甲：医生，我冷煞了，我要吃药呀，我冷煞了。
乙：啊呀，我晓得个呀，我晓得侬想我呀，我也想侬个呀，十三勿了，我上班呀，我马上要查床了，侬就像冬天里个一把火，热得勿得了。
甲：我冷煞脱了呀。
乙：侬讲阿拉两个人下趟会得哪能，对个，阿拉两个人一定要爱到老，一定要活下去。
甲：要死脱了。
乙：一只老头子呀，烦是烦得勿得了，好了，好了，勿帮侬讲了，我要上班了，啥物事啊，夜里下班到㑚屋里来搓麻将，喔唷，晓得了，㑚麻将牌里缺脱两粒骰子啊，啊呀，我已经准备好了呀，两粒骰子，等歇我下班以后一道带过来，好�，啊呀，旁边只老头子老烦个，等了我吃药，勿帮侬讲了，咗咗咗咗咗咗咗。唉，侬哪能闲话介多了，侬勿是冷啥了吗，勿是吃点要么。
甲：我痛啥脱了。
乙：痛，痛，痛，勿就是吃药吗？
甲：我要吃药。
乙：吃点药闲话介多做啥了，马上畀侬吃药个呀，事体多得勿得了，吃药，吃药，嘴巴张开。
甲：啊。
乙：拿，拿，拿点茶过过伊，好了，吃好了，闲话勿要多，自己坐脱歇，就搿能。
甲：谢谢，谢谢。关键辰光总归要吃要个。侬做啥？
乙：刚刚我畀侬吃个啥物事啊？
甲：侬畀我吃两粒药呀。
乙：两粒药呢？
甲：两粒药我咽下去了。
乙：勿对呀，药辣我手里呀。
甲：搿么我吃个啥物事啊？
乙：啊呀，两粒麻将牌骰子。
甲：啊，两粒骰子吃到我肚皮里去了。
乙：搿么侬咽了介快做啥了？
甲：乃要死了，乃要死了，两粒骰子辣我肚肠里向，一歇歇六，一歇歇四，一歇歇一二三，一歇歇四五六，我迭个是肚肠呀，乃变赌场了。
用户评论