甲：老开心个。
乙：啥个事体介开心？
甲：今朝参加个活动侪是老年朋友。
乙：诶。
甲：我也是老年朋友。
乙：是呀。
甲：阿拉有搭共同个语言。
乙：阿拉侪是老年朋友呀。
甲：最近我总结了一下，一个人个一辈子其实就是为了八张纸头。
乙：搿点我从来没听见过呀。
甲：今朝畀侬听听。
乙：一生一世为八张纸头。
甲：对呀。
乙：侬到介绍介绍。
甲：第一张，出生证。
乙：出生证，对啊，养下来了。
甲：有了搿张纸头，侬好养，没侬还勿好养。
乙：对，有道理。
甲：有了出生证迭张纸，总之开始侬一辈子。
乙：哦，对个对个对个，生活了开始。
甲：有了毕业证书迭张纸，侬就必须奋斗一辈子。
乙：读书毕业了，毕业证。
甲：有了结婚证书迭一张纸，结婚了。
乙：结婚了，成家了。
甲：要么恩恩爱爱一辈子，要么吵吵闹闹一辈子。
乙：哦，对个，也是一张纸。
甲：有了做官，当干部迭一张纸。要么为人民服务一辈子，要么勾心斗角一辈子。
乙：搿干部难当啊，没介容易。
甲：有了钞票迭一张纸。
乙：哪能？
甲：侬就必须为伊拼命卖命一辈子。
乙：哦哟，人为财死啊。
甲：侬有了荣誉证书迭一张纸，侬就必须勤勤恳恳一辈子。
乙：奖章。
甲：侬有了劳保卡迭一张纸，侬就要痛苦一辈子。
乙：生病了。
甲：专门看毛病。侬有了追悼会悼词迭一张纸，侬就可以结束迭个一辈子。侬只有淡薄搿一些纸，侬才能开心一辈子。
乙：对个对个。
甲：侬只有忘记脱迭一张纸，侬就能幸福一辈子。
乙：啊呀，有道理。
用户评论