以下全文，未经允许请勿转载！
勒勒一个老热个大热天，一只乌鸦嘴巴邪气干，伊到处去寻水。但是，小河浜里个水，拨太阳晒干了。伊呒没办法，伊只好飞到老远个地方去。一记头看到，有一只花园里向头，有一只瓶，瓶里向有眼水。伊就马上飞过去。不过啊，瓶里向个水，水位忒低了。葛末哪能办呢？伊用力气想拿瓶端起来，瓶忒重唻。伊硬紧拿嘴巴伸进去，但是还是吃勿着水。哪能办呢？乌鸦坐勒旁边想。伊旁边看到有堆小石头噢，伊马上立起来，飞过去拿石头一粒一粒个厾勒瓶里向，瓶里向个石头，一眼一眼快要满了，水也就升高了。搿辰光啊，乌鸦就可以老轻松个吃到水了。乌鸦吃好了水，轻松个拍了拍翅膀就飞走了。伊个心中充满了自豪，伊想，我搿个办法真聪明啊！
【学习上海话请联系，我们有专门的线上/线下课程，加微信SelinaYaoACT】
用户评论