越剧-赖婚记-你公公名叫马锡光-小白玉梅

阿囡啊，阿囡啊倷公公名叫马锡光，余姚城里拔贡老爷坐正堂。田园产业七千藏，百里方圆是称大王。开起那一十八爿珠宝店，二十四爿绸缎庄。药材补品加参行，水陆码头大米行。南北杂货茶炒店，九湾杉树毛竹岗。铜店锡店和钱庄，在杭州还开那七爿银楼格八爿当啊。

阿囡啊，屋里厢长工短工无奇数，丫头使女是勿用讲。两个丫头捧酒饭，啊呀两个丫头搭侬来送茶汤。两个丫头来梳妆，两个丫头替侬来洗衣裳。八个丫头服侍侬，阿囡侬一世好勿要出房。侬倒仔细想想看，格种介格人家是阿风光。