死港女 - 024

件事就发展成咁, 咁之后peter都有叫阿A同埋个ABC出黎倾, 知道左阿may同个ABC成日(经常)有亲密互动, 但就出奇地无叫过个ABC买礼物比佢.....

ABC知道后就当然话唔会要阿may啦 ，食完两个月即飞(抛弃)，叻仔 (聪明仔)

阿may又认错喎.....peter又话想比个机会阿may...佢话佢始终爱阿may好深.....

而家想问下我阿may之前係唔係一向都係咁....然后再作决定....

我多口问佢呢大半年洗左几钱係阿may身上.....

佢个答案简直吓X死我

peter话确实洗左几多就唔知, 唔计架车, 珠宝手饰已经过50万, (佢阿妈送左条成20蚊既颈鍊比阿may) 袋就唔少得过20万, 衫都差唔多20万, 佢家姐结婚就(借)左20万比佢, 加上呢半年每个月比阿may 3万, 再加上阿may既饮食, 化妆品, 美容卡数, 佢户口裡面最少唔见左60万现金....我都唔记得太清楚喇....

（注：我惊大家太懒唔想去计，我屈指一算，应该差不多二百万）

到最后....佢问我有咩意见.....我话收返佢架车...叫佢还返借比佢家姐既20万, 其馀果d无得追架喇...咪当付费服务算囉....

peter话佢会谂谂(想想)......我开头都以为佢会选择同阿may分手.....

点知隔左两星期.....peter话已经原谅左阿may

知道peter选择同阿may继续一齐之后, 我已经连嬲都唔识得嬲阿peter喇

peter话佢会继续同阿may一齐...但就请我帮个忙.... 佢班fd裡面就剩係阿A知道, 佢希望我永远都唔好将呢件事讲比我班fd听, 佢话将来都会同我地班fd见面,,佢话就算最后结果係点...都係佢自已拣既......我答应左佢...

到而家班fd裡面都无人知道呢件事.....

之后peter同阿may 继续....我亦少左同阿peter接触....只係中间有人生日会係K房见, 过左年几.....peter话想同阿may结婚喎....

知道peter话结婚, 其实我自已都无咩感觉, 一来(一方面是)自从上次佢仍然话要同阿may一齐之后, 我对呢个fd已经太失望, 唔想再理佢既事, 见到面我都唔会再问  关于佢同阿may既野, 而家已经唔係同peter太熟, 二来(另一方面是)我已经抱住一个心态...就係你要死  唔通我唔比你死咩?

听完佢话结婚, 时间係话大约半年后, 佢问我到时黎唔黎饮(来不来喝喜酒), 我话ok啦.....

隔左排(一阵子), 佢又话已经影好晒婚纱相, 仲话已经订好晒酒席日期, 叫我果日同阿june一定要准时到, 我话ok

再係结婚前大约3个月, 佢派帖比我, 佢仲希望我帮多个帮, 因为我係介绍人, 都算做红娘, 佢希望佢结婚果日上台帮手讲两句, 我以为佢叫我做MC (司仪)....我当然话唔好啦, 佢话唔係叫我做MC...只係上台比MC问几句, 等我赞下佢地两个姐....咁我都应承左佢......

就係咁...我又同佢fd返少少, 由以前见到面打个招呼就算, 变返做都有两句偈倾下, 问下佢婚礼果日点搞...

点知有日, peter打比我话.....个婚礼结唔成....要取消....佢决定要同阿may分手.........