沪语“魁”个本意
郑菁深
魁搿个字,字典里个解释是老大、为首个意思,譬如说罪魁祸首。老早勒辣上海闲话里也常常讲,迭个家伙蛮魁个,侬迭个老兄哪能介魁啦。现在几乎呒没人讲了。其实迭个字形容一个人很自负、神气活现、老三老四,老茄,说大话,倒是很形象很深刻。记得我勒辣上班个辰光,偶尔冲出一句:“迭个人魁得勿得了,真是一个魁兄。”总会引起哄堂大笑。
以前勿晓得迭个魁字形容人个出典,最近听了已故沪上弹词名家徐绿霞说个长篇弹词《杨乃武与小白菜》,有一回书讲到迭个魁字形容人个出典。老早个帽子店里总归有各式各样个帽楦头,假使有人帽子拨雨淋湿了,或者长远勿戴变形走样了,勿挺括了,就会到帽子店里,“对勿住,老板,迭顶帽子搭我魁一魁。”魁过个帽子就挺了,戴起来就神气,赛过衣裳烫过,鞋子用楦头撑过一样。慢慢叫迭个魁字个意思就延伸开来了。
上海闲话当中有许多词汇很形象很深刻(本是短文,就勿一一罗列了),也是方言文化个特征,所以提倡普通话和保护方言同样重要。
声音简介
音频列表
- 2018-02
- 2018-02
- 2018-02
- 2018-01
- 2018-01
- 2018-01
- 2018-01
- 2018-01
- 2017-12
- 2017-12
查看更多
声音主播
用户评论