请摊开两只手,让阿拉
辣辣此地,辣辣搿搭
辣辣顶美好个光阴里碰头好伐
当我头发长到腰眼个辰光
有多少青春个波涛正辣我内心深处涌动
荷叶像煞是我穿仔个体面衣裳,
柳条也轻轻叫随风摇摆
我雪雪亮个眼眸当中
囥仔交关对于世界
顶美好个想象,
让我两只手侪摊开来
轻轻叫回转头,看牢侬
看牢侬着仔青衫嗲溜溜笑个样子好伐
但是此时此刻我要脱侬讲
为仔等侬,等侬跑到我眼门前
我准备了一河浜个春光送拨侬
为仔等侬,等侬跑到我眼门前
我勿晓得走过了多少黄昏头个渔村,
多少盖牢仔雪个断桥
也勿晓得走过了多少
心心念念个早浪脱夜到
还有整个城市冷冷清清个月亮光
让我两只手侪摊开来
侬就陪辣我身旁边,好伐
为仔侬个出现
我对牢仔天空反复个祷告
一趟趟拿腰佝下来,
转动前世个经筒
就为仔碰着侬,
辣我顶好个青春里
用户评论