甲:侬就算是辣家里听无线电个听众。
乙:侬呢?
甲:我辣电台里播音。
乙:介多的电台,介多个节目,侬一个人哪能来事呢?
甲:个侬就勿管了,现在开始!
乙:叭嗒。
甲:搿是啥声音?
乙:开无线电开关的声音,现在侬辣阿里?
甲:电台浪。
乙:我辣屋里听无线电,侬哪能可以跟我讲话?
甲:搿……
乙:重来!叭嗒。
甲:陆雅臣虎头虎冲跑到赌场里……各位老听众,这档节目由南码头老虎灶独家播送。
乙:老虎灶也做广告啊?
甲:南码头老虎灶烧出来个开水,温度高,味道好,吃得勿好,勿要钞票。掀牢牛头吃草根……要泡开水打电话来,电话购货,二热水瓶起送,送到府浪,冷脱勿管!
乙:去去去,开过去,开过去!
甲:骂你油头小光棍,半夜三更来敲门。我不是油头小光棍,是十三太子林逢春。要买绒线请打电话来,买一送一,最后一天……
乙:昨日侬也讲最后一天,开过去,开过去!
甲:各位听众,现在播送个是滑稽节目。
乙:灵个,灵个!是由海狮牌收音机独家播送,周心笑、吴心声滑稽自由谈唱。
乙:现在我辣家里听无线电,看伊一个人怎么办?
甲:今朝吴心声没有来,只有我一个人播音,请各位听众原谅!
乙:门槛精个!
甲:因为吴心声生毛病住辣医院里……
乙:啊!
甲:医生已经发出病危通知。
乙:喂,侬哪能触我霉头?!
甲:闲话勿要多!
乙:啥闲话勿要多,侬哪能讲我病危?
甲:我问侬,侬现在辣阿里
乙:辣家里听无线电。
甲:侬辣屋里,我在电台上,侬哪能可以跟我讲话个?
乙:歌……喔唷,厉害个,我闲话也不好讲啦?开过去,开过去!
甲:医生已经对家属讲,吴心声已经差勿多了,可以准备后事了。
乙:啊!我气昏了,哪能开勿过去呢?
甲:说明侬搿只无线电质量勿好,开不过去了!
乙:歌哪能办?
甲:侬去买一只海狮牌收音机,就没有搿种毛病了。
1394547zzyx
上海滑稽既搞笑又接地气,把生活简单的事情,加入佐料,变得生动有趣搞笑。着实是生活中一道亮丽的风景线!人在工作之余,繁忙之间听听上海滑稽,压力释放了,笑口也开了。笑一笑十年少,有心的朋友一块来听一听上海滑稽吧!