启迪心田沪语末代区长（中）_小爱奶奶讲上海话_免费在线阅读收听下载

末代区长陈华生中
作者：王建运
沪语改写、讲述：知足常乐
审核指导：丁迪蒙
编辑：王乙其

从陈先生个叙述当中可以看出，伊对自己勒“山河破碎”里向搿段勿寻常个求学经历，邪气刻骨铭心，尽管伊勒接受高等教育个辰光，是中国正处于遭受外寇欺凌个苦难时期，但毕竟伊是一个从著名大学出来个人，后来又从事旧政府机关行政工作，所以伊个文笔，特别是撰写公文类文案，还是交关规范得体个。
陈先生除脱讲伊年轻辰光勒西南联大读书个事体，对自家从政个经历则闭口勿谈。后来，我负责征集编辑出版文史资料书籍，乃末名正言顺请伊写一眼伊亲身经历个搿方面个史料，开始辰光伊婉言谢绝，后首来经勿起我劝，外加我伲又蹲勒同一只大楼里向办公，伊总算答应写眼材料。呒没几化辰光，伊就交拨我一篇将近2000字个文章《国民党杨浦区公所始末》。通过迭篇文章，我再刚刚晓得我勒文章开头讲个搿段历史

经历两次民意选举
陈先生勒文章里向讲，抗战胜利后，上海个国民政府接收大员纷纷登场，有个从重庆直接飞过来，有个从上海地下冒出来，伊拉以各种方式先后担任了政府各级官员。伊歇辰光，上海建立了三十个行政区，由当时个钱大钧市长以“选贤与能，各方推荐”个名义，直接委任了各区个正副区长60人。搿眼人除脱少数人确有名望以外，大多数是来自国民党CC系搭仔三青团系统，还有来自追随国民党个党派，像青年党、民社党咾啥，其中“海上闻人”杜月笙、黄金荣个门徒高足也占仔勿少。

由于杨树浦一带是上海工业集中个产业基地，历来拨国民党政府所关注，对于一区之长个人选，势必慎重。据陈先生透露，当时担任国民党市党部头目个潘公展是CC系个显要人物，本来由伊推荐伊个亲信龚夏担任搿个职务，但是三青团上海负责人吴绍澍也对杨树浦区长一职有意思，葛咾吴推出伊个亲信陈志竞搭龚夏争夺，结果双方你死我活，闹得不可开交，最后由钱大钧出面多次协调，以“党国大局整体利益”为重，分别由龚夏、陈志竞担任了正副区长，貌合神离之下组建了国民党上海基层政权组织杨浦区公所。
据陈先生回忆，当时杨浦区公所个组织机构，除脱正副区长外，下设总干事，类似现在个秘书长，协助区长处理公务。机构内设有民政、经济、户政、文教、警卫等各股，分别掌管各项行政业务，像办理征兵、收税、户籍管理、国民自卫队训练搭仔文化教育设施管理咾啥。当年，国民党政府对民众实行“保甲制”，全区按人口分别设22个保，由搿眼保长再按人口比例去管理若干个甲长。一年以后，也就是1946年，国民党政府宣称要还政于民，勒上海举行了首届“民选区长”个活动，实际浪搭当年委任区长一样，候选人仍旧是由当局幕后内定个。先是拿人选交拨保长，勒召开保民会个辰光提名投票决定，然后产生区民代表若干名。搿眼区民代表今后就是参加竞选区长告“国大代表”个主要拉票对象，所以伊拉个身份立马有了利用价值。
伊个辰光，根据国民党内政部规定：凡是已经当选市参议员者勿好再担任区长职务。杨浦区个正副区长龚夏、陈志竞，搿个辰光已经名利双收，葛咾自动放弃再竞选区长。乃末仍旧由CC系推出王国屏、张政两个人参加“民选区长”。由于当时CC系勒杨浦个势力已经根深蒂固，勒区民代表当中也占了绝对优势，葛咾搿两个人顺利个当选为正副区长了。

启迪心田沪语 末代区长（中）

启迪心田沪语 末代区长（中）

用户评论

启迪心田沪语末代区长（中）

启迪心田沪语末代区长（中）