甲:(唱)中华民族历史有几千年,
乙:文明古国讲礼仪。
甲:懂礼貌,
乙:重信义,
甲:有道德,
乙:守法纪,
甲&乙:唉唉哟,好风气。
甲:礼貌教育要从小注意,
乙:长大才是好青年。
甲:(说)看见长辈,
乙:叫叔叔阿姨。
甲:碰到老师,
乙:要鞠躬行礼,老师好。
甲:喂,侬今年几岁啊?
乙:五十岁了。
甲:啊?
乙:十五岁。
甲:十五岁讲闲话侬还刁嘴
乙:我只有五岁。
甲:侬五十岁迭到五岁,侬迭到迭得快个。
乙:没办法呀,我要扮小囡呀,请侬原谅,重唱。
甲:看见长,
乙:叫叔叔阿姨。
甲:碰到老师,
乙:要鞠躬行礼。
甲:同学相见,
乙:亲密无间。
甲:兄弟姐妹,
乙:侬让我歉。
甲:苹果生梨,
乙:推来推去。
甲:阿哥,迭只大苹果侬吃。
乙:勿,兄弟侬吃。
甲:侬是阿哥比我大,应当侬吃。
乙:侬是弟弟畀我小,应当侬吃。
甲:我掼畀侬了,侬接牢。
乙:难能厾过来了,来,我厾换畀侬,接牢。
甲:侬接牢。
乙:接牢。
甲:侬接牢。
乙:接牢。
甲:投篮。
乙:嚓啷。
甲:那变打篮球了。
乙:问侬呀,哪能叫我投篮了。
甲&乙:(唱)哎哎呀,谦让懂道理。
甲:礼貌教育勿注意,
乙:钻研勿良坏习气。
甲:(说)看见长辈,
乙:眼前朝天。
甲:碰到老师,
乙:视而勿见。
甲:同学相处,
乙:毫无理由。
甲:同志之间,
乙:争天夺地。
甲:开出口来,
乙:脏话连篇。
甲:一言勿合,
乙:翘拳拉臂。
甲:弹眼落睛,
乙:赛过斗鸡。
甲:侬预备哪能?
乙:侬预备哪能?
甲:哪能?
乙:哪能?
甲:哪能?
乙:哪能?
甲:哪?
乙:哪?
甲:哪?
乙:哪?
甲:哪?
乙:哪能?
甲:算啥样子?
甲&乙:(唱)哎哎呀,大家闹是非。
甲:精神文明记心间,
乙:待人接物要和气。
甲:(说)朋友交谈,
乙:真诚相见。
甲:尊重对方,
乙:情深也齐。
甲:人家讲话,
乙:勿心勿心在焉。
甲:自己讲话,
乙:尽量要简易。
甲:勿要东拉西扯,
乙:切记漫无边际。
甲:人家问侬身体,
乙:回答人家身体。
甲:最近身体阿好,
乙:明天晴转阴天。
甲:近来工作忙�,
乙:昨日我碰着阿姨。
甲:牛头勿对马嘴,
乙:完全辣吃勿落千。
甲&乙:(唱)哎哎呀,弄得来搞笑皆非。
甲:拜访朋友要全心意,
乙:轻敲房门要笃三记。
甲:(说)啥体板要笃三记,笃两记就算犯错误啊?
乙:错误是勿犯个,勿过笃两记人家要吓个。
甲:迭个哪能会搭吓个了?
乙:阿要试试看?
甲:侬试好了。
乙:正常个笃三记。笃笃笃,开开门。
甲:啥人?
乙:是我。
甲:哦。
乙:蛮好,对�,侬要笃两记呢。
甲:一样个吗。
乙:侬勿要吓。
甲:勿吓个。
乙:注意。
甲:哦。
乙:笃笃。
甲:喔唷唷,那像触电了。
乙:阿是侬要吓个。
甲:搿么侬敲一记呢?
乙:一记也勿来事个呀。
甲:哪能?
乙:人家当啥地方水落管子辣漏水了。
甲:搿个又勿会个了。
乙:那侬听好,敲门了。
甲:哦。
乙:笃,笃,笃,笃。
甲:楼浪啥地方漏水了。
乙:喂,阿是侬弄错了。
甲:搿倒是勿像个,:搿么侬多敲几记呢?
乙:多敲几记也要传错个。
甲:哦?
乙:我来敲门了。
甲:哦。
乙:笃笃笃笃笃笃笃笃笃笃。
甲:那样老和尚辣敲木鱼了。
乙:阿是像念经了,搿咯扮演敲三记。
甲:(唱)拜访朋友要全心意,
乙:轻敲房门笃三记。
甲:(说)主人出接,
乙:方能进去。
甲:勿好投五投六,
乙:自说自话往里。
甲:主人齐巧睏觉,
乙:梦头里向跳起。
甲:畀侬哇啦一声,
乙:主人当出事体。
甲:夹仔被头就跑,
乙:楼梯浪冲仔下去。
甲:以为发生火灾,
乙:隔壁烧到此地。
甲:等到清醒过来,
乙:上气勿接下气。
甲:搿种鲁莽朋友,
乙:主人辣摇头叹气。
甲&乙:(唱)哎哎呀,下趟要注意。
甲:走进亲友房间内,
乙:稳重大庄坐下来。
甲:(说)主人敬茶,
乙:双手接待。
甲:看看摆设,
乙:大方一眼。
甲:切记东张西望,
乙:勿能到处乱翻。
甲:花瓶碰碰,
乙:沙发塌塌。
甲:书报看看,
乙:信件翻翻。
甲:大厨摸摸,
乙:抽屉开开。
甲:图章捏捏,
乙:存折拿拿。
甲:喂,侬辣啥体?
乙:喏。
甲:准备偷物事啊?
乙:勿是呀,我看侬存折呀。
甲:搿个看点啥了?
乙:我看看里向有几钿。
甲:侬还要看了。
乙:喂,哎哎哎。
甲:快点放好。
乙:哦。
甲:勿可以个。
乙:哦。
甲&乙:(唱)哎哎呀,否则勿要侬来。
甲:医院里去探望生病人,
乙:慰问要使对方宽宽心。
甲:(说)检查过�?
乙:我胃部有病。
甲:吃饭吃啥?
乙:六根棒冰。
甲:六根,去,搿胃要吃坏脱个。
乙:勿是呀,天热勿过,后事来医生勿同意,所以我没吃呀。
甲:哦,吃饭吃啥?
乙:稀饭薄饼。
甲:身体保重,
乙:多谢关心。
甲:尊重医嘱,
乙:服药打针。
甲:医学发达,
乙:科学昌明。
甲:胃部勿好,
乙:我勿担心。
甲:安心治疗,
乙:笃定养病。
甲:勿过几日,
乙:回复康宁。
甲:乒乓打打,
乙:长跑奔奔。
甲:吊环垃拉,
乙:杠铃挺挺。
甲:江里游游,
乙:海里氽氽。
甲:跳水比赛。
乙:世界冠军。
甲:喂,也没介快个呀。
乙:迭个是我向女排学习奋斗个目标呀。
甲:哦,迭个可以个。
甲&乙:(唱)哎哎呀,体育锻炼保青春。
甲:看病家母勿留神,
乙:病人听见要吓偏心。
甲:(说)检查过�?
乙:胃部有病。
甲:啊呀,勿好。
乙:侬为啥吃惊?
甲:我个朋友,
乙:也是胃病。
甲:又呕又吐。
乙:痛得打滚。
甲:一日三餐,
乙:滴水勿进。
甲:病变生癌,
乙:出血勿停。
甲:骨瘦如柴,
乙:完全变形。
甲:一命呜呼,
乙:寿终正寝。
甲:昨日送到,
乙:铁板新村。
甲:病人听见,
乙:汗毛泠泠。
甲:手脚发抖,
乙:浑身抽筋。
甲:眼睛翻白,
乙:头脑冰瀴。
甲:侬也是胃病,脱我个朋友一样个,伊已经到铁板新村去了,侬也要当心点个,侬准备啥辰光去啊?
乙:我预备下礼拜一,侬辣讲啥个物事啊?
甲:侬也危险个。
乙:啊,啊,呕,去了。
甲&乙:(唱)哎哎呀,吓出人性命。
甲:朋友聚餐在一起,
乙:吃小菜大家要客气。
甲:(说)要搛个小菜,
乙:自己个面前。
甲:勿要乱翻,
乙:勿要乱搛。
甲:相互照顾,
乙:大家吃点。
甲:尝尝味道,
乙:皆大欢喜。
甲:有种朋友,
乙:十分私利。
甲:穷凶极恶,
乙:少有触祭。
甲:只有自己,
乙:勿顾旁边。
甲:争先恐后,
乙:狼吞虎咽。
甲:热炒端上来,
乙:调羹就上去。
甲:眼睛像忽闪,
乙:筷头像雨点。
甲:嘴巴像夹剪,
乙:牙齿像机器。
甲:喉咙像电梯,
乙:肚皮像海底。
甲:看见炒虾仁,
乙:恨勿得吞下去。
甲:我连吃五调羹,
乙:我抄到小碗里。
甲:我碰子端过来,
乙:我抢到当门前。
甲:我抢炒鳝糊,
乙:我抢油炸鸡。
甲:我端大汤碗,
乙:我端圆台面。
甲:啥体,侬辣搬场,是�?
乙:勿是,大家抢呀。
甲:弄得个难为情�?
乙:迭个就叫面皮老老,肚皮饱饱。
甲&乙:(唱)哎哎呀,吃出肠胃炎。
甲:影院剧场去看戏,
乙:遵守纪律要讲次序。
甲:迟到早退,
乙:尽量避免。
甲:走进走出,
乙:妨碍视线。
甲:要讲闲话,
乙:稍为轻点。
甲:大声叫好,
乙:顶顶惹气。
甲:演员演成功,
乙:拍手多鼓励。
甲:演员演失败,
乙:大家原谅点。
甲:勿要开汽水,
乙:勿要闹事体。
甲:剧场要干净,
乙:大家好看戏。
甲&乙:(唱)哎哎呀,文明好风气。
甲:握手也是一种好礼貌,
乙:勿会握手要惹人笑。
甲:(说)朋友见面时,
乙:或者告别了,
甲:伸出右手来,
乙:握手面带笑。
甲:稍为用点力,
乙:表示很友好。
甲:假使大冷天,
乙:应当要脱手套。
甲:帽子要拿脱,
乙:衣裳要挂好。
甲:鞋袜要脱脱,
乙:毛巾要披好。
甲:拿块丝瓜筋,
乙:拿块小肥皂。
甲:啥体,阿是混堂里去淴浴。
乙:侬讲帽子脱脱,我当然要讲衣裳要挂好。
甲:我讲脱帽是讲礼貌呀,鞠躬行礼呀。
乙:我弄错脱了,我当仔汏浴了。
甲&乙:(唱)哎哎呀,礼貌要周到。
甲:路浪问信时常见,
乙:讲究礼貌大有关系。
甲:(说)假使懂礼貌,
乙:态度就客气。
甲:喊声老伯伯,
乙:或者叫阿姨,
甲:也好称同志,
乙:脸浪笑嘻嘻。
甲:请问合肥路,
乙:此地哪能去。
甲:碰鼻头转弯,
乙:笃底再朝西。
甲&乙:(唱)哎哎呀,就是目的地。
甲:有种青年勿讲道理,
乙:问信个态度神气活现。
甲:(说)嘴巴里,
乙:勿客气。
甲:叫声喂,
乙:我问你。
甲:杨树浦,
乙:哪能去。
甲:对方老伯伯,
乙:心里很生气。
甲:随手指一指,
乙:青年就朝西。
甲:走仔三刻钟,
乙:汗水淌淌滴。
甲:想到杨树浦,
乙:朝西跑到底。
甲:方向大弄错,
乙:到龙华火葬地。
甲&乙:(唱)哎哎呀,吃苦在眼前。
甲:乘电车要排队走上去,
乙:老弱病残要照顾点。
甲:(说)老伯伯先上,
乙:谢谢你阿弟。
甲:老妈妈走好,
乙:喔唷唷,迭个小囡好了邪气。
甲:同志你先请,
乙:应当你在前。
甲:照顾外地人,
乙:谢谢没关系。
甲:侬先走,
乙:你先上。
甲:侬先请,
乙:你请别客气,喔唷,电车开走了。
甲:快来兮个,后面又来了。
乙:又来一部,喂,你先请。
甲:勿,侬上去。
乙:还是你先请。
甲:你先请。
乙:别客气了。
甲:侬又来了,等歇电车又要开走了,好好,你先上吧。
乙:好,那我就上了。
甲&乙:(唱)哎哎呀,依次上车去。
甲:上下班车浪乘客拥挤,
乙:碰痛一点大家勿要动气。
甲:(说)有种人,
乙:碰勿起。
甲:寻相骂,
乙:勿讲理。
甲:喉咙响,
乙:比高低。
甲:一歇歇,
乙:侪下去。
甲:吵勿停,
乙:啥事体。
甲:喂,侬勿要轧好�?
乙:我要轧侬啊,侬身浪有蜜糖个,看见�,后头辣轧我呀。
甲:喂,侬手要拉牢点呀,搿轧过来我吃得消个。
乙:拉牢,我是拉牢呀吗,碰着勿要哇啦哇啦,侬又勿是豆腐做个。
甲:搿啥个闲话呢,我是豆腐做个,侬是浆糊搭个,搿没啥穷轧个呀。
乙:喔唷,侬硬板纸做个呀,怕轧勿要乘电车,坐小轿车去。
甲:搿么侬哪能勿坐轿车啊,侬也脱我差勿多个呀。
乙:差勿多,侬怕轧呀,怕轧,电车浪侪轧个呀,侬拦六个平方侬一家头去登喏。
甲:侬是房管所啊,拦六个平方,火葬场有六百个平方侬去登喏。
乙:好个,我一家头冷静个,侬跟我一道去。
甲:啥体我要跟侬一道去啊?
甲&乙:(唱)哎哎呀,相骂说遍理。
甲:踏痛人家要赔礼,
乙:主动道歉就没事体。
甲:(说)喔唷哇,
乙:对勿起。
甲:踏一脚,
乙:我勿注意。
甲:勿要紧,
乙:真抱歉。
甲:我到站了,
乙:我送下去。
甲:勿要客气,
乙:没关系。
甲:侬留步,
乙:当心点。
甲:晏歇碰头,
乙:下班碰头。
甲:仍旧老地方,
乙:喷水池旁边。
甲:啥体,我脱侬约好谈爱情是�?
乙:勿是,迭个是同志之间个爱,一朝生嘛两着熟呀。
甲&乙:(唱)哎哎呀,买只遍事机。
甲:五讲四美谱新风,
乙:精神面貌大不同。
甲:(说)出言吐语,
乙:高雅稳重,
甲:待人接物,
乙:温良气恭,
甲:社会公德,
乙:蔚然成风,
甲:团结友爱,
乙:力量无穷,
甲&乙:(唱)哎哎呀,为四化立新功。
用户评论