第五个星球好奇怪，佢系所有星球入面最细嘅，嗰度嘅空间只系可以容纳一盏路灯，同一个点灯嘅人，小王子冇办法解释喺呢个咁浩大嘅太空之中，喺一个又冇屋，又冇居民嘅星球上面，路灯同点灯嘅人有乜嘢用。
但系佢同自己讲，呢个人或者好荒唐，但系佢肯定冇国王、做生意嘅人、虚荣嘅人同中意饮酒嘅人咁荒唐。至少佢嘅工作系有意义嘅。
当佢将路灯点着嗰时，就好似带嚟咗新嘅星星同埋花，当佢熄咗盏路灯，就好似佢等啲星星或者花去训教咁样。
呢个系一个好有诗意嘅工作。呢个工作系有用嘅，因为佢好靓。
到达咗呢个星球之后，佢好恭敬咁同点灯嘅人打招呼。
你好。你点解要熄咗盏路灯啊？
啊，呢个系规定。
哦，早上好。
乜嘢规定啊？
啊，熄灯嘅规定。
晚上好。
佢又点着咗盏路灯。
但系点解你又点着佢嘅？
呢个，呢个系规定。
我唔明啊。
唔需要明白。规定就系规定。
啊，早晨。
佢熄咗盏路灯。
跟住佢用红手帕擦咗吓额头。
哎，我呢份工作好辛苦。以前佢比较合理，我早晨熄灯，夜晚点灯。日头嘅其他时间，我可以休息，夜晚嘅其他时间，我可以训觉。
后来呢？规定有冇改啊？
哎，规定冇改。呢个就系悲剧所在。呢个星球每年都转得越嚟越快。但系规定又冇改。
咁会点啊？
佢宜家一分钟转一圈，我连一秒钟嘅休息时间都冇，我每分钟都要点一次灯，熄一次灯。
咁得意啊？你呢度一日得一分钟。
哎，根本就唔得意。
哦，我哋已经讲咗一个月嘅话啦。
一个月？
系啊，三十分钟，三十日。
哦，晚上好。
佢点着咗路灯。
小王子睇住佢，佢爱上咗呢个咁尽忠职守嘅点灯人，佢谂起以前佢只要搬一吓张凳就可以睇到日落，佢帮呢个朋友。
你知唔知啊？我知道有一种方法，可以令你想休息嗰时就休息。
呃，我一直都想休息啊。点灯人话。
因为人系可以一边尽忠职守一边偷懒嘅。
小王子跟住话。
你嘅星球好细，只需要行三步就可以绕一圈，只要你行得好慢，太阳就会永远喺你嘅头上面。你想日头持续几耐就可以持续几耐。
咁对于我嚟讲冇用。我想训觉。
咁就冇办法啦。
哎，系冇办法啊。
哦，早晨。
佢熄咗盏路灯。
呢个人，其他人会笑佢㗎。
国王、虚荣嘅人、做生意嘅人同饮酒嘅人都会笑佢。但系照我睇，佢系唯一一个唔荒唐嘅人，或者系因为佢咁忙，但唔系为咗佢自己。
哎，佢系唯一一个我想同佢做朋友嘅人。但系佢嘅星球实在系太细啦。呢度容纳唔到两个人。
小王子唔敢承认嘅系，佢为离开呢个星球觉得惋惜，最重要嘅原因系，喺呢个星球上面，佢每二十四个钟头，可以睇到一千四百四十次日落。
用户评论