死港女 - 023

见到peter, 先唔讲佢个样有几死先(沮丧), 佢略略同我讲发生左咩野事, 佢就话想听我对阿may呢个人既睇法, 同埋想听下我同阿may之前既所有事....

咁我知道左咩事后.....亦都好乐意同佢讲...因为之前我讲佢都唔听......我都想个朋友醒觉架...

咁我就由点识阿may, 到追佢, 拍拖, 咩咩, 比佢呃(骗)...争卡数(欠卡债)...到佢一脚踩两船既野一五一十咁讲晒比peter听....剩係我讲都讲左粒几钟(一个多小时).....

peter听完...唉左一声....就到我问返详细发生咩事啦....

无错....peter发现阿may除左佢之外...仲有第二个.....

peter同阿may拍拖后, 就急不及待咁将阿may介绍比自已d朋友识, 包括中学, 大学既同学

基本上同peter fd既同学都识晒...咁d同学就当然唔会对阿may有非份之想啦

但有次佢其中一个中学同学生日, peter返中更(中午的班), 赶唔切(来不及)去送礼物比个fd, 咁就阿may去先, peter后到

peter黎之前, 有个peter同学带黎既fd (唔识peter既人) 睇中左阿may, 条ABC(美籍华人)本身家底又好好既, 又係d咩野专业人仕, 岩岩係外国返, 但就唔知阿may有peter, 咁果晚就同阿may交换左电话, 个ABC就切完蛋糕就走左, 个ABC走左之后, peter先黎....

之后阿may就keep住同个ABC有联络, 阿may就呃个ABC, 话自已无男友, 但就话佢地其中有同学想追佢, 佢唔想未同佢开始就比大家知。
因为peter工作时间好长, 又要应付好多考试, 而阿peter又好信阿may, 好少过问佢既行综, 咁就样, 阿may就同个ABC秘密咁样发展....

因为阿may知道个ABC只係阿peter其中一个fd 阿A既 fd, 所以有阿A出现既时候, 之前都会打个电话问下个ABC今晚会去边, 确保唔会撞到先会出....好衰唔衰生日果晚个peter比佢既惊喜...阿A都係度

之后阿A叫埋个男仔黎会所一齐玩, 先知阿may原来係peter条女

咁个ABC就同返阿A讲....话佢同阿may有一手......阿A就当然同返peter讲件事啦