王双庆 童双春-从无到有

甲：我脱侬两个人来表演一段《从无到有》。

乙：茶壶倒油，茶壶里倒得出油，烫婆子里倒得出酸梅汤。

甲：啥人讲拿酸梅汤放了烫婆子里向。

乙：拿茶壶里去摆油个。

甲：哎呀，侬听错了，勿是茶壶摆油，我是讲从无到有，就是一把茶壶。

乙：倒得出油。

甲：哪能我还被伊搞过去了，勿是茶壶呀。

乙：是啥事？

甲：本来没个发展到现在样样有了叫从无到有。

乙：哦，侬个是来变魔术。

甲：勿是变魔术，是事实求是个事体。

乙：哦。

甲：我讲上海解放三十五年 来翻天覆地个变化，老上海才亲眼目睹看到个。

乙：对啊。

甲：像侬这个年纪，还有侬几岁。

乙：我属狗个。

甲：哦，侬属狗个，属狗个，侬到底属啥？

乙：还可以讲属老鼠个。

甲：属老鼠我晓得个，属老鼠侬今年是一岁。

乙：我一岁。

甲：属老鼠呀。

乙：搿么我还要吃奶糕了。

甲：阿要喂侬了。

乙：想得出个。

甲：哪能？

乙：四十八岁了，属老鼠个。

甲：勿容易哦，侬竟然可以活到四十八岁。

乙：听侬闲话里向我应该老早就报销了。

甲：本来我想通知那家属去，那勿通知了，活到四十八岁，搿么侬四十八岁属啥？

乙：四十八岁属老鼠个。

甲：还属老鼠个，今年四十八岁属老鼠，明年四十九属啥？

乙：属咸蟹个。

甲：到赞个。

乙：还赞个了会要。

甲：哪能？

乙：今年属老鼠明年仍旧属老鼠。

甲：还要数老鼠。

乙：呃。

甲：侬一径属过去了。

乙：勿改个。

甲：迭个勿掉个，搿么我问侬了，侬还是养了上海，生了上海。

乙：我是生了上海，长了上海，标标正正个上海牌。

甲：哦，上海牌，那侬迭个上海牌是全钢还是半钢。

乙：当然全钢个，侬了瞎讲。

甲：侬讲上海牌。

乙：当我上海牌手表。

甲：啥物事了？

乙：我是上海人。

甲：也是老上海，大家老上海谈谈上海面貌。

乙：讲讲上海个事体。

甲：对勿啦，别样勿要谈，就谈谈上海个建筑。

乙：侬讲到上海个鸡粥我顶熟悉了，上海个鸡粥顶好要数小绍兴了，小绍兴个鸡粥好啊，阿要我脱侬两个人一道去吃，搿是作料配得好，味道鲜，鸡嫩，勿要讲别样，鸡脚爪硬也香。

甲：喂喂喂，讲鸡脚爪捏牢我这只手做啥？

乙：迭个弄错脱了。

甲：想得出个哪能，侬搞头思特别结棍。

乙：哪能？

甲：我辣讲上海造房子拉啥建筑，侬哪能搞到鸡粥浪去了。

乙：哦，建筑，搿侬迭个口齿勿忒清爽。

甲：嘿嘿，上海建筑。

乙：建筑没啥好谈个。

甲：哪能没啥好谈个？

乙：造房子总归用黄沙了砖，总勿见个侬造房子特别考究，用豆沙了冰砖。

甲：独享吃个，建筑没啥谈，有谈头个。

乙：谈啥呢？

甲：上海建筑，别样勿用说，一个城市了从建筑浪向可以反映出人民个精神风貌。

乙：对个。

甲：看得出迭个城市个变化脱发展。

乙：勿错啊，就拿我屋里向来讲吧，还有变化，还有发展个。

甲：哦。

乙：我从前住一间客堂间。

甲：我晓得个。

乙：后来我想办法，拿后面墙头拍脱，辣弄堂里头搭一间灶批间，发展了。

甲：喂喂喂，迭个是违章建筑。

乙：所以后来还拆脱了。

甲：嘿嘿，还是灶批间拆脱了。

乙：连我个客堂间一起拆脱个。

甲：哪能侪拆特脱个。

乙：勿是呀，我是拆迁户，搬新房子了。

甲：哦，等新房子了，侬看享党个福。

乙：对个。

甲：解放以来人民政府照顾人民，关心人民生活。

乙：对个。

甲：旧房子老房子拆脱调新个，别样勿用说，新村造几化。

乙：交关了。

甲：解放初期，造个曹杨新村 ，后是来发展到从一村建造到九村。

乙：我娘舅就住了曹杨新村。

甲：我舅妈住了天山新村 。

乙：我爷叔住了鞍山新村 。

甲：我婶婶住了控江新村 。

乙：我姑父住了甘泉新村 。

甲：我娘娘住了双辽新村 。

乙：我外公住了崂山新村 。

甲：我外婆辣辣老四新村。

乙：我脱侬两个人才是老三老四。

甲：巧个。

乙：哪能有搭老四新村，只有崂山新村。

甲：只有崂山新村。

乙：没老四个。

甲：老四可以发展�，将来作幸有老四新村。

乙：对个对个。

甲：新村个环境美。

乙：像花园那个。

甲：侬讲起花园，解放后还造仔勿少。

乙：哦。

甲：造子交交关关公园，个人根据同兴趣好去白相。

乙：搿么我欢喜市中心路近点个。

甲：顶近对过人民公园 。

乙：诶对个对个，搿么我欢喜爬爬山摇摇船个呢？

甲：喔唷顶好长风公园。

乙：有种人欢喜吃吃茶坐坐个。

甲：上海豫园，九曲桥上还有湖心亭。

乙：诶对个对个，搿么我欢喜古色古香个。

甲：新建造个青浦大观园 。

乙：诶对个对个，搿么有种人欢喜动物个呢？

甲：上海动物园 。

乙：诶对个对个。

甲：里向狮子老虎狗还有象鼻头，还有猢狲。

乙：喂喂喂，哪能迭个猢狲三只手个。

甲：啥体？

乙：侬勿好摸皮夹子个，皮夹子里有月票个。

甲：侬放心好了，伊摸仔月票到电车浪向勿好乘个。

乙：哪能了？

甲：侬只面孔脱伊勿像个。

乙：我只面孔像猢狲还难看个。

甲：里向还有珍贵个动物，熊猫长颈鹿。

乙：侬勿像长颈鹿，像眼镜蛇。

甲：介恐怖阿里向蛇倒还有个。

乙：搿么我欢喜盆景花草个呢？

甲：上海植物园 。

乙：赞个。

甲：住宅盆景，假山盆景。

乙：赞个。

甲：顶赞像那五针松啊。

乙：迭个是老虎脚爪。

甲：九里香。

乙：侪是香烟臭。

甲：顶好是牡丹花。

乙：伊像谢开花。

甲：我哪能侪勿灵个。

乙：我假使要脱女朋友谈谈个。

甲：随便啥公园才好去谈个。

乙：我要路近点幽静点。

甲：介绍侬屋里向旁边街心公园，门票勿要买个。

乙：喔唷到是赞个呀，迭个便宜货乐个沓个，搿么我想谈仔以后还想带子走个呢？

甲：那到人民法院。

乙：啥体我要到人民法院？

甲：盗窃公共财物带子跑个勿要拉到法院。

乙：我盗窃，盗窃啥物事？

甲：带了跑个呀，阿是拔脱一颗杨柳树带了跑？

乙：侬当我花和尚鲁智深啊。

甲：个侬带啥？

乙：我带阿拉女朋友一道走呀。

甲：到啥地方去啊？

乙：带伊到戏院影院。

甲：带女朋友看戏赞，讲到看戏，解放以后新造个剧院影剧院多了勿得了。

乙：哦。

甲：南市影剧院 ，曹阳影剧院 ，普陀影剧院。

乙：赞个

甲：日晖影剧院 。

乙：还听见个。

甲：等等影剧院。

乙：顶好就是等等影剧院，等等影剧院顶大个优点就是女朋友迟到了伊可以等侬一等，迭个等等影剧院了好啊。

甲：请教侬等等影剧院辣辣啥地方？

乙：大概辣辣英国伦敦吧。

甲：到伦敦。

乙：勿是我还勿晓得，侬自己讲等等影剧院。

甲：喂，我讲等等影剧院是许许多多新建造讲勿光了，所以叫等等影剧院。

乙：喔唷，我还以为侬新造一爿影剧院叫等等影剧院。

甲：还有剧场还有交关，新造个闵行剧场 ，徐汇剧场 ，上海杂技场 ，风雷剧场 ，劳动广场，文化广场 。

乙：人民广场。

甲：勿对个，人民是广场。

乙：文化还是广场。

甲：文化广场有脱戏看个。

乙：人民广场也有戏看个。

甲：人民广场啥地方来戏看？

乙：有戏看个。

甲：啥戏？

乙：有一日一对青年男女两个人吵起辣辣，我来旁边白出铜钱看白戏。

甲：迭个戏勿比那戏，两样个。

乙：人民广场还是解放以后新建造个。

甲：搿到侬讲了对个，从前人民广场是赌台 呀，帝国主义掠夺我们个血汗铜钱，解放以后属于我们人民所有。

乙：收归国有。

甲：每逢节日，庆祝集会，平常时光，交通往来。

乙：对啊。

甲：旁边两块空地为好散散步啊。

乙：踢踢球啊。

甲：打打球啊。

乙：钓钓鱼啊。

甲：游游泳啊。

乙：跳跳水啊。

甲：人民广场干个没水个。

乙：啥人讲没水个，有水个。

甲：人民广场啥地方来个水？

乙：有水个。

甲：啥地方？

乙：人民广场旁边茶摊老妈妈摊头上侪是个水。

甲：喂，这个是摆茶水摊。

乙：阿有水�啦。

甲：玻璃杯里水侬好游泳啊，侬跳得进去�？

乙：游阿勿好游，一只鼻头还塞勿进去。

甲：搿么好了。

乙：假使我要游泳呢？

甲：游泳我好介绍侬个。

乙：啥地方？

甲：新建造个，上海游泳馆。

乙：哦，我听见个，上海游泳馆。

甲：赞�？

乙：熟悉个，辣辣啥地方？

甲：熟悉个，辣啥地方？

乙：勿是，有点糊里糊涂。

甲：上海游泳馆就辣万体馆个后头。

乙：就辣万体馆后头，搿么老地方了。

甲：老地方。

乙：万体馆了啥地方。

甲：万体馆也勿认个，万体馆就了上海游泳馆个前头。

乙：搿么游泳馆辣辣啥地方？

甲：了万体馆后头。

乙：搿么万体馆呢？

甲：前头。

乙：到底是前头还是后头？

甲：侬要变寿头快了，万体馆也勿认得。

乙：搿么没去过啊。

甲：勿要烦了，几时我带侬去白相。

乙：好个。

甲：万体馆经常有个外国代表团来比赛啥个。

乙：假使啥重大个国际比赛，外国人来住了啥地方呢？

甲：住个地方多了，上海吗锦江饭店 ，国际饭店 ，和平饭店 ，后事来新造仔交关饭店。

乙：哦。

甲：还有宾馆，静安宾馆 ，达华宾馆 ，顶大闹新落成个上海宾馆 ，规模大啊，高冲入云，高了不得了。

乙：高，总关国际饭店顶高了，廿四层楼。

甲：廿四层楼算高了，现在挨勿着了，上海宾馆廿九层楼高。

乙：还要高五层。

甲：从地浪到顶浪九十一米高。

乙：介高啊。

甲：侬立辣下头朝上头看，看到顶浪，头一抬帽子平拍脱落到地浪。

乙：介高啊。

甲：马上跌脱，上头看下去人人小了一眼眼，上趟一个女同志立辣上头俯冲，朝下头一看，心一荡，日磅，一颗心落到直直下头。

乙：心落出去了。

甲：高呀。

乙：心哪能为的落出去啊？

甲：侬讲啥心啊？

乙：良心啊。

甲：勿是啊，伊带个项链浪个鸡心。

乙：喔唷，侬讲讲清爽。

甲：高�？

乙：王双庆，侬还勿好看个。

甲：我啥体勿好看个。

乙：侬一看眼镜要落下去个。

甲：笃定，我有门槛个，眼镜浪我好搏牢伊个。

乙：门槛精个。

甲：还有上海宾馆设备好，侬跑到大门口，勿动个，两扇大门会儿开开来，踏到里向，两扇大门会儿关起来。

乙：假使讲我要到房间里去呢？

甲：电钮一揿，房门开了。

乙：我倒要看书了。

甲：电钮一揿，灯管亮了。

乙：我以便环境空气不好。

甲：电钮一揿，窗帘谢开辣辣。

乙：我倒要看看文艺节目呢？

甲：电钮一揿，电视机开了。

乙：赞的。

甲：再电钮一揿，霍元甲出来辣，再电钮一揿，童双春跑出来辣。

乙：哪能我还去个了？

甲：侬脱霍元甲 一道个，隔壁邻舍。

乙：我脱霍元甲是隔壁邻舍。

甲：住辣邻舍隔壁会勿认得拉？

乙：要死快了，我自己还糊里糊涂个。

甲：侬想想看。

乙：照怕怕我左隔壁是小皮匠，右隔壁是修橡皮拖鞋个。

甲：霍元甲辣五频道 ，侬辣八频道 ，对�了？

乙：哦，对个对个，大家经常了频道里向碰头。

甲：那邻居关系要搞好团结，勿吵�打起来，打起来霍元甲大力士侬打伊勿过个。

乙：打伊勿过勿要紧个，我好豁伊痒嘻嘻个。

甲：侬讲赞个。

乙：赞个。

甲：足不出门，侬了房间里好看到各种节目各种戏。

乙：再讲走出去还勿方便呀，人几化多了嘿，交通几花拥挤啊。

甲：是呀。

乙：走走还勿方便。

甲：走走勿方便，人民政府有办法，解决交通问题，叫侬上天入地。

乙：上天，上天我又勿是老鹰，入地侬当我是老鼠啊。

甲：勿个，上天叫侬走天桥，入地叫侬走地道。

乙：哦。

甲：天桥晓得�？

乙：天桥。

甲：外滩喏，人行天桥，四平路天桥 ，徐家汇慢慢交还有天桥 ，还有等等天桥。

乙：顶好就是等红天桥，等等天桥顶大个优点就是侬碰着红灯可以等侬一等。

甲：用不着等个，下头红灯汽车勿好跑上头行人照样可以来来往往。

乙：照样可以走啊。

甲：天桥个特点。

乙：好个。

甲：地道，静安寺人行地道 。

乙：到对过去了。

甲：马路浪汽车开来开去，勿管下头好走人个，还有隧道 。

乙：隧道。

甲：黄浦江底下开辟道路，汽车好通行，隧道长了勿得了，两千七百三十米长。

乙：介长个。

甲：汽车开开交关辰光。

乙：喔唷。

甲：阿拉到黄浦江底下直达水进攻。

乙：碰到海龙王。

甲：海龙王碰勿着个。

乙：啊？

甲：海龙王碰勿着个。

乙：哪能？

甲：叫水进攻。

乙：水晶宫。

甲：向水进攻，叫水让路，人民伟大�？

乙：哦，向水进攻叫水进攻。

甲：对�？

乙：对个。

甲：所以建设方面是勿谈了。

乙：搿倒是好个。

甲：好了勿得了，还个为仔交通发达，还要造底下铁道。

乙：还要造铁道啊，喔唷，铁道赞个呀。

甲：哪能？

乙：王双庆，假使讲侬造底下铁道的辰光脱我稍为留心留心。

甲：啥体？

乙：脱我还造一条。

甲：侬造辣啥地方？

乙：脱我灶批间里造一条地下铁道。

甲：侬灶批间造铁道啥事体？

乙：通到我丈母娘屋里向去忙忙伊便当点

甲：想得出个，人人造到丈母娘屋里地皮都挖空了。

乙：搿么，别人勿造专门脱我造一条。

甲：哪能没介自私自利个，我伲党政府勿是为仔侬个人啦啥，为仔造福人名群众，还个美化环境，为仔城市环境美化，还新造子交关塑像摆了各道各处，有的宋庆龄个汉白玉像 。

乙：伟大。

甲：鲁迅先生个石像 。

乙：庄严。

甲：雷锋同志个铜像。

乙：雄伟。

甲：还有交关古代个名医。

乙：哦。

甲：中山医院造个李时珍个塑像。

乙：肃穆。

甲：曙光医院有个张仲景个塑像。

乙：受人崇敬。

甲：将来还要造了。

乙：还要造了。

甲：政治界，文艺界，体育界还要造交关塑像。

乙：文艺界还要造个。

甲：当然。

乙：我伲滑稽界还造�？

甲：滑稽界，滑稽界里有个别同志特别杰出对党和人民有杰出贡献个照样可以造塑像。

乙：滑稽界还可以造个？

甲：当然。

乙：王双庆，侬看看我还有希望�？

甲：贼脱兮兮啥事体？

乙：勿是，侬看看我还有希望。

甲：侬啊，我到要问问侬，侬对人民有啥贡献？

乙：贡献还讲勿上啊，没功劳还有点苦劳。

甲：乃么看侬苦恼，脱侬还造个塑像。

乙：造一只造一只。

甲：好�，材料脱侬考究点。

乙：诶，对个对个，考究点。

甲：脱侬童双春同志造一个不锈钢个塑像

乙：不锈钢，侬迭个忒高级了，迭个我还咽不过的。

甲：侬还过着个。

乙：稍为推扳点。

甲：搿么钢宗个好�？

乙：钢种赞个，勿灵个勿灵个。

甲：哪能？

乙：钢宗个，亮是亮个，薄勿过了，一揿一瘪荡，那像踏瘪脱个钢宗镬子一样。

甲：还勿灵个，搿么迭能，硬点个。

乙：硬点个。

甲：生铁。

乙：诶，生铁还勿灵个。

甲：哪能？

乙：生铁要生锈个。

甲：生铁只好做祸子个，搿么勿生锈个，煤灰。

乙：煤灰，煤灰侬了戳我霉头。

甲：勿灵个。

乙：一落雨变煤浆了，我外头还要罩浴罩讨厌煞了。

甲：木头的好�？

乙：诶，木头赞的。

甲：木料好点。

乙：诶，对了。

甲：用楠木好了。

乙：楠木不会坏，赞了呀勿。

甲：往事侬人木噱噱的。

乙：木勿木个，来得活络了，骨界骨骼侪会动的。

甲：搿么我问侬了，侬预备造塑像啥姿势，侬摆摆看那。

乙：姿势。

甲：让阿拉参考。

乙：姿势我两只手总关要来来看手摇摆高一点。

甲：举高一点，啥体，偷电灯泡。

乙：哪能搞到偷电灯泡郎去了。

甲：捞啥捞。

乙：忒高了。

甲：忒高。

乙：忒高了。

甲：脚踏车了打气。

乙：忒低了。

甲：肚皮痛啊。

乙：哪能才勿灵个。

甲：维纳斯像看见过�？

乙：看见过啊。

甲：老美啊。

乙：维纳斯两只手没个。

甲：搿么侬两只手锯脱伊好了。

乙：勿搞，个吃得消啊。

甲：为塑像牺牲吗。

乙：现在用勿着呀。

甲：搿么手摆后头。

乙：手摆辣后头。

甲：好�，就个能子。

乙：像�了？

甲：就个能子，地方脱侬捡了好点。

乙：地段要适中。

甲：摆了闹猛点。

乙：闹猛点。

甲：就摆了南京路西藏路口。

乙：喔唷，赞的。

甲：顶闹猛了。

乙：勿来呀。

甲：啥体？

乙：南京路西藏路口头车子多勿过。

甲：闹猛。

乙：万一叫汽车开过朝我腰眼里一撞，一只腰子撞脱了，我迭个劳伤呀。

甲：怕撞个。

乙：怕撞个。

甲：摆了撞勿着个地方。

乙：诶。

甲：上海宾馆廿九层楼屋顶上，那没人撞侬了，顶高了。

乙：屋顶浪好是蛮好的。

甲：好�了？

乙：一个人孤零零了上头还吓个呀，慢叫刮起龙卷风来一吹跪下来粉身碎骨。

甲：疙瘩到疙瘩个，真定放了黄浦江旁边。

乙：诶，搿么赞了呀。

甲：好�？

乙：听听浦江个涛声，看看万吨巨轮。

甲：还要哪能？

乙：还个风凉啊，电风扇还勿用装个。

甲：真定这样。

乙：电费省交关了，具体放了阿里一段呢？

甲：阿里一段我老早脱侬看好了。

乙：哦。

甲：十六铺勿到，东兴桥转弯。

乙：啥地方？

甲：垃圾码头。

乙：侬当我垃圾啊。