093 高山流水（沪语）

“高山流水”

春秋战国个辰光，晋国有个上大夫姓伯名牙（雅）(雅ya)，叫伯牙（雅），是一个擅于抚琴作曲个音乐ye家。有一趟伊奉晋王个命令，到楚国去进行友好访问，返回来个辰光就坐船顺水而下。船开到汉阳江口个辰光，正好是中秋，伊就把船停下来了，夜深人静，皓月当空，伯牙（雅）觉得无聊，便拿出琴来弹奏一曲，以表达自己的心思。呒么想到，一曲还么结束，只听到刮刺一声响，琴弦断脱仔一根。伊想一定是有人勒拉偷听(阿拉古人有迭种讲法，有人勒偷听琴音个说话，琴弦必要断脱个)。所以啊，伊就到处去寻，果然有一个叫钟子期个人勒拉听伊抚琴。
当钟子期来到船舱会见俞伯牙（雅）辰光，俞伯牙（雅）见伊是一个樵夫，不大相信伊真个能听琴知音。所以就向伊提出有关器乐个交关专门知识问题，子期对答如流，非常熟悉。伯牙（雅）还是不放心，独怕伊仅仅是背下来个，有心继续考下去，看看伊对音乐是真个懂经还是冒充内行。
伯牙（雅）讲:“侬既然晓得乐理，搿么假使我抚琴奏曲，心里厢想个是啥，侬是勿是猜得出我个意思呢?”
子期恭敬个回答:“请大夫抚弄一遍，我细细叫个品品看，假使猜勿着，还希望大人不要怪罪。”
于是伯牙（雅）将断脱个琴弦调好，重新整理了一下。然后想了一歇，开始抚弄起来，伊个心里想个是高山。伯牙（雅）刚刚停手，子期就赞啊:“巍巍乎像煞看到泰山。”
伯牙（雅）一惊。又想特一歇，再拿琴抚弄起来，搿趟伊心里想个是流水。一曲刚结束，余音犹存，子期又夸奖:“哎呀，浩浩荡荡像煞看到长江。”
伯牙（雅）大惊，推琴而起，热情地向子期重施宾主之礼，伊讲:“失敬！失敬！石头当中有辰光会囥美玉，假使以衣貌取人，就难免会得错失智慧聪明个能人！”伊主动向子期提出:“阿拉结为异姓兄弟好伐？以不负知音契友。”于是两个人就在船中顶礼八拜，伯牙（雅）年长一岁为兄，子期为弟。
后手来，伯牙（雅）又来到汉阳江口，但是子期已经不幸染疾过世了。伯牙（雅）听闻此信，不胜悲痛之至。于是伊来到子期个坟墓前头，深深一拜，放声大哭。又叫童子把瑶琴取来，摆勒祭台浪，盘膝坐勒坟墓前头，一面哭一面抚琴。抚好之后，伯牙（雅）拿出一把刀，把琴弦割断特；然后双手举琴，用力摔到祭石台浪，摔得个粉粉碎。然后，向子期坟墓含泪告别，从此以后，伯牙就再也不抚琴了。后人对伯牙（雅）碎琴一事有绝诗一首赞道:
摔碎瑶琴凤尾寒，子期不在对谁弹！
春风满面皆朋友，欲觅知音难上难。