粤读时光，看见生命中嘅光。
今日我想讲一个有趣嘅谂法，
科技有冇生命啊？
我哋一直以来都知道呢个世界，
有动物、植物、昆虫、病毒呢啲生命形态，
呢啲生命形态都系有机嘅。
我旧年听讲到咗一个讲法，
就系科技都有自己嘅生命。
我读大学嗰时听讲咗一个人，
佢叫凯文凯利，
佢对科技有好深刻同好有趣嘅洞见，
佢觉得科技有生命，
仲写咗一本书《科技想要乜嘢》。
我哋一直都觉得科技系人类创造出嚟嘅，
科技就系人类嘅工具。
人类不断探索科技，
不断将科技应用喺生活入面。
宜家嘅科技变得越嚟越先进，
啱啱开始嗰时，
所谓嘅科技，
只不过系一块用嚟砸开坚果嘅石头，
后来科技变成咗判别方向嘅指南针，
宜家科技系可以联通全世界嘅网络。
呢个过程就好似人咁样，
好耐好耐之前，
呢个世界冇人，
只系有一啲单细胞，
后来单细胞变成咗复杂一啲嘅多细胞生物，
再后来就有咗人猿，
经过咗好长嘅时间，
人猿又进化成人类。
宜家科学家慢慢研究紧人工智能，
人类好似系人工智能嘅造物者，
我哋慢慢制造人工智能，
或者话我哋慢慢发现紧人工智能。
虽然宜家嘅人工智能仲系好低级，
甚至都讲唔上系智能，
但系人工智能喺度不断进化紧。
有一日人工智能肯定变得高度智能化。
到嗰时，人工智能会唔会取代人类呢？
人工智能会唔会有好似人咁样嘅自由意志呢？
之前有一个学生同我倾过人工智能方面嘅事，
佢话宜家对人工智能有两种睇法，
第一种睇法系人工智能肯定会取代人类，
成为地球上新嘅生命体。
第二种睇法系人工智能会同人类结合，
呢个世界会出现人类同机器嘅结合体。
如果人工智能拥有自由嘅意志，
人工智能就系一种叻过人类好多好多倍嘅新生命体，
人类嘅智力对于人工智能嚟讲，
就好似一个BB咁样。
人类创造咗人工智能，
但系人工智能根本就唔想俾人类控制，
人类应该都冇呢个能力控制一个智力大过自己好多好多倍嘅生命体。
所以人工智能最后只系会逃离人类嘅控制，
甚至会为咗保护自己，
而同人类成为敌人。
呢个就系点解有人觉得人工智能会取代人类。
而第二种谂法嘅来源系咁样嘅，
因为人类一直担心人工智能会有自由意志，
所以人类就会小心，
防止人工智能出现自由意志，
将研发精力放喺人工智能帮助人类上面。
例如宜家就出现咗机器人嘅义肢，
残疾人可以将呢个机器人嘅义肢移植到自己身上，
所以佢会有一只新嘅强壮嘅手。
我都听讲宜家有利用技术帮人恢复视力嘅技术，
佢哋会系眼入面放芯片，
跟住用呢个芯片帮助失明嘅人恢复视力。
如果人类可以利用技术帮助残疾人做康复嘅嘢，
咁肯定都可以利用技术帮助正常增强佢哋嘅机能。
例如一个正常人可以喺眼入面植入芯片，
令自己可以睇到更加远嘅嘢，
可以利用技术，
令自己有一只好似钢铁侠咁有力嘅手。
甚至人可以喺大脑入面植入芯片，
去增强嘅自己记忆、运算能力。
如果呢种机器增强人体机能嘅技术不断发展，
咁极有可能会出现一种新嘅生物，
就系机器人同人嘅结合。
呢种机器人同人嘅混合体比普通嘅人犀利好多。
呢个技术咁犀利，
好似一件好事，
但系亦都有人担心，
呢种技术会令贫富差距变得更加大，
因为一开始可以利用呢啲新技术嘅人肯定系有钱人，
有钱人会利用呢种新技术增强自己嘅优势，
变得更加聪明优秀。
因为机器同人嘅结合体非常强大，
所以普通人根本就冇办法超越佢哋。
宜家普通人仲有翻身嘅机会，
但系喺嗰个机器同人结合嘅时代，
普通人就好难有阶层晋升嘅机会啦。
嗰个学生仲同我提到一个有趣嘅谂法，
喺未来，
人可能可以将自己嘅意识上传到网络上面，
如果一个人临死之前，
将自己嘅意识数据化，
跟住上传到网络上面，
咁佢就可以唔需要肉体继续喺网络上面存在落去。
我觉得呢个谂法真系好有趣。
最近我仲听到有一部美国嘅电视剧，
叫《upload 上载新生》，
讲嘅喺一个人因为出咗意外死咗，
死咗之后佢嘅意识俾人上传到云端，
跟住同一个管理呢个空间嘅女程序员发生咗感情。
呢个电视剧听起身好烧脑啊，
但系我真系好想睇下。
今日嘅话题有啲天马行空，
希望俾到啲启发你啦。
粤读时光，看见生命中嘅光。
用户评论