我记得,我细个嘅时候好唔钟意饮汤。
每一次快速扒完最后一啖饭,我都计划静鸡鸡从饭台上离开。
飞奔翻房继续我嘅电脑游戏。
但每一次,屋企人都会识穿我嘅“侧侧膊”计划。
叫我翻来。
而阻挡係我同电脑游戏之间嘅,就係一碗热腾腾嘅汤。
“汤要趁热饮,冻咗就唔好啦。”
阿嫲每次都会咁讲。
心又急,汤又热。
皱住眉夹硬大淡饮汤,连条俐都反抗。
一心只係想快啲逃离,完美咁诠释食不知味。
呢一碗匹到近乎满泻嘅汤,
俾我一饮而尽,一口气。
《水浒传》里边,有“三碗不过岗”,依然老虎都打死只嘅武松。
而我屋企里边,亦都有“三碗不翻房”,依然坚持打丧尸嘅一位小朋友。
饮完第一碗,屋企人总係同我讲
“饮多碗啦。”
正当我想讲第三次:“我饱啦,唔饮啦。”之际,
第二碗汤已经稳妥咁放係我面前。
动弹不得。
我额头已经开始标汗,饮汤真係好热。
但不断冒出嘅热气,仿佛默然无声咁系度挑战紧我。
“嚟啦,汤要趁热饮,冻咗就唔好啦。”
于是,我只能重复之前嘅程序。
心又急,汤又热。
细个,每一餐晚饭,例牌一定有汤。
饭,可以自己决定食半碗、一碗、或者两碗。
餸,边样钟意食就自己夹多啲,边样唔钟意食屋企人就帮你夹多啲。
但係汤唔一样。汤,一定人人有份。
饮汤,已经成为我地食饭时间不可或缺嘅仪式。
大个啲,开始识得出街食饭,开始钟意出街食饭。
出面选择好多,自由度好大。
无固定嘅用餐程序,亦无不断轮回嘅菜色搭配。
最重要嘅,係唔需要饮汤。
汽水、果汁、酒精,各位新奇嘅口感。
我觉得自己大个仔啦,
可以控制自己嘅生活啦。
“今晚出街食?”
“係啊”
“饮碗汤先出去啦”
“我饮咗汤都饱晒啦,出去仲点食啊”
点解讲到明我要出街食饭,但之前都仲要我饮碗汤先。
当时嘅我,完全唔明白呢一个逻辑。
尤其係,出门前匆忙吞一碗热汤,
成身汗,点见人啊。
我果时觉得,佢地係想用呢碗热汤,
阻止我出街食饭,阻止我见我班friend。
出到嚟,我见到我班friend,个个都成身汗。
成年之后,係屋企饮汤嘅机会越来越少。
係外面饮醉嘅时候,就越来越多。
原本觉得可以控制自己生活嘅傻仔,
发觉生活有太多事情係唔到你控制。
出街食饭,慢慢从一个期待,变成一个烦恼。
“今晚煲汤,翻唔翻?”
“唔翻,约咗人”
加班、应酬、约会,事情好似多到我连电话都无时间接。
只能够係手机快速敲几个字就算。
深夜翻到屋企,先发觉成晚挂住讲,
其实无乜嘢落过肚,
又冻又饿。
哩个时候,先睇到阿妈係几个钟头之前发俾我嘅信息,
“留咗汤俾你,记得饮汤。”
我仿佛揾到咗救命稻草。
啱换好鞋,就听到屋入边有人踢住拖鞋出来。
“热翻碗汤比你饮。”
阿妈原来仲未训,仲等紧你嘅开门声。
天气好冻,呢碗热汤,每一淡都安慰紧我攰到喊的身体。
好彩碗汤够热,蒸到我个眼镜蒙咗。
唔知几时开始,係外边食饭,
如果套餐有得拣汤或者汽水,我一定拣汤。
虽然比唔上屋企嘅味道,但总可以令我霖起屋企嘅感觉。
“今晚煲汤,翻唔翻?”
“翻!”
“好!!!”
好字后面,三个感叹号。
小时候,觉得汤係一道屏障。
长大后,觉得汤係一道连结。
瘦肉汤、鱼汤、蕃茄薯仔汤、红萝卜猪肉汤、西洋菜汤......
汤,从细到大都係果一碗,无变。
饮汤,从以前到宜家,
屋企人都係想留多你一阵,依然无变。
唔变嘅係汤,不过变嘅係人。
小朋友变大啦,阿爸阿妈变老啦。
你唔需要成日抱,唔需要买玩具,唔需要俾零用钱。
唔需要嘅嘢,越来越多。
宜家,轮到佢地需要我。
准确来讲,佢地需要我需要佢地。
因为被人需要,係一种非常美妙同幸福嘅感觉。
我需要嘅係一碗热汤,
佢地需要嘅,係我每晚都翻来饮汤。
有人提你记得饮汤,
有人记得你,有得饮汤。
记得,饮汤。
75.【短潮】记得,饮汤
2018-01-17 11:50:17 10.7万
声音简介
用户评论
表情0/300
相关推荐
换一批
- 米小圈上学记:一二三年级 | 畅销出版物米小圈
- 大奉打更人丨头陀渊领衔多人有声剧|畅听全集|王鹤棣、田曦薇主演影视剧原著|卖报小郎君头陀渊讲故事
- 一剑独尊(叶玄叶灵 | 有声的紫襟 | 男女双播)|北剑江湖有声的紫襟
- 灵境行者丨卖报小郎君口碑新作丨紫襟领衔多人有声剧有声的紫襟
- 遮天|辰东作品,头陀渊&小桃红精品双播|热播动画原著头陀渊讲故事
- 重生八零,媳妇有点辣 | 免费多人有声剧君颜讲故事
- 无敌剑域丨玄幻热血爽文丨一剑独尊、我有一剑 前传丨紫襟领衔多人有声剧有声的紫襟
- 大秦:不装了,你爹我是秦始皇丨全本免费丨爆笑穿越丨伍壹剧社多人剧|赵家继承人秦朝伍壹剧社
- 万古第一神丨有声的紫襟(3D音效玄幻多人有声剧)有声的紫襟
- 凡人修仙传|忘语著|经典仙侠有声剧|光合积木|姜广涛光合积木
下载客户端
iPhoneAndroid
听友237176202
扑街 返工听呢段野真系听到喊啊大佬 点得噶
十年_3j1
赞
吃饭睡觉打魔豆
有粤语原本文稿嘅,冚唪唥收藏咗。支持每期都附上文稿,辛苦晒尴尬院长
1372407ybuy
从此锁定听你尴尬的说话
1372407ybuy
听了会飚泪滴,钟意听你的节目