多。虽然宜家电动车仲未达到普及，但系可以话马斯克已经离佢嘅目标越嚟越近啦。

佢到底系点样将一件不可能嘅事变得有可能嘅呢？

佢好明白靠个人嘅力量系冇办法达成普及电动车呢个目标，必须要依靠人类集体嘅智慧。要普及电动车，其实就系要喺汽车行业发起一次变革，要革汽油车嘅命。咁点样先可以点燃导火索，令到汽车行业爆发变革呢？关键系资本。要令到资本流向电动车嘅研发上面，就要令到全世界嘅创业者睇到电动车嘅前景同埋赚钱效应，从而吸引佢哋投身呢个行业。

为咗吸引资本，马斯克真系下咗好大一盘棋。佢先整咗一部人人都想要嘅电动车，佢就系Model S。呢部车真系好受欢迎，一出街，就俾全美汽车消费杂志评为最具设计感嘅车。就喺所有汽车厂商都眼红到不得了嘅时候，马斯克就同成个汽车行业分享咗佢哋嘅技术突破。呢架车推出咗几年之后，所有嘅汽车大厂都陆陆续续投入到咗电动车嘅研发。就咁样，特斯拉引爆咗汽车行业嘅巨大变革。

马斯克同其他企业家唔一样嘅地方系，佢创立公司嘅主要目的唔系赚钱或者成为行业垄断者，而系想令更多人睇到新兴行业嘅机会，并且投身其中，最后凭借集体嘅力量推动一个行业嘅发展。

除咗解决全球变暖之外，马斯克仲有两个梦想，一个系喺佢有生之年，实现人类移民火星，另一个系实现脑机互联，咁样就可以避免人类未来俾机器人取代。

听完呢个，你系唔系觉得马斯克好型呢！

jau5 hou2 do1 jan4 waa6 ，maa5 si1 hak1 hai6 gai3 kiu4 bou3 si1 zi1 hau6 ，cyun4 kau4 zeoi3 geoi6 cong3 san1 lik6 ge3 ling5 dou6 ze2 。maa5 si1 hak1 ge3 cong3 jip6 ling5 wik6 kwaa1 dou6 hou2 daai6 ，cung4 din6 dung6 ce1 dak6 si1 laai1 dou3 hong4 hung1 jip6 ge3 Space X ，zoi3 dou3 nou5 gei1 wu6 lyun4 ge3 Neuralink 。

maa5 si1 hak1 hai6 jat1 go3 sing4 gung1 ge3 kei5 jip6 gaa1 ，jik6 dou1 hai6 jat1 go3 wai5 daai6 ge3 mung6 soeng2 gaa1 。

nei5 zeoi3 gan6 jau5 mou5 faat3 jin6 dei6 kau4 jyut6 lei4 jyut6 jit6 ？sai3 gaai3 hei3 zoeng6 zou2 zik1 tung4 jing1 mei5 dang2 gwok3 ge3 hei3 zoeng6 soeng1 gwaan1 gei1 kau3 tung4 si4 faat3 bou3 bou3 gou3 ，bou3 gou3 waa6 2015 nin4 dou3 2018 nin4 hai6 gwo3 heoi3 100 gei2 nin4 lei4 zeoi3 jit6 ge3 sei3 nin4 ，ji4 ce2 2019 nin4 zi3 2023 nin4 ho2 nang4 wui2 gang3 gaa1 jit6 。

ji4 hai2 sap6 gei2 nin4 cin4 ，maa5 si1 hak1 zau6 ji5 ging1 ji3 sik1 dou3 cyun4 kau4 bin3 nyun5 wui2 hai6 cyun4 jan4 leoi6 min6 lam4 ge3 jat1 go3 geoi6 daai6 tiu1 zin3 ，hai2 go2 si4 ，keoi5 zau6 jau5 jat1 go3 mung6 soeng2 ，jan1 wai6 cyun4 kau4 bin3 nyun5 ge3 kei4 zung1 jat1 go3 zeoi6 fui1 wo6 sau2 zau6 hai6 hei3 ce1 paai4 fong3 ge3 mei5 hei3 ，so2 ji5 keoi5 hei1 mong6 tung1 gwo3 jung6 din6 dung6 ce1 tai3 doi6 cyun4 tung2 hei3 ce1 ，gaam2 siu2 mei5 hei3 paai4 fong3 ，cung4 ji4 gaai2 kyut3 cyun4 kau4 bin3 nyun5 ge3 man6 tai4 。

daan6 hai6 go2 si4 ，mou5 jan4 soeng1 seon3 keoi5 ho2 ji5 sing4 gung1 。sau2 sin1 zing2 ce1 hai6 jat1 go3 mun4 haam5 hou2 gou1 ge3 hong4 jip6 ，ji4 maa5 si1 hak1 hai6 jat1 go3 gwai1 guk1 jan4 ，keoi5 ge3 dai6 jat1 gaa1 gung1 si1 hai6 zi1 fu6 gung1 si1 paypal ，so2 ji5 maa5 si1 hak1 jyun4 cyun4 hai6 jat1 go3 hei3 ce1 hong4 jip6 ge3 mun4 ngoi6 hon3 。keoi5 jat1 di1 zing2 ce1 ge3 ging1 jim6 dou1 mou5 ，daan6 hai6 ji4 gaa1 jiu3 tiu1 zin3 fuk1 dak6 、tung1 jung6 、ou3 dik6 、bou2 maa5 、ban1 ci4 dang2 dang2 ni1 di1 hei3 ce1 geoi6 tau4 ，dik1 kok3 hai6 hou2 naan4 ling6 jan4 soeng1 seon3 。kei4 ci3 hai2 go2 si4 ，din6 dung6 hei3 ce1 tung4 cyun4 tung2 hei3 jau4 ce1 soeng1 bei2 ，m4 daan1 zi2 hou2 gwai3 ，ji4 ce2 zung6 jau5 hou2 do1 gei6 seot6 ge3 man6 tai4 ，jiu3 pou2 kap6 din6 dung6 ce1 ho2 ji5 waa6 hai6 naan4 gwo3 dang1 tin1 。

daan6 hai6 ji4 gaa1 ，gong2 hei2 din6 dung6 ce1 ，ngo5 dei6 dou1 wui2 gok3 dak1 dak6 si1 laai1 zau6 hai6 biu1 gon1 ，zau6 hai6 geoi6 tau4 。ji4 ce2 dak6 si1 laai1 ji4 gaa1 ji5 ging1 teoi1 ceot1 zo2 zeoi3 peng4 ge3 din6 dung6 ce1 ，zip3 hap6 jan4 man4 bai6 ji6 sap6 ji6 maan6 ，seoi1 jin4 tung4 hei3 jau4 ce1 soeng1 bei2 ，gaa3 gaak3 zung6 hai6 mou5 hou2 daai6 ge3 jau1 sai3 ，daan6 hai6 pou2 tung1 jan4 kok3 sat6 ji5 ging1 ho2 ji5 maai5 dak1 hei2 。zoi3 tai2 haa5 hei3 ce1 si5 coeng4 ，hou2 do1 ban2 paai4 dou1 teoi1 ceot1 zo2 wan6 hap6 dung6 lik6 hei3 ce1 ，ji4 ce2 jyun6 ji3 maai5 ni1 zung2 hei3 ce1 ge3 jan4 jik6 dou1 jyut6 lei4 jyut6 do1 。seoi1 jin4 ji4 gaa1 din6 dung6 ce1 zung6 mei6 daat6 dou3 pou2 kap6 ，daan6 hai6 ho2 ji5 waa6 maa5 si1 hak1 ji5 ging1 lei4 keoi5 ge3 muk6 biu1 jyut6 lei4 jyut6 kan5 laa3 。

keoi5 dou3 dai2 hai6 dim2 joeng2 zoeng3 jat1 gin6 bat1 ho2 nang4 ge3 si6 bin3 dak1 jau5 ho2 nang4 ge3 ne1 ？

keoi5 hou2 ming4 baak6 kaau3 go3 jan4 ge3 lik6 loeng6 hai6 mou5 baan6 faat3 daat6 sing4 pou2 kap6 din6 dung6 ce1 ni1 go3 muk6 biu1 ，bit1 seoi1 jiu3 ji1 kaau3 jan4 leoi6 zaap6 tai2 ge3 zi3 wai3 。jiu3 pou2 kap6 din6 dung6 ce1 ，kei4 sat6 zau6 hai6 jiu3 hai2 hei3 ce1 hong4 jip6 faat3 hei2 jat1 ci3 bin3 gaak3 ，jiu3 gaak3 hei3 jau4 ce1 ge3 meng6 。game dim2 joeng2 sin1 ho2 ji5 dim2 jin4 dou6 fo2 sok3 ，ling6 dou3 hei3 ce1 hong4 jip6 baau3 faat3 bin3 gaak3 ne1 ？gwaan1 gin6 hai6 zi1 bun2 。jiu3 ling6 dou3 zi1 bun2 lau4 hoeng3 din6 dung6 ce1 ge3 jin4 faat3 soeng5 min6 ，zau6 jiu3 ling6 dou3 cyun4 sai3 gaai3 ge3 cong3 jip6 ze2 tai2 dou2 din6 dung6 ce1 ge3 cin4 ging2 tung4 maai4 zaan6 cin2 haau6 jing3 ，cung4 ji4 kap1 jan5 keoi5 dei6 tau4 san1 ni1 go3 hong4 jip6 。

wai4 zo2 kap1 jan5 zi1 bun2 ，maa5 si1 hak1 zan1 hai6 haa6 zo2 hou2 daai6 jat1 pun4 kei4 。keoi5 sin1 zing2 zo2 jat1 bou6 jan4 jan4 dou1 soeng2 jiu3 ge3 din6 dung6 ce1 ，keoi5 zau6 hai6 Model S 。ni1 bou6 ce1 zan1 hai6 hou2 sau6 fun1 jing4 ，jat1 ceot1 gaai1 ，zau6 bei2 cyun4 mei5 hei3 ce1 siu1 fai3 zaap6 zi3 ping4 wai4 zeoi3 geoi6 cit3 gai3 gam2 ge3 ce1 。zau6 hai2 so2 jau5 hei3 ce1 cong2 soeng1 dou1 ngaan5 hung4 dou3 bat1 dak1 liu5 ge3 si4 hau6 ，maa5 si1 hak1 zau6 tung4 sing4 go3 hei3 ce1 hang4 jip6 fan1 hoeng2 zo2 keoi5 dei6 ge3 gei6 seot6 dat6 po3 。ni1 gaa3 ce1 teoi1 ceot1 zo2 gei2 nin4 zi1 hau6 ，so2 jau5 ge3 hei3 ce1 daai6 cong2 dou1 luk6 luk6 zuk6 zuk6 tau4 jap6 dou3 zo2 din6 dung6 ce1 ge3 jin4 faat3 。zau6 gam2 joeng2 ，dak6 si1 laai1 jan5 baau3 zo2 hei3 ce1 hong4 jip6 ge3 geoi6 daai6 bin3 gaak3 。

maa5 si1 hak1 tung4 kei4 taa1 kei5 jip6 gaa1 m4 jat1 joeng6 ge3 dei6 fong1 hai6 ，keoi5 cong3 lap6 gung1 si1 ge3 zyu2 jiu3 muk6 dik1 m4 hai6 zaan6 cin2 waak6 ze2 sing4 wai4 hong4 jip6 lung5 tyun5 zyu3 ，ji4 hai6 soeng2 ling6 gang3 do1 jan4 tai2 dou2 san1 hing1 hong4 jip6 ge3 gei1 wui6 ，bing6 ce2 tau4 san1 kei4 zung1 ，zeoi3 hau6 pang4 ze3 zaap6 tai2 ge3 lik6 loeng6 teoi1 dung6 jat1 go3 hong4 jip6 ge3 faat3 zin2 。

ceoi4 zo2 gaai2 kyut3 cyun4 kau4 bin3 nyun5 zi1 ngoi6 ，maa5 si1 hak1 zung6 jau5 loeng5 go3 mung6 soeng2 ，jat1 go3 hai6 hai2 keoi5 jau5 saang1 zi1 nin4 ，sat6 jin6 jan4 leoi6 ji4 man4 fo2 sing1 ，ling6 jat1 go3 hai6 sat6 jin6 nou5 gei1 wu6 lyun4 ，gam2 joeng2 zau6 ho2 ji5 bei6 min5 jan4 leoi6 mei6 loi4 bei2 gei1 hei3 jan4 ceoi2 doi6 。