甲:欲祝各位老听众年年快乐,快快乐乐,高高兴兴,开开心心,愉愉快快。
乙:哪能侪是一样个?
甲:诶,是一样个。一样意思欲祝各位敬祝各位新春愉快,再一鞠躬。本来预备到你府浪来拜年,因为侬屋里住了啥地方我不晓得,所以我还不来了。
乙:迭啥个闲话,真是个。
甲:新春之季马路浪向小菜场里脱仔食品店里生意好得来顾客迎门,一家老小买点小菜屋里下向自己烧烧吃年夜饭团圆夜饭。
乙:这两日我是舒意,我是亲眷朋友多,一家家吃得来,我真是口腹不浅。尤其是红烧地胖上头一张单皮又是苏又是胬,迭种子吃下去没闲话了。
甲:我希望你少吃一点,现在已经蛮胖了。节日当中我伲吃是要吃点,就是希望节制一点,往往暴食狂饮对身体没好处。过去迭个老古闲话我认为有种有意思,一个人要长寿呢是这样子的,就是吃饭少三口,饭后百步走,嫁子婆讨得丑,年纪活到九十九。
乙:嘿,同志们,那大家自己想想,周伯春这种闲话片面吗?嫁子婆讨得丑,两个男青年外头追求女同志,要找对象,还是最门捡难看个去找,有这种事体的?在座个有交关多的小姑娘,没人追求个?
甲:没。
乙:嫁主婆讨得丑。
甲:迭还勿是我讲个。因为老古闲话传下来,还是?
乙:完全辣辣瞎讲。
甲:各位在坐的有两位是蛮漂亮的姑娘不要动气?
乙:已经动气了。
甲:勿是,我个意思侬要迭能子理解,因为啥物事,侬不讲漂亮姑娘没人要,有姑娘已经辣辣讲了,啥体没人要,老实讲追求我个人在排队了。
乙:当然了。
甲:有两个,有两个想排队想插挡还插勿进。
乙:来了买油条。
甲:勿误会,我这个意思是迭能样子。面孔难看点不要紧个,只要心灵美好了。
乙:噢,两个漂亮姑娘心灵不美个。
甲:侬哪能些些钳牢我。
乙:钳牢侬。
甲:我是迭个意思。
乙:啥个意思呢?诶,啥个意思?
甲:我这个意思就是这个意思。
乙:多讲脱个。
甲:去自己去理解。吃饭少三口。
乙:我又不同意了,啥吃饭少三口,迭个吃得来不舒不意交关难过,对勿了?齐巧要吃顶好个哦了少三口,吃吗吃勿饱。
甲:姚慕双老师吃吗吃了蛮结棍,眼睛像火线,牙齿像夹线,筷头像雨点,肚皮像海底。侬哪能胃口介好我还弄勿懂?
乙:迭个模子服气好。吃口,叫口福不浅。侬讲胃口好迭个是一个问题,假使胃口好,服气没,还不灵个。又要服气好又要胃口好,乃么真真吃得宰吃得多。要研究个。
甲:照侬讲胃口好还勿是最关键个。
乙:当然要研究,哪能多吃点迭个是关键。
甲:侬倒谈谈看,哪能好多吃点。
乙:讲到吃酒水,迭个是侬吃点多吃点少,酒水席上现颜色,多吃末真本事了。一只冷盆,冷盆顶顶名贵是当中个白鸡。搿么多吃点,哪能拣法我看侬?
甲:哪能吃法,多吃点末拣当中,面当浪中,拣大个迭能子。
乙:迭能拣下去,弄得好了。迭能拣下去顶多一块,假使滑脱一块也吃不着。不好上头拣下去个,要横垛里穿进去个,面浪五六侪是好个,酱油蘸蘸,嘴巴张大。
甲:侬迭能子吃边浪个人勿讲闲话个?
乙:勿要紧个,只要自己咕一声好了。咦,今朝啥个路道,啊呀,哪能厨房师傅侪切个连刀块了,搿么算了马马虎虎。
甲:搿么,我又要问侬了,炒虾仁哪能多吃点呢?
乙:哦,上热菜了,啊,炒虾仁,侬多吃点侪拿调羹舀,搿么多吃点舀几化?
甲:舀几化,搿么塔塔潽一调羹了。
乙:哦,一调羹,那舀一调羹,我定坚舀半调羹,一调羹脱半调羹同时把了嘴巴里啥人先吃完?
甲:搿么半调羹先吃光了。
乙:㑚还没吃完了,半调羹吃完,乃么舀一调羹到了盆子里,再舀一调羹到了嘴巴里,再舀一调羹盆子里没了。
甲:搿么吃海参哪能吃法?
乙:吃海参,吃海参侪拿调羹舀个,筷子勿来事个,筷拣海参要滑脱个。搿么大家侪拿调羹舀没啥多吃少吃。搿么等到海参一上,我头一个立起来拿双筷,来同志们请呀,来来来趁热的趁热个。我一拿筷,人家还拿调羹难为请吧,也一道拿筷了。等到十双筷拿好,我筷把下去调把调羹乃么叉来吃。
甲:吃海参还要调虎离山之计。
乙:迭个里有文章的,有门槛个。
甲:迭个等到后头吃长寿面,吃炒面哪能吃法?
乙:吃面,欢喜吃炒面个,搿么侪拿筷拣了,筷拣一两根拣还弄不好了,顶多拣几根面了,要多吃,吃末吃勿着的。侬要吃了多,拿双筷从面个当中戳进去,两只手卷,格啦介格啦卷啊,等到两分种卷下来一碗面侪来了我筷浪向。
甲:迭能勿是来吃面,是来扎拖畚。
乙;形象是难看的,但是我吃得多啊。
甲;讲吃来迭个事体今朝既然讲到吃酒水我到要是谈一谈。去年仔,我迭个女儿结婚,搿么我想简单点勿办酒水,男女亲家大家聚一聚,哦牢姚老师来了,哦牢来吃酒水来了,送来廿块洋钿。
乙:我牢大家自己人知亲来捧捧侬场送廿块洋钿勿是蛮好。
甲:送廿块洋钿平哦牢屋里来八个人。还带来两个钢宗镬子,迭到不去管它,对�。等到夜头客人散了我去看了,伊只红封袋,红封袋我打开一看里向没廿块只有十快哦牢,里向写好四句闲话:人情廿块,内中十块,欠侬十块,下次补来。
乙:身边不变欠一欠还足到个,搿么侬自己好死了,今年上半年我讨媳妇侬送几钿?
甲:搿么大家一拳来一脚去。
乙:廿块。啊呀还是一张红封袋派头还大,等到夜头红封袋拆开一看一钿还没个。
甲:搿么侬哪能礼谱浪向写廿块?
乙:头命伊还写四句闲话:人情廿块,内中空袋,上趟侬欠我十块,现在我反欠你十块。有迭种人吗,我还有十块了,侬一钿还没个。
甲:好了,迭个事体再讲讲讲讲清楚。
乙:大家不开心。
甲:上趟伊讨媳妇帖子少发点,头命帖子滥发,发仔五百多张。
乙:朋友多我外头交情广。
甲:朋友多,侬哦牢酒水相应多定点,我哦牢水定的少,哦牢酒水只定八桌哦牢,来五百多人哪能坐法呢?门槛到蛮精个,哦牢所有椅子矮凳侪撤走哦牢调长凳,大家坐起来哦牢长凳脚跨进去,像骑马一样大家横坐。
乙:搿能不是蛮舒意发?
甲:大家胸口的背心贴牢哦牢。
乙:贴牢叫来得个赞,假使后头坐个大块头,我隑下去软多多赛过隑辣皮沙发上来的搿舒意。
甲:哦牢我上趟不是畀个大块头,后头畀个木匠师傅,刚刚做完生活,腰眼里榔头、斧头、凿子侪摆满,我动还勿好动,一动碰一斧头。搿么哪能夹法呢,哪能吃法呢?
乙:侬用勿着担心事的,侬当是看了,横个反而好像骑马一样夹起来远呀,侬远中远夹的住,对勿啦。
甲:侬夹当中可以,侬假使夹我处地,夹我右面侬哪能夹法呢?
乙:搿么侬身体少许让开点,我夹勿是蛮好吗?
甲:我啥体让开呢,我还送人情个。
乙:枉胆。
甲:枉胆,我作幸夹你左面个小菜。
乙:我派头大了,稍为边上斜一斜,侬夹。
甲:两个头我倒欢喜吃伊面大家要撞车。
乙:不要仅个,总管有先后个。个面堂醋鱼块,侬要吃勿来。
甲:作幸两个人一道夹呢?
乙:一道夹还无所味了,大家退一步。
甲:搿么侬夹侬夹。
乙:椒盐排骨我吃了。
甲:搿么我吃糖醋鱼块。
乙:喂喂喂喂侬松一松喂。
甲:我勿好吃个,大家没吃。
乙:吃绞连棒,侬还没搿能子野蛮来,吃酒水还要讲文明的,嘿哪能介不文明。
甲:侬想要文雅点。
乙:当然要文雅点。
甲:文雅点更加没吃了。
乙:啥体了,照样可以吃?
甲:照样吃。
乙:勿好穷凶极恶。
甲:我勿要,看侬吃,看侬吃,请。
乙:蟹粉狮子头,迭个是扬帮,狮子头顶要吃了。
甲:请请请。
乙:狮子头,趁热个。
甲:请叫这位尊姓是?
乙:噢,勿敢当,勿敢当,彼姓姚,侬请呀,趁热勿。
甲:请请请请。
乙:冷脱不好吃。
甲:乙先生侬大名是?
乙:叫姚慕双,哪能闲话介许多了。
甲:请。
乙:侬自己来,趁热的。
甲:姚先生侬府浪向住了啥地方?
乙:问我住了啥地方,淮海路淮海坊。
甲:蛮好蛮好。
乙:没事替不要来,还没有的。
甲:姚先生侬太太好发?
乙:啥个闲话,我还弄勿懂侬这个人怎么介刁,恶做剧。
甲:对发。
乙:我齐巧要吃了问闲话了。
甲:侬吃不着的。
乙:搿么侬还吃勿着个,现在我问侬侬去吃一样吃勿着个。
甲:我勿管个,侬问我我没有用场我照吃勿误。
乙:我看侬吃。
甲:现在我吃了。
乙:狮子头。
甲:侬客气来。
乙:我吃仔交关了。
甲:侬刚刚碰也没有碰到,现在我来了。
乙:慢慢较,笃定点笃定点,放下来放下来,尊姓?
甲:我吃哪能,定监要我放下来。
乙:勿放勿要紧,我先问你尊姓,请侬回答我。
甲:尊姓我没空。
乙:迭个啥个闲话,噢没空啊,啥体?
甲:喂喂喂。
乙:喂啥体?
甲:狮子头。
乙:让伊去。
甲:藏在袋袋里。
乙:侬问我好,我问侬没空。
甲:搿么小菜要拿下来个,不好穷凶极恶,对勿啦?
乙:回答我,拿下来拿下来,啥个闲话。
甲:前世里向没吃过。
乙:尊姓?
甲:硬紧攀谈的。
乙:不管的呀,搿么大家对不啦,问问不要紧的,卡片?
甲:请自己看。
乙:噢,姓周。周先生大号是?噢,卡片上有的,叫周伯春。周先生侬工作单位是?噢,上钢三厂,看样仔工程师吗。周先生侬府浪向是?噢还有个,新闸路123号。周先生侬太太身体?卡片上有个?啥那两夫妻隔用一张卡片。
甲:我管我吃,侬管侬读卡片。
乙:好,乃么我本事学到了,我还有个,那我笃定吃了。
甲:侬拿卡片,搿么我问侬了。
乙:那我笃定吃了,来以其人之倒还之其人之身。
甲:请请请。
乙:狮子头,冷掉不好吃个。
甲:对对对。
乙:已经没有了,侬还没有下手介快。
甲:调只把也没关系的。
乙:噢,盆子边上还有半只,半只还好个,捞身一碗,啥体?
甲:请叫是尊姓是?
乙:勿要紧,笃定笃定,工作证。
甲:工作证,我不识字个。
乙:没有介巧个。
听友453262240
30后,35前,感觉像回到了小时候一样
陆富根
好听。
2500万先生
丹皮
1363542wuqs
勾起我一个60后的儿时回忆
蒙奇奇大肚皮
白鸡那能吃那晓得伐?