粤读时光，看见生命的光。
你好，今日我想同你介绍一个人，
我觉得佢对我嘅启发好大。
每个人身边都有上进嘅人，
我身边都有，
我有一个学生留俾我嘅印象好深刻，
佢好努力改善自己嘅生活状态，
好努力追求自己想要嘅人生。
佢叫小雅，
佢喺大学学嘅系教育学，
不过毕业之后做咗一个空姐。
本来佢飞嘅系国内嘅航线。
做国内嘅航线竞争其实好大，
因为要求唔系好高，
只系需要识讲英文同埋西班牙文。
后来佢识咗另一个空姐，
不过呢个空姐嘅待遇好好多，
后来佢知道原来呢个空姐识讲法文，
所以佢飞嘅系纽约到巴黎嘅航班，
佢嘅工作状态舒服好多。
小雅当时就有一个谂法，
如果我识讲法文就好啦。
佢一有谂法就即刻行动，
抽时间去咗法国学法文，
翻黎之后就申请调去法国嘅航班。
得到咗自己想要嘅工作。
后来小雅搬咗去洛杉矶，
喺嗰度冇飞法国嘅航班，
所以佢又要飞翻国内嘅航班。
佢唔中意咁嘅工作。
佢过去嘅经验讲俾佢听，
佢应该揾吓有冇飞外国嘅航班，
后来佢发现洛杉矶有飞上海嘅航班。
知道咗之后佢就好开心，
但系到底点样先可以做呢条航线嘅空姐呢？
后来佢了解到有两个方法，
第一个方法系等，
做洛杉矶飞上海航线的空姐要求有二十年嘅飞行经验，
第二个方法系识讲中文。
因为每一个航班都要配四个识讲中文嘅空姐。
小雅知道咗之后即可就两眼放光，
佢知道佢宜家有一个新嘅目标，
学中文，
通过中文考试。
学法文对佢嚟讲唔算好难，
但系学中文好难，
因为中文同英文之间嘅差别太大。
佢已经参加过中文考试三年啦，
但系一直都冇通过。
经过我嘅了解，
我发现呢个考试好难，
中文发音需要好准，
仲需要中文讲得好流利。
今年佢嘅目标系通过中文考试，
所以佢用晒所有得闲嘅时间学中文，
今日佢俾我睇咗佢嘅每日嘅安排，
上面写满咗每日应该咗嘅嘢，
上中文课，
参加学中文嘅活动，
听录音，
记单词，
睇欢乐颂，
写日记，
等等。
佢张日程表真系吓到咗我。
我中意赵丽颖，
好耐之前喺网上有一张赵丽颖一日嘅安排表，
满满嘅一页，
小雅嘅日程安排都差唔多系咁样。
我知道呢个世界有啲人好自律，
但系当我睇到小雅嘅日程安排嗰时，
我仲系觉得好出奇。
小雅系一个非常自律嘅人，
除咗参加中文活动，
佢仲会参加一啲目标达成嘅研讨会，
喺研讨会大家会讨论自己嘅目标，
通过互相督促嘅方法，
去令自己更加自律。
之前小雅仲同我分享过令生活更加幸福嘅方法，
每日写低令自己觉得幸福嘅事，
除此之外，
如果你想令自己更加关注自己嘅目标，
可以通过每日写低自己想做嘅十件事。
我觉得佢分享嘅呢个方法系非常有用嘅。
我识咗好多唔同嘅学生，
每个学生俾我嘅感觉都唔一样，
小雅令我感受到，
如果你努力咁去争取，
人生系可以把控嘅。
佢身上嘅自律真系令我觉得好敬佩。
每个人都有懒惰嘅时刻，
但系如果你身边有咁样一个自律向上嘅榜样，
我觉得我身上嘅懒惰就会慢慢消失，
我会慢慢俾佢感染。
小雅系一个普通嘅人，
但系佢又系一个好唔普通嘅人。
人呢一世，
有好多种生活嘅方式，
有好多种生活嘅状态，
我特别欣赏小雅身上嗰种自律自强嘅品质。
威廉毛姆讲过咁样一句话，
我用尽全力，
过住平凡嘅一生。
真正嘅勇敢系，
明知前路艰难，
依然勇敢前行。
粤读时光，看见生命中嘅光。
1885026hytb
敬 自律自强的普通人