【哭妙根笃爷】唱一个同志真粗心，做事情勿肯动脑筋。
闹出笑话真勿少，马大哈啥事随点点。
有一日早上䟿起身，一看手表急煞人。
心急慌忙穿衣裳，叫横穿竖穿穿勿进。
气得来伊骂山门来弹眼睛，赛过发啥神经病。
仔细一看会笑出声，伊拿子裤子当汗背心。
有一日早上吃点心，觉着今朝的牛奶味道勿大灵。
难能酸唧唧来阴沉沉，回头一看打恶心。
药水浆糊错当牛奶瓶，害得他隔夜饭呕脱仔半面盆。
前两天粗心人接到一封信，说伊娘舅已近命归阴。
追悼会定辣辣廿九号，是星期三个上午十点整。
粗心人一看自作聪明，记日节我会找窍门。
星期三十点钟，记牢一个三，记牢一个十。
追悼会是三十记得清，廿九号追悼会记牢三十号，那闹猛了。
转眼已到三十号，粗心人连忙就动身。
赶到龙华火葬场，借一个花圈进大厅。
未进门先把娘舅叫，“娘舅啊娘舅，娘舅啊娘舅，”伊哇啦哇啦哭亲人。
办丧事人家弄不懂，迭位亲眷从未上过门。
要紧过来问一声，“诶，侬个娘舅是啥人。”
粗心人边哭边回答，“我个娘舅名叫陈宰庭。”
“同志啊，今朝追悼会是我妹妹叫金秀英，侬阿会走错人家跑错门。”
粗心人一听吃一惊，连忙拿出了一封信。
仔细一看发了呆，搞错日脚急煞人。
我娘舅昨日已近烧成灰，今朝再来白费劲。
花圈个钞票侪浪费，来回车钿要两块零。
最伤心了最伤心，我眼泪水哭脱仔两三斤。
用户评论