《老人与海》粤语版 130

2023-09-12 08:27:1901:45 53

声音简介

⁠⁠《老人与海》粤语版 130

老人猛咁将船柄由船舵上面扭落嚟，双手用力捉实，对住鲨鱼又打又扑，反覆咁向水里面挥动，但係呢个时候佢哋已经到咗船头，前仆后继咁冲上嚟撕扯大鱼嘅肉，一片片嘅鱼肉喺海水里面闪闪发亮，然后佢哋转个身又嚟撕咬。

最后有条鲨鱼向住大鱼个头扑过去，老人知道一切都结束喇。鲨鱼棚牙棘住喺大鱼厚实嘅头部，咬极都咬唔开，于是老人趁住呢个机会擸起船柄，大力咁打喺鲨鱼嘅头上面，一次、两次不停咁击打，后来佢听到船柄啪一声断埋，就拎起断咗船柄插条鲨鱼。睇嚟木柄嘅断口好锋利，佢感觉插咗入去，再用力一推。鲨鱼终松开口，反转身游走咗。呢条係头先嗰群鲨鱼里面嘅最后一条，呢度再冇嘢可以畀佢哋食喇。

老人宜家已经攰到唞唔到气。佢觉得嘴里面有一阵怪味，係銅嘅味道，仲有啲甜味，令佢呢一刻有啲担心，但好彩呢种味道唔係太浓烈。