广播专辑 弄堂茄山胡140 老早”搭“现在”

广播226 弄堂茄山胡 老早”搭“现在”
　　【新民晚报·推荐】从阿拉年轻辰光到现在，眼睛一眨,辰光已经流逝了几十年，数十年来个社会发展，真可以讲是翻天覆地。

　　老早年轻辰光从来勿吃药；

　　现在年纪大了每日穷吃药。

　　老早等春节配冻鸡吊足胃口；

　　现在三日两头吃鸡呒啥胃口。

　　老早人

　　呒没油水血压低又瘦又黄；

　　现在人

　　油水太足血压高又白又胖。

　　老早

　　用手机个侪是大款大老板；

　　现在

　　啥人侪有包括拾废品老太。

　　老早公园里侪是小青年谈朋友；

　　现在公园里侪是老太老头轧闹猛。

　　老早看到牛仔裤觉着伊人勿正派；

　　现在看到牛仔裤觉得普通蛮实惠。

　　老早邓丽君个碟片要迓迓交听；

　　现在“靡靡之音”电台电视公开放。

　　老早屋里赅只无线电算吃价蛮海威；

　　现在屋里呒没只电视机算老苦老落难。

　　老早屋里有只电扇算有条件；

　　现在屋里呒没只空调算蛮困难。

　　老早屋里有脚踏车算赅两钿；

　　现在屋里买小轿车个多来西。

　　老早屋里廿个平方算蛮勿错；

　　现在屋里迭眼大小是困难户。

　　老早一间朝北三层阁楼三代人还算知足；

　　现在一套朝南三室一厅三个人还勿满足。

　　老早老弄堂老邻居熟悉得像自家人；

　　现在新小区新邻居陌生得像外星人。

　　老早

　　大专文凭算扎台型蛮挺括蛮；

　　现在

　　本科文凭呒啥稀奇是造造反反。

　　老早买物事营业员

　　收仔钞票顾客拿好物事豪燥跑路；

　　现在买物事营业员

　　收钞票横看竖看只怕收进假钞票；

　　老早上海顶闹猛个是大世界；

　　现在上海顶冷落个是大世界。

　　老早剃光头只有和尚；

　　现在剃光头算是时尚。

　　老早骂人叫狗腿子；

　　现在爱狗叫狗儿子。

　　老早女人用化妆品

　　只有友谊香脂百雀羚；

　　现在女人用化妆品

　　起码雅诗兰黛美宝莲。

　　老早讲到市内游也蛮稀奇；

　　现在讲到境外游也老普遍。