《小王子》6: 他非常喜欢日落,有一次他看了四十四次日落
小王子啊,我就咁样慢慢了解到你充满咗忧伤嘅小生命,原来有一段好长时间,你唯一嘅消遣系默默咁欣赏日落。
我知道呢个新嘅细节,系喺第四日嘅朝早。
当时你话,我中意日落,我哋去睇日落啦。
但系我哋必须要等。
等乜嘢啊?
等日落啊。
嗰时,你睇起身好似好惊讶,跟住,好开心咁笑咗起身,跟住你话,我以为自己仲喺自己嘅星球上面。
确实系咁。大家都知道,如果美国系中午,咁法国就系黄昏。
如果可以喺一分钟之内赶到法国,咁就可以睇到日落,可惜法国太远啦。
但系你嘅星球好细,你只系需要搬一下你张凳就得啦。
你随时都可以睇到黄昏嘅景色。
有一日,我睇咗四十四次日落。
你知唔知道啊,人难过嗰时,特别中意睇日落。
你睇咗四十四次日落嗰日,系唔系好难过啊?
但系小王子冇答我。
用户评论