03严雪亭：王魁负桂英·活捉王魁

半岛空城_zj

再听听【滴铃~当啷~】啥个声音，橑檐口挂个响铃铃，名堂叫铁马，风大吹勒浪有声音。唱：听檐前铁马叮当响。表：【滴答~滴答~】唱：室内铜壶滴漏催。表：风倒蛮大，覅冻仔身体！【嘚勒勒】拿窗关一关好，宝剑挂一挂，火添添旺，原户堂里坐定，仍旧看书。唱：凄凉壁下纱窗坐，重剔银灯把书卷翻，不过心绪彷徨不得安。

半岛空城_zj

唱: 声寂寂影姗姗，月色朦胧夜已阑。树影婆娑无人在，与谁人荷露立苍苔。表：呒不人，搿呒不人哪能会有声音。昂起头来一看。白：哦！明白了！唱：凤尾苍松随风舞。表：风【呜呜】吹到松树浪个声音。唱：故而隔窗疑似玉人来。表：也弗对，搿风吹到树浪向个声音，搿末搿窗浪【唰】，搿个啥场化来个声音？奇怪！昂起搿个头也浪想，着生头里觉着面孔浪向【唰】，好像节掐子一爪，心里一跳，再留心对准回廊里一看。白：哦咻！我倒被你一惊喏！表：啥物事？一张梧桐叶。唱：秋风卷起梧桐叶。表：搿梧桐叶发卷个，树浪向㪬下来，面孔浪【唰】带过，刚刚窗浪向大概也是搿个声音。唱：扑向帘栊入秀帷。表：自家疑神疑鬼。

半岛空城_zj

白：唉，好不凄凉甚也！表：正勒浪看书自言自语个辰光，着生头里觉着对过纱窗浪【唰】好像节掐子爪一爪。心一跳，问一声：白：谁呀？表：呒不声音，连下来好像听见外头回廊里【嚓嚓~擦擦~】 像脚声。呒不僮儿，自家去看，胆末来得个小，书房里挂口宝剑，压压邪俚来，立起来拿口宝剑拿一拿，踱法踱法过来，【嘎嘚勒勒】纱窗推开，外头个风【呜呜】吹到身浪，觉着蛮瀴。深秋天气。纱窗外头一条回廊。拿头探到外头一看，回廊里呒不人，回廊里向呒不人，搿声音啥地方来个。望外头一看啊，一个花园，花园里向，树木森森，阴气沉沉。昂起头来一看，天浪向个月亮也浪云端里钻出钻进，忽影忽现。白：唉，好凄凉哦！

久久_j5y

历久弥新