死港女 - 017

吹水期间...讲起头先下面果件事, 大家都话阿may变左好多, 阿明问我以前同阿may果阵(那时候)係唔係咁架...我话以前唔係咁架.....唔知点解呢2年几变左咁多..(阿june一早知我同阿may拍过拖)

阿Ann就话可能阿may呢两年比d男朋友玩得太多, 所以对追佢男人有戒心啦....咁大家讲左阵....都无理佢点解会变成咁样...

之后就当然介绍下peter比大家识下啦....d女仔fd听到佢做医生...又玩佢咁样话自已无男朋友...叫佢考虑下佢地......又叫佢将来记得做妇科专科医生....玩到条死毒L(宅男)面都红晒   (满脸通红)

咁船到左喇...准备落水啦...咁我地开始前都有个习惯....就係夹左钱先....今日连船租...船上既一切食物....每位$200...有剩既就留返今晚唱K做公数....唔去无得扣返.....

咁阿Peter就好快去袋度拎左$600比阿明...话我同june三个既....我话转头比返佢...佢话唔洗啦....佢请我地两个喎......

阿Ann个死八公就讲左句: 做医生果然係唔同d喎...够晒豪气....你不如请埋我地两个.....

点知peter又竟然话好喎......阿Ann听到之后就话讲笑咋....我地惯左AA架....不过多谢你先..嘻嘻

大家换泳衣落水啦, 男既基本上已经着定泳裤, 除晒(脱了)d衫就得, 偏偏peter死条死毒L就无着定(预先穿好).....

咁d女仔又排晒队去厕所换泳衣, 佢又礼让比人换晒先喎....本身d男仔已经开始落水, 我因为带peter黎, 加上佢又怕怕丑丑咁, 咁就等埋佢换好衫先一齐落水啦, 咁我地两个就坐係度等d女仔换好泳衣先啦...

中间阿may换好出黎....一睇....哇....我Hi....以前D cup既佢.....而家好似E cup咁大....加上佢本身瘦底(本身很瘦)...搞到佢着果d三点式.......我见peter睇到眼甘甘 (目不转睛)

佢见我地两个坐係厕所门口...仲扭一扭个身讲: 点呀?件泳衣得唔得呀(好看麽)?我係马沙(这是一家高价店)买架?

我觉得唔好着会更加得囉...

你就想....要睇都唔比你睇啦....我情愿比阿医生哥哥睇.都唔会比你睇啦....哈哈

我话 peter...即係同我除佢件衫落黎....

peter 话 你唔好虾(欺负)女仔啦........

.......................

may之后行开左...不过佢并唔係落水....而係坐返去麻将台果度......

最后peter换好衫....一睇....我Hi....佢本身有个肚腩仔.....好白淨...但最出奇既係.....

佢竟然白裡透红

呢一叫..即刻引黎大家既注目....有人忍唔住........睇过....睇过....边度白裡透红呀? 哇...真係喎....唔得喇....我忍唔住要摸返下先.........

peter就好似女仔咁样, 双手护身....大叫 "唔好搞啦....唔好玩啦....好痕呀.....痛呀.......救命呀............  

经过一轮十几人轮完(轮流欺负)peter之后....就各自鸟兽散(各自散开)......剩低peter独自坐係地板上面....面上带有少少既泪痕.....但又笑住咁讲....."你班fd玩得好癫呀"

咁好唔好玩呢?

好!!好!!!不过好痛呀...哎哟.....

起身啦...落水喇....隻香蕉船都来回左几转喇...你睇下佢地玩得几开心....

唔落喇........我唔识得游水............



我Hi....peter竟然唔识得游水...我心谂...你唔早讲...你早讲我就唔叫你黎啦...而家点算好??  

黎啦.....你用水泡(游泳圈)啦...我教你游.....

唔啦...我惊浸亲 (怕遇溺)...

咁多人係度...你有事即刻大把人救你啦....唔会浸亲你...你睇下..有几个女仔都唔识得游水啦...佢地咪又係用水泡玩.....

唔好喇....你玩住先啦......我真係惊呀.....我睇佢地打麻将得架喇.....

你识得(会)打呀?咁你打啦....我去玩架喇....

唔识打架....我睇佢地打得架喇.....

.....................

当时係阿may, mark, 仲有两个人係度打紧麻将.....阿mark个样一睇就知道好想去游水...但又要陪住阿may..

may peter你想打呀? 你黎打啦....

我唔识打...我睇你地打得架喇....

唔紧要喎...我地教你啦.....打好细(玩的金额很小)之嘛......其馀果两个fd又好似怕peter闷..都叫佢打

讲左轮(一会儿)....阿may就叫阿mark让个位比peter打...阿mark当然愿意啦...因为可以玩水....最后我同阿mark都落左水...剩返peter同佢地打麻将...