我每日都对小王子嘅星球，佢嘅离开，同佢嘅旅程有新嘅了解，呢啲信息系佢同我倾计嗰时，唔觉意透露出嚟嘅。
就咁样，喺撞到佢嘅第三日，我听到咗猴面包树嘅危害。
呢次，又要多谢嗰只绵羊，因为小王子突然好担心咁问我，绵羊系唔系真系可以食咗啲矮细嘅灌木啊？
系啊，系真㗎。
真㗎，我好开心啊。
我唔知道绵羊会食啲灌木，有乜嘢重要性。但系小王子又问，咁佢都会食咗啲猴面包树咯。
我同小王子讲，猴面包树唔系矮小嘅灌木，而系好似教堂咁大嘅乔木，就算佢带一大群大笨象，恐怕都食唔晒一棵猴面包树。
带一大群大笨象呢种讲法，令小王子哈哈大笑。咁一定要将佢哋叠起身先得。
但系佢又讲咗一句好有智慧嘅话，猴面包树长大之前亦都系小树苗啊。
咁又系喔。但系点解你想绵羊食咗啲细猴面包树呢？
佢嘅回答系，咁仲使讲咩？
好似原因非常明显嘅。
我唯有自己绞尽脑汁，自己谂明白呢个问题。
原来同所有星球一样，小王子嘅星球上面有好植物同唔好嘅植物。所以嗰度会有好植物嘅好种子，同埋唔好嘅植物唔好嘅种子。
但系种子系睇唔到嘅，佢哋隐秘咁隐藏喺泥里面。
直到有啲种子突然决定要苏醒，跟住佢会发芽，首先会怕丑咁喺阳光下面生出得意嘅嫩叶。
如果呢啲系萝卜，或者玫瑰嘅嫩叶，你就可以唔使理佢哋，等佢哋继续长大，但系如果系唔好嘅植物，咁你认咗出嚟之后，就要即刻掹咗佢。
小王子嘅星球上面，有啲可怕嘅种子，就系猴面包树嘅种子，佢哋入侵咗嗰个星球嘅土地。
如果发现得太迟，咁猴面包树就再都掹唔出嚟，佢会覆盖住成个星球，佢会生好多根。
如果星球太细，而猴面包树太多，最后星球就会撑爆。
我哋嗰度嘅规矩系，每日起床洗完面之后，你一定要仔细咁打扫，俾心机打扮你嘅星球，你必须要强迫自己经常去掹猴面包树。
佢细个嗰时，同玫瑰嘅幼苗生得好似，你如果认到佢，即可就要掹咗佢。
呢个工作好无聊，但系都好简单。
有一日佢建议我画一幅猴面包树嘅画，咁我呢个星球嘅细路仔就可以明白呢件事。
将来佢哋旅行嗰时，你嘅画会帮到佢哋。
有时候迟少少做嘢系冇乜嘢问题嘅，但系至于猴面包树，拖延会造成大灾难。
我知道喺一个星球上面，有一个好懒嘅人，佢忽略嘅三棵猴面包树嘅幼苗。
喺小王子嘅指导之下，我画出咗嗰个星球，我唔想用道德家嘅口气，但系好少有人知道猴面包树嘅危害，而人类荡失路，去到小行星嘅可能性又好大。
所以我打算唔再保持沉默，而系大声呼吁，小朋友，小心猴面包树啊！
我好俾心机咁去画呢张图画，就系为咗提醒朋友注意，佢哋同我一样，已经喺危险嘅边缘逗留得太耐。
俾心机同你哋上呢一节课，系好值得嘅。你或者会问，呢本书其他嘅画点解冇呢张猴面包树嘅咁靓嘅？
答案非常简单，我都想画得咁靓，但系冇成功。
画猴面包树嗰时，有种紧迫感驱动紧我。
用户评论