姚慕双 周柏春-学评弹

甲：我对戏曲交关喜爱，尤其我对迭个评弹是情有独钟，欢喜唱两句弹词。各位老师侪有得各种流派，像朱雪琴老师唱个调头叫琴调。

乙：琴调有得啥个特点啊？

甲：伊唱个赛过飞流急迫，一泻千里。

乙：喔唷，很快。

甲：节奏比较快。蒋月泉老师唱个蒋调。

乙：蒋月泉老师个蒋调。

甲：蒋调唱起来死雄伟豪放，像大鹏展翅。

乙：哦，漂亮。

甲：节奏比较稍微慢一眼。顶顶慢要算徐云志老先生唱个迷魂调。

乙：迷魂调哪能，慢啊？

甲：像小溪流水，蜿蜒曲折。

乙：蛮慢个。

甲：搿么比较慢了。伲学习两位老师唱腔个辰光顶要紧要注意情节，勿能够形而上学，要看啥个内容个。比如讲侬迭个事体蛮急个，假使说有得两兄弟，一个阿哥勿当心落到河里了，兄弟勿会得游水个。

乙：搿哪能办法呢？

甲：像搿能样子情节比较急了，比较急个，比方讲有两句唱词，一见我兄落河中，快请大家就我兄。

乙：请大家来救。

甲：顶好唱琴调。

乙：快。

甲：一见我兄。

乙：等……（快速）

甲：落河中。

乙：等……（快速）

甲：快请大家来就我兄。

乙：等。

甲：等到救起来笃定好了。

乙：快呀。

甲：来得及。唱蒋调稍微慢一眼，一见我兄。

乙：等……（中速）

甲：落河中。

乙：等……（中速）

甲：快请。

乙：等……（中速）

甲：大家来就我。

乙：等……（中速）

甲：兄。等到救起来打强心针。

乙：稍微慢着点了。

甲：假使唱迷魂调还要慢了。一见我兄。

乙：等……（慢速）

甲：落河中。

乙：等……（慢速）

甲：快请大家。

乙：等……（慢速）

甲：我……

乙：滴滴咚，滴滴嘭……（慢速）

甲：大家勿要勿去来，自己飘上来了。