《老人与海》粤语版 131

2023-09-14 22:54:2001:45 56

声音简介

⁠⁠《老人与海》粤语版 131

佢向住海吐咗一啖口水，大声咁讲：「食晒佢啦！柠檬鲨！再去发梦，梦见你哋杀咗个人啦！」

佢知道最后都係被打败，而且一败涂地。佢返返去船尾，发现嗰半截锯齿状嘅船柄仲可以插入船舵嘅狭糟里面凑合咁用嚟掌舵。佢将麻布袋披喺膊头上面，沿住原来嘅航线驶去。

宜家小船轻快咗好多，佢已经冇任何嘅谂法，亦都冇任何嘅感觉，对任何事都唔感兴趣。只要尽可能平安咁、准确咁将架船揸返家乡嘅港口就好喇。夜晚，仍然有鲨鱼嚟咬大鱼嘅残骸，就好似啲人喺张食饭台上面执啲面包碎嚟食。老人对呢样嘢已经唔再在意喇，除咗掌舵之外，佢乜嘢都唔在意。佢只係注意到小船边冇咗沉重负担，行得轻快又畅顺。

架船仲係好好，佢心谂，除咗嗰个舵柄。船身都係好好嘅，丝毫无损。舵柄都好容易配返嚟吖！佢感觉架船已经洗驶入弯流，亦都见到海滨住宅区嘅灯火。佢知道自己宜家到咗咩位置，返屋企已经唔成问题喇。