甲：刚刚看见两位歌唱家唱歌唱得侪非常优美，我也想唱一段歌曲，刚刚一个钱曼华。
乙：女高音。
甲：女高音，伊迭个姿势非常优美。
乙：对，嗓子好，唱得好听。
甲：声音真是珠转玉盘。
乙：是个。
甲：黄莺出谷。
乙：哎。
甲：迭个抑扬顿挫。
乙：对。
甲：肉丝炖蛋。
乙：哪能弄出来肉丝炖蛋了？
甲：味道足呀。侬看伊个姿势，两只手摆辣胸口头。
乙：迭一个姿势有个，迭个姿势忒美了。
甲：搿种姿势勿容易个。
乙：对对对。
甲：侪有内在个。
乙：对对对，侪有内在个，搿介好个姿势阿是伊自己想出来个？
甲：想得出个，体验生活。
乙：到啥地方去体验生活呢？
甲：粢饭摊。
乙：哦，包粢饭。
甲：搿个是讲讲笑话，总而言之手要摆了美丽。
乙：两只手要有摆仔。
甲：有姿势个，勿好瞎摆个，来三�？
乙：摆辣额骨头浪。
甲：侬就要摆辣此地，迭种有式子个。
乙：迭个叫啥个式？
甲：叫意大利式。
乙：意大利式？
甲：一只手搭辣钢琴浪。
乙：迭个啥个式？
甲：叫France式，就是法兰西式。
乙：哦，France式。
甲：还有迭能样子个姿势。
乙：迭个啥个式？
甲：迭个叫西班牙式。
乙：搿么还有一种姿势，迭个啥个式，浪浪浪，浪浪浪浪浪浪，浪浪浪浪浪浪浪浪，浪浪浪浪浪浪浪，迭个啥个式？
甲：迭个汏衣裳板刷，没个呀，迭能样子。我来唱一段《草原情歌》畀侬听，在那遥远的地方，有位好姑娘，人们走过了她的帐房，都要回头留恋地张望。哪能，比刘秉义好。
乙：喂，比刘秉义好，人家是刘秉义啊，侬叫啥？
甲：叫烂污泥，我辣唱侬烦了，迭板要思想健康，唱出来个歌姿势也好。
乙：动听。
甲：昨日我辣复兴公园假山后头，看到一位男青年也唱迭只歌，唱得来哭出乌拉.
乙：搿哪能会搭呢？
甲：轧女朋友话落输脱了。
乙：内心痛苦啊。
甲：在那遥远的地方。
乙：唱得来阴落落个。
甲：有位好姑娘。
乙：苦恼。
甲：人们走过了她的帐房，都要回头留恋地张。
乙：喔唷，勿对，勿对，勿对，掐人中，掐人中。
甲：啥体？
乙：勿是。
甲：人家痛勿了。
乙：我看侬眼睛朝上翻了呀。
甲：我自己会翻下来个，阿拉常庄翻个。我屋里向有个小儿子今年八岁也唱迭只歌，伊勿晓得里向啥个内容，伊是会唱而唱。在那遥远的地方。
乙：音开了忒高了。
甲：有位好姑娘，人们走过了她的帐房，都要回头留恋地张望。
用户评论