苏州儿歌

吴地老儿歌



一、月亮堂堂，姊妹双双，大姊嫁勒上塘，二姊嫁勒下塘，三姊呒人要，一顶花花轿，一抬抬到屈驾桥，一蒸馒头一蒸糕，砰、嘭、啪。



二、勿高兴，吃糕饼，糕饼甜，买包盐，盐咸买只篮，篮漏买包豆，豆香买块姜，姜辣买只鸭，鸭叫买只鸟，鸟飞买只鸡，鸡啼买只梨，请请你格小弟弟。



三、乌龟(音居)上街头，生意闹稠稠，尖锥尾巴橄榄头，胡椒眼睛骨溜溜。大乌龟哪哼叫?嘎!嘎!小乌龟捺哼叫?叽!叽!大小乌龟一淘叫，客客气气问你老板讨个铜板买药料，药杀乌龟开年勿来讨。



四、嗯呀嗯呀踏水车，水车盘里一条蛇，游来游去捉蛤蟆，蛤蟆躲勒青草里，青草开花结牡丹，牡丹娘子要嫁人，石榴姊姊做媒人，杏花园里铺行嫁，桃花园里结成亲，爹爹交我金桂子，姆妈交我水红裙，水红裙浪多个裥，裥裥全是玉蜻蜓，长手巾掼房门，短手巾揩茶盏，揩得茶盏亮晶晶，倒杯茶来请媒人，媒人说得三间园堂四间厅，络里晓得一间草棚两头门。 五、 笃笃笃，买糖粥，三斤胡桃四斤壳，吃子你格肉，还子你格壳。



六、老伯伯，洋钿借一百，开年还你九十九，打得你屁股扭勒扭。



七、萤火虫，夜夜红，飞到东，飞到西，五笃娘勒里，五笃爷勒里，三根麻绳吊勒里，有铜钿赎子去，呒不铜钿压勒里。