二九已经读仔十几年葛书哉_实用苏州话（沈行望著江西人民出版社）_免费在线阅读收听下载

谈论学习经历

词语：
基本词语：幼儿园、书独头、小学、逼牢交仔、高考、吃力弗煞、终当、成果、极限、弄僵脱、憨齁、逆反、赖学、数学、语文、英语、生物、物理、化学、天分、学习、动物、本能、懶、玉力、温、研究生、博士、高度、发达、教育、普及、共同、财富、层次、出类拔萃、优势、人格、做人、学问、深刻、理解、社会、实践、拎清爽、拎弗清、学历、口、名牌、确定、担任、职务、成人、因素、刻苦、勤俭、机遇、升迁。
拓展词语：甘心、好算嘎、吓人、打交道、厌气、厌恶屎臭、硬撑、叹苦经、闲话讲转来、过分、极端、剩下来、呆板数、拆屎、省脱、施加、必要、就、阿妈娘啊、半老头子、帮帮忙噢、推位、众牲、明显、全人类、量、一生一世、应聘、眇、现场、只要、原因、去処、注明、人员、哪怕、相近、睷怚、拼命、从新、硬性、标准、旺气、一、排除、看中、领导、提拔、文凭、破坏、规矩。
对话：
甲：想想到匣是葛噢，从幼儿园开始就算读书到现在，已经读仔十几年葛书哉，再读下去，阿会弗会变成书独头迦，要是弗读吧，亦弗大甘心。
（想想到也是的啊，从幼儿园开始就算读书到现在，已经读了十几年的书了，再读下去，会不会变成书虫啊，假使不读吧，又不太甘心。）
乙：幼儿园搿种好算读书葛啊？真正葛读书只好从小学算起，不过匣有十几年哉，现在想想匣蛮吓人葛，一日到夜的书、紙头、笔打交道，厌气得弗得了，心里向正真是厌恶屎臭，亦弗好弗读，爷娘逼牢交仔，阮么办法，硬撑到现在，不过现在好交关哉。
（幼儿园那种能算读书的啊？真正的读书只能从小学算起，不过也有十几年了，现在想想也挺可怕的，整天和书本、纸、笔打交道，枯燥透了，心里确实是很讨厌，又不能不读，父母逼着，没有办法，硬撑到现在，不过现在好多了。）
甲：大概弯个年龄段葛人基本浪碗是哀场，看看伲哀点同学有几个弗像伲一样，吃力得终归惢勒嗨哉，一脚叹苦经，但不过闲话讲转来，伲还好了，学葛就是要高考葛几门课，其他就弗学啥格物事哉，弗像促有几个同学，屋里向还要俚笃学其他葛唻，吃力弗煞俚笃。
（大概那个年龄段的人基本上都是这样，看看我们这些同学有几个不像我们一样，累得全在了，老是在诉苦，不过话说回来，我们还好了，学的就是要高考的几门课，其他就不学什么东西了，不像我们有几个同学，家里还要他们学其他的呢，累不死他们。）
乙：搿点爷娘匣弗晓得纳亨想葛，终当拨小人施加压力终归有成果葛，就是弗晓得人葛能力是有极限葛，弄弗好要搦事情弄僵脫葛。弗是有葛人其他啥格事体匣惢弗懂，只晓得读书，现在弗就变得有点憨齁齁哉么？有葛还造成逆反心理，啥格书匣弗读，赖学，穷白相，还弄点事体出来。
（这些父母也不知道怎么想的，总以为给孩子施加压总会有成果的，就是不知道人的能力都是有极限的，搞不好要把事情搞砸的。不是有的人其他什么事情也都不懂，光知道读书，现在不就变得有点傻乎乎了吗？有的还造成逆反心理，什么书也不读，逃学，尽玩，还搞出些事来。）
甲：随便啥事体惢弗好过分，一过分就作兴走向极端。平常吾就只搦高考要读葛数学、语文、英语的仔生物、物理、化学读脱，再弄弄体育，锻炼锻炼身体，其他就弗弄哉。倷呆想根，去脱搿点，剩下来就阮么鞠化辰光哉，阿对？再要吾去学其他葛物事还来赛啦？小性命匣要阮么脱格哉。大概有葛人天生天分高，能力强，俚笃作兴来赛葛，反正吾是弗来赛。
（任何事都不能过分，一过分就可能走向极端。平时我就只把高考要学的数学、语文、英语和生物、物理、化学学完，再搞搞体育，锻炼锻炼身体，其他就不搞了。你简单想想，去掉这些，剩余就没有多少时间了，对吗？再要我去学其他的东西还行吗？小命都要没了。
大概有的人天资高，能力强，他们可能行，反正我是不行。）
乙：欸呀，呆板数是哀场葛碗，辰光只有哀场点，还要去脱吃饭、拆屎、翻觉的路浪葛辰光，终弗见得搦哀点省脱仔，全部用来学习吧，阿让弗让人过日脚哉。
（对啊，肯定是这样的，时间只有这些，还要去掉吃饭、拉屎、睡觉和路上的时间，总不见得把这些都省了，全部用来学习吧，还让不让人活了。）
甲：“人一吃饱饭就变懒哉”，匣弗晓得是啥人讲葛，像煞有点道理，不过搿是属于动物葛本能，人终归是要有点精神葛物事，想要有哀点精神葛物事，就要施加一定葛压力，呒么压力，哀点物事是搦弗着葛，所以有点压力还是必要葛。
（“人一吃饱饭就变懒了”，也不知道是谁说的，似乎有点道理，不过那是属于动物的本能，人总是要有点精神的东西，想要拥有这点精神的东西，就要施加一定的压力，没有压力，这点东西是取不到的，所以有点压力还是必要的。）
乙：压力还少啊？从一开始读书起就有压力哉：“起来到学堂去”是压力；“认真听讲，勁做小动作”是压力；“下课”弗是压力，但不过“下仔课搦功课做脱，明朝交”亦是压力；回到屋里向“作业靜做光了，功课齫温了，明天葛课锕预习了”还是压力，目脚难过啊。
（压力还少吗？从开始读书起就有压力了：“起来上学去”是压力；“认真听讲，不要做小动作”是压力；“下课”不是压力，但是“下课后把练习做了，明天交”又是压力；回到家“作业做完了没有，明天的课预习了没有”还是压力，日子难熬啊。）
甲：搿辰光是小人，读书啥格要老师的大人管勒嗨，从外头拨倷压力，搿是明葛，倷嫌比烦；现在读大学，读书阮么人管哉，僚当呒么压力哉？压力还是有葛，现在的搿辰光比起来，压力有点弗一样，就曼倷觉着罢哉，作业阿是，考试阿是？下趟还要读研究生、读博士、博士后⋯
（那时候是小孩，读书什么的都要老师和家长管着，从外部给你压力，那是明的，你嫌烦；现在念大学，读书没人管了，你以为没有压力啦？压力还是有的，现在和那时候比起来，压力有些不一样，只是你没感觉到罢了，作业不是吗，考试不是吗？将来还要读研究生、读博士、博士后⋯⋯）
乙：阿妈娘啊，还想读下去啦，照倷哀场讲，读脱大学只读仔-一半畹，等搦书惢读光仔，覅变仔半老头子哉，还好做啥呀！像倷哀场只读书，弗过日脚葛闲话，变仔大众牲匣行弗消葛噢，帮帮忙噢。
（我的妈呀，还想读下去啊，照你这样说，读完大学只读了一半啊，等把书全读完了，不要变成半老头子了，还能干什么呀！像你这样只读书，不过日子的话，变成大牲畜也扛不住的啊，帮帮忙吧。）

测试参考标准：
（一）
甲：勒嗨学堂读书辰光，终当曼得认真学习，搦知识学到手就来赛哉，老话讲“学好数、理、化，走遍天下弗怕”，啥人晓得现实葛情况的想象葛推位得弥唻，除出倷有葛知识是别人家呒么葛，搿还有可能。
乙：闲话是哀场讲，不过有鞠化知识是别人家呒么葛。穷明显，勒嗨目前信息高度发达葛时代，教育普及哉，所有葛知识已经成为全人类葛共同财富，想要拥有别人家呒么葛，只有是最新葛研究成果，哀能有鞠化人有呢。
甲：再讲，教育水平到仔一定葛层次，知识葛拥有基本浪弗相上下，要想出类拔萃，只有靠其他方面葛优势，阿对？吾想搿个优势大概就是人格葛力量吧。
乙：对葛，人家经常讲：“要做成事体，先要学会做人。”是有一定葛道理葛。做人葛学问来得葛大，光光勒嗨学堂里读书，对哀一点弗会有穷深刻葛理解，只有勒嗨社会实践当中慢慢较学习、拎清爽，再有真正葛认识，外加是一生一世匣学弗光葛。
（二）
甲：到外头去应聘，招工单位先起头是看学历，学历弗高，眇匣弗
眇倷一眼，有葛就勒嗨现场注明要招葛人员葛最低学历，所以学历弗够去匣覅去。
乙：除出学历，还要看毕业葛学堂，有葛招工单位只要名牌大学
葛毕业生，一般大学俚笃还覅唻，另外还要看所学葛专业，弗对口葛就覅，哪怕是相近葛匣弗来赛，睷怚嗨。
甲：所以高考前头大家惢勒嗨拼命，想考一个好成绩，读一个名牌大学，下趟寻工作便当哉，挨下来葛事体就好办多咂。倷看有葛人高考成绩弗理想，只推位一眼眼，尽可放弃录取名额，耽搁脱一年再从新考，弗管纳亨，匣要读自家理想葛学堂，道理就勒嗨哀搭。
乙：覅讲高考哉，幼儿园进小学，小学进初中，初中进高中弗差弗多么，哪一趟弗是勒嗨拼命啊，只不过搿辰光还小，弗懂，其实惢是大人逼牢交仔勒嗨拼命啊，目的匣弗就是要有个好去处啊，趟趟升学考试亂一样葛，拼煞老命哉。
（三）
甲：踏上社会以后再知道，搿几年读葛搿点书还弗够，学历弗高，想往高葛地方发展就比较吃力哉，单位葛头头经常以学历高低作为硬性标准，来确定阿好弗好担任哀一职务，学历弗高就拆蚀哉。
乙：成人教育啥哀场旺气？学费搿场贵，学习葛辰光匣弗短，还有搿场多点人读，倷讲葛现实状况大概就是其中葛因素之一吧。
当然匣弗排除自吾要求高葛人，不过哀种人毕竟是少数。
甲：其实量得有能力，发展还是有可能葛，刻苦勤俭是弗好少葛，再加上能抓牢机遇，弄出成果，同样匣会被别人家看中，得到升迁葛。
乙：哀个就是倷刚刚讲葛比较吃力哉，要是被领导看中，匣定规会叫去读书，弄一张文凭，然后再提拔。一般来讲，俚笃是弗会破坏自家定下来葛规矩葛，要是一旦破仔规矩，下趟葛事体还钠亨做呢，阿是嘎？

二九 已经读仔十几年葛书哉

二九 已经读仔十几年葛书哉

用户评论

二九已经读仔十几年葛书哉

二九已经读仔十几年葛书哉