六六系我好中意嘅一位作家,
佢写过好多电视剧嘅剧本,
《宝贝》同《蜗居》都系佢嘅杰作。
我最近睇咗佢嘅一篇文章,
觉得好唔错。
呢篇文章讲嘅系成功嘅秘诀。
六六觉得成功嘅秘诀就系将时间用喺进步上面,
千奇唔好嘥时间抱怨。
下面我会用广东话读呢篇文章,
如果你有兴趣,就继续听落去啦。
接触嘅成功人士越多,
我就对呢四个字嘅认识越深刻。
成功嘅秘诀就系呢四个字:
永不抱怨。
我好欣赏投资人吕超。
我同佢开始合作嗰时,
成日无事生非咁折磨佢。
开始嗰时我哋签咗电视剧《宝贝》,
我交咗两集半剧本之后,
我同佢讲,
对唔住,我要改写《心术》。
佢话,好,
我哋取消咗原来嘅合同,
又签咗新嘅合同。
写《心术》嘅过程中,
因为导演未同吕超合作过,
对佢心存疑虑,
要取消同佢嘅合作。
点知,佢又话“好”。
我话,“预付款我退翻俾你啦。”
佢话,“唔使,迟早都会合作嘅。”
后来,又出咗一系列嘅事,
我唔好意思咁同佢道歉,
佢同我讲,
“我嘅工作就系解决问题,
你有任何问题,都可以交俾我。”
喺我同佢嘅成个交往过程中,
我发现,
吕超系一个咁样嘅人,
从来都唔抱怨。
佢嘅一条短信,我留要宜家:
要做嘢,唔单止要能屈能伸,
仲要任劳任怨。
我屋企装修嗰时,
我对装修嘅师傅亦都赞不绝口,
我对佢嘅评价系:
任劳任怨。
我哋第一次见面嗰时,
佢就用咗好长嘅时间同我沟通,
了解我中意乜嘢风格。
我订咗卫生间嘅墙砖同地砖,
呢啲都系我自己拣嘅。
等我睇到“半壁江山”嗰时,
竟然觉得好后悔。
我话,“呢个唔系我想要嘅效果。”
佢竟然仲平静过我,
问我:“咁你想要乜嘢啊?”
我谂咗一吓,觉得好唔好意思,
“算啦,我认账,我顶得顺。”
佢同我讲,
“咪咁样。难得装修一次,要用好多年㗎,唔好将就。
你唔中意,冇问题,我哋改啦。”
我嫌麻烦。
佢话,满意系最高嘅标准,只要你满意,我唔惊麻烦。
另一个细节系,
我同唐师傅话,
我要做电视机嘅背景墙。
佢推荐俾我嘅几种墙纸,我都唔中意。
我最后请咗学美术嘅同学帮我画咗一个,
而且价钱仲唔系好贵。
当我打开电脑俾唐师傅睇吓我嘅“星空”背景墙嗰时,
佢即刻罗咗个移动硬盘出嚟要copy,
而且同我讲,
呢个创意好好啊,
以后我要用喺其他客户嘅屋企。
佢嘅话入面,
一啲愤怒、不满同责怪都冇,
只系有提升、再提升;
学习、再学习。
我同唐师傅话,
我相信,你未来会做得好大。
你宜家先三十岁,
系一个带住二三十个工人嘅老板仔。
喺未来,
你会有一间大公司㗎。
你根本就唔使担心自己未来买唔起楼,
因为你进步嘅速度会快过楼价上升嘅速度。
呢句话,其实最早系吕超同我讲嘅。
果然,佢同我讲完呢句话,半年之后,
我就有咗自己嘅屋。
将时间用喺进步上面,
而唔系抱怨上面,
呢个就系成功嘅秘诀。
雅冰霓
有字幕就更好了
yoyo_ceo
喜欢就是你这种没有背景音乐的声音
yoyo_ceo
不要加音乐
yoyo_ceo
才十七集
yoyo_ceo
节目太少了。多发些吧。