抄衫袋？！原来咁先係耖衫袋！

2018-03-21 11:29:1803:01 407

声音简介

广府字词，研推不易，
希望大家，多多支持！

“耒阳”嘅“耒”加上“少年”嘅“少”，普通话读“chao4”，粤语读“caau2”。

“耖”嘅原意係：“将耕过耙过嘅田里面嘅土，可以犁得更加之细嘅农具。”

喺《农政全书》记录咗：“耖如耙，齿更长，所以耖土益细”。意思係：“呢种农具佢好似耙地嘅耙，但係佢嘅齿更加之长，佢可以挖得更加之深。下边嘅泥块同石块可以耙得更加之细，咁呢方便深耕，方便耕种。”

粤语中“耖”引指“深挖查找”嘅意思。例如讲：“耖衫袋、耖米缸、耖书等等”。

“耖”字来源于农耕文化，係宋代作者刘寿嘅诗《耖》里边，有句诗係“扶耖均泥滓”。

关于“耖”字，请教咗70岁嘅梁定祥老师，佢提供咗个人嘅见解，喺农村生活嘅时候，当地老农民前辈就教授咗耕种噶技术，打横咁犁田呢就係犁，纵向咁再犁一次呢就係耖。

原来我哋呢个“耖”字嘅文化係源远流长嘅，希望今日大家有所收获，多谢晒～